Sofonías 2:9 - CHUYA QELLQA La Biblia en Quechua de Ayacucho 2012

⁹ Chayraykum Tukuy Atiyniyuq Tayta Dios kaynata nin: Moab nacionmi Sodoma hina kanqa, Amón castakunapas Gomorra hinam kanqa, itanakunapa wiñananmanñam tikrakunqa, kachi orqomanñam tikrakunqa, mana imapa kanan chunniqñam wiñaypaq kanqa. Llaqtaymanta puchuqkunam tukuy imankupipas munaychakunqaku.

Chuya Qellqa 1992

⁹ Chayraykum Tukuy Atiyniyuq Tayta Dios kaynata nin: Moab nacionmi Sodoma hina kanqa, Amón castakunapas Gomorra hinam kanqa, itanakunapa wiñananmanñam tikrakunqa, kachi orqomanñam tikrakunqa, mana imapa kanan chunniqñam wiñaypaq kanqa. Llaqtaymanta puchuqkunam tukuy imankupipas munaychakunqaku.

Sofonías 2:9 Iomraidhean Croise

Isaías 11:14

Aswanqa kuskankuñam intipa seqaykunan lawman kallpaspa filisteokunata qepanmanta atacanqaku, intipa qespimunan lawpi nacionkunapa kapuqninkutam qechumunqaku. Paykunam sirvichikunqaku Edomitakunawan, Moabitakunawan. Amonitakunapiñataqmi munaychakunqaku.

Isaías 25:10

Tayta Diosmi Sión moqota atiyninwan waqaychanqa; Moab naciontam ichaqa, wanupatapi qopata hina maymi kasqampi saruparunqa.

Isaías 49:18

Muyuriqnikita qawariy, lliw huñunakuruspam qanman hamuchkanku. Ñoqa Tayta Diosmi kikiyrayku jurani, llapallanwanmi alhajawan hina llusikunki, noviapa churakunan alhajakunawan hinam churakunki.

Jeremías 46:18

Ñoqam kawsaq reyqa kani, Tukuy Atiyniyuq Tayta Diosmi sutiypas, sutiyrayku juraspaymi kaynata nini: Imaynam Tabor orqo wakin orqokunata masyan, imaynam lamar qocha patanpi Carmelo hoqarikun, chaynam enemigoqa sutilla hamunqa.

Jeremías 48:1

Israelpa yupaychasqan Tukuy Atiyniyuq Tayta Diosmi Moab nacionpa contranpi kaynata nirqa: Nebo llaqtam pasaypaq tuñichisqa kachkan, Quiriataim llaqtam vencesqa kaspa penqaypi kachkan. Murallankunapas pasaypaq tuñichisqam kachkan.

Jeremías 49:1

Amón nacionpa contranpim Tayta Dios kaynata nirqa: ¿Manachum Israelqa mirayniyuq karqa? ¿Manañachu herencian chaskiq churinkuna karqa? ¿Imanasqataq Milcom idolopaña Gad allpaqa rikurirun? ¿Imanasqataq llaqtankunapipas Amón runakunaña yachakuchkanku?

Jeremías 49:18

Imaynam chinkachisqay Sodoma, Gomorra chaynataq muyuriqninpi llaqtakuna hinam, Edom nacionpas manaña runayuq kanqa, manañam chaypiqa pipas yachanqakuñachu. Ñoqa Tayta Diosmi chaynata nini.

Jeremías 49:33

Hazor llaqtaqa atoqkunapa machayninñam kanqa, wiñaypaqñam chunninqa. Chay llaqtapiqa manañam pipas yachanqañachu, nitaqmi samayllapas samanqakuñachu, nispa.

Jeremías 50:40

Sodoma, Gomorra chaynataq muyuriqninpi llaqtakuna hinam Babilonia nacionqa manaña runayuq chunninqa, manañam pipas chaypiqa yachanqakuñachu, nitaqmi chayninta pasaqkunapas samarinqakuñachu. Ñoqa Tayta Diosmi chaynata nini.

Amós 1:13

Tayta Diosmi kaynata nin: Amón llaqtapi yachaqkunatam llumpa-llumpay huchankumanta castigasaqpuni. Paykunam allpankuta mirachiypi rispanku Galaad lawpi wiksayuq warmikunapa wiksallantapas kuchuspa tallirqaku.

Amós 2:1

Tayta Diosmi kaynata nin: Moab nacionpi yachaqkunatam llumpa-llumpay huchankumanta castigasaqpuni, castigasaqa Edom nacionpi reypa tullunkunata uchpayanankama kañarusqankuraykum.

Sofonías 2:14

Wasinpa qerunkunatapas hurqoruptinkum ovejakunawan purun animalkunallaña puñunqaku, pilarninkunapipas tukuwan erizollañam yachanqaku, ventanankunapiwan qawiñankunapipas pakpakakunallañam waqanqaku.

Sofonías 2:7

Judamanta puchuqkunapaqmi kanqa, ovejankutapas chaypiñam michinqaku. Ascalón llaqtapa wasinkunapim paykunaqa tutanpas samakunqaku. Chaynaqa kanqa Tayta Diosninku watukuspa preso risqankumanta kutichimusqanraykum.

Sofonías 3:13

Israelpi puchuqkunapas manañam mana allintaqa ruwanqakuñachu, nitaqmi llullakunqakuñachu, manañam pitapas engañanqakuchu. Michisqa kaspankum hawkaña samakunqaku, manchachiqninkupas manañam kanqañachu, nispa.

Zacarías 2:13

Chaynaqa, llapallan runakuna Tayta Diospa qayllanpi upallachun; paymi, maymi yachananmanta hatarispan ñoqanchikman hamuchkan.

Números 14:21

Chaywanpas kikiyrayku chaynataq tukuy kay pachata huntariq atiyniyraykum jurani:

Romanos 14:11

Chuya Qellqapim kaynata nin: “Señormi nin: Ñoqaqa kawsanim, llapallan runakunaqa qayllaypim qonqorakunqaku, llapallankum ñoqata yupaychawanqaku”, nispa.

Deuteronomio 29:22

Qamkunamanta hamuq qepa miraykunam chaynataq karu nacionkunamanta hamuqkunam chay castigokunata hinaspa nacionnikichikman Tayta Diospa kachamusqan onqoykunata qawanqaku.

Deuteronomio 29:23

Chay allpaqa azufreyuq, kachiyuq hinaspa kañasqa, mana tarpuna, mana imapapas ikllinan nitaq qorapapas wiñanan allpam kanqa. Sodomapa, Gomorrapa, Admapa chaynataq Zeboimpa allpankunamanmi rikchakunqa. Chaykunatam Tayta Dios anchata piñakuspan chinkarachirqa.