Sofonías 2:7 - CHUYA QELLQA La Biblia en Quechua de Ayacucho 2012

⁷ Judamanta puchuqkunapaqmi kanqa, ovejankutapas chaypiñam michinqaku. Ascalón llaqtapa wasinkunapim paykunaqa tutanpas samakunqaku. Chaynaqa kanqa Tayta Diosninku watukuspa preso risqankumanta kutichimusqanraykum.

Quechua Ayacucho Bible 1987

⁷ Juda casta puchuruq runakunapaqmi chay allpakunaqa kanqa. Ovejankutapas chaypiña michinankupaqmi chay allpakunaqa kanqa. Ascalon llaqtapi wasikunapiñam paykunaqa tutanpas samakunqa. Yupaychasqanku Tayta Diosmi watukunqa. Preso risqankumantam kutichimunqa.

Chuya Qellqa 1992

⁷ Judamanta puchuqkunapaqmi kanqa, ovejankutapas chaypiñam michinqaku. Ascalón llaqtapa wasinkunapim paykunaqa tutanpas samakunqaku. Chaynaqa, kanqa Tayta Diosninku watukuspa preso risqankumanta kutichimusqanraykum.

Sofonías 2:7 Iomraidhean Croise

Génesis 50:24

Huk punchawmi wawqenkunata José nirqa: Wañukusaqñam ñoqaqa, ichaqa Diosmi cheqaptapuni watukamusunkichik, hinaspam kay nacionmanta kutichisunkichik Abrahamman, Isaacman hinaspa Jacobman prometesqan allpaman, nispa.

Éxodo 4:31

Chaymi paykunapa nisqanta runakuna creerqaku. Israelpa mirayninkunam paykunaman Tayta Diospa watukusqanta yachaykuspanku, ñakarisqankutapas qawaykusqanta uyariykuspanku kumuykuspa Diosta hatuncharqaku.

Isaías 11:11

Chay tiempokunapim, puchuq runankunata reclamananpaq Tayta Dios huktawan makinta hoqarinqa, hinaspam Asiriamanta, Egiptomanta, Patrosmanta, Cusmanta, Sinarmanta, Hamatmanta, Elam lawmanta, lamar qochapa patanpi kaq nacionkunamanta huñumunqa.

Isaías 11:14

Aswanqa kuskankuñam intipa seqaykunan lawman kallpaspa filisteokunata qepanmanta atacanqaku, intipa qespimunan lawpi nacionkunapa kapuqninkutam qechumunqaku. Paykunam sirvichikunqaku Edomitakunawan, Moabitakunawan. Amonitakunapiñataqmi munaychakunqaku.

Isaías 11:16

Imaynam Israel castakuna Egipto nacionmanta lloqsimuptinku hatun ñan karqa, chaynam hatun ñan kanqa Asiria nacionpi puchuqkuna kutimunankupaqpas.

Isaías 14:1

Tayta Diosmi Jacobpa mirayninkunamanta llakipayarikunqa, Israel runakunata yapamanta akllaykuspanmi allpankupi kawsachinqa. Huklaw nacionmanta kaqkunam Jacobpa castankunaman hukllawakunqa.

Isaías 32:14

Palaciopas chunninqam, achkallaña runayuq llaqtapas chunninqam, mana yaykuy atina murallankunawan torrenkunapas wiñaypaq saqesqam kanqa; chaypiqa monte asnokunallañam kusisqa yachanqaku, uywakunallañam chaypiqa mikunqaku.

Jeremías 23:3

Cheqechisqay nacionkunamantam wakin ovejaykunata kikiypuni huñumusaq. Mikunanku pastokunaman kutichimuptiymi achkallataña miranqaku.

Jeremías 29:10

Tayta Diosmi kaynata nin: Babilonia nacionpi qanchis chunka wataña karup-tikichikmi, prometesqayman hina kuyapayakuyniyta qamkunaman chayachimusaq, hinaspam Jerusalén llaqtaman kutichimusqaykichik.

Jeremías 29:14

Ñoqa Tayta Diosmi nini: Qamkunaqa tariwankichikmi, llapallan nacionkunaman chaynataq tukuy hinastinman cheqechisqaymantam huñumusqaykichik, maymantam apasqa kasqaykichikmanmi kutichimusqaykichik, nispa.

Jeremías 3:18

Chay punchawpiqa Judá nación runakunam Israel nación runakunawan hukllawanakunqaku, hinaspam ñawpaq taytankuman qosqay allpaman kuskanku norte lawmanta kutimunqaku.

Jeremías 30:3

Hamuchkanmi punchaw Israel llaqtaymantawan Judá llaqtaymanta preso apasqa kaqkunata kutichimunaypaq. Ñoqa Tayta Diosmi nini: Paykunatam ñawpaq taytankuman qosqay allpaman kutichimusaq chaypi yachanankupaq, nispa.

Jeremías 31:7

Tayta Diosmi kaynata nin: Jacobpa mirayninkunaraykuyá kusikuywan takiychik, nacionkunapa umanpaqyá kusikuymanta qapariychik. Qapariyllawanña alabaspa kaynata niychik: ¡Tayta Diosmi llaqtanta salvaykun, Israelmanta puchuqkunatam salvaykun! nispaykichik.

Jeremías 32:44

Chakrakunata qollqewan rantispaykichikmi escrituratapas sellachispa testigokunawan firmachinkichik. Chay-natam ruwankichik Benjamín allpapi, Jerusalén llaqtapa muyuriqninkunapi, Judá nacionpi kaq llaqtakunapi, orqokunapi kaq llaqtakunapi, pampakunapi kaq llaqtakunapi chaynataq Neguev law llaqtakunapipas. Chaynaqa, kanqa Babiloniaman preso apasqakunata kutichimuptiymi. Ñoqa tayta Diosmi chaynata nini.

Jeremías 33:12

Ñoqa Tukuy Atiyniyuq Tayta Diosmi kaynata nini: Kay manaña runayuq chaynataq manaña animalkunapapas kanan chunniqpim hinaspa llapallan llaqtakunapim kaqllamanta pastokunata wiñachisaq, hinaptinmi michiqkuna animalninkuta chaypi michinqaku.

Jeremías 33:7

Judá runakunatawan Israel runakunata preso risqankumanta kutichimuptiymi, ñawpaq tiempokunapi hinaraq kaqllamanta hatarichisqa kanqaku,

Jeremías 47:5

Gaza llaqtayuqkunam chukchankuta rutukurunku, Ascalón llaqtayuqkunam manchakuymanta mana rimaqña rikurirunku. Pampa lawkunapi puchuqkuna ¿haykapikamataq aychaykichikta kuchupakunkichik?

Ezequiel 39:25

Chayraykum ñoqa Tayta Dios kaynata nini: Jacobpa mirayninkunatam preso risqankumanta kutichimusaq, chuya sutiyraykum paykunataqa kuyapayarisaq, chaynapim sutiyta allinta qawachikusaq.

Oseas 6:11

Judá, qampaqpas piñakuyniyqa kachkanñam, ichaqa chayamunqam punchaw llaqtayta cheqesqa kasqanmanta allpanman kutichimunaypaq.

Abdías 1:19

Neguev lawpi yachaqkunam Esaupa orqonkunapi munaychakunqaku, Sefela lawpi yachaqkunañataqmi Filistea nacionpi munaychakunqaku, munaychakunqakutaqmi Efrainpa hinaspa Samariapa chakrankunapipas. Benjaminpa mirayninkunapas Galaadpim munaychakunqaku.

Miqueas 2:12

Jacobpa mirayninkuna cheqaptapunim huñunasqaykichik, Israelmanta puchuqkunatam huñumusaq. Ovejakunata corralman huñuchkaq hinam huñusqaykichik, pastokunapi huñuchkaq hinam huñusqaykichik, hinaptinmi waranqantin-waranqantin runakuna hinaraq qaparinkichik.

Miqueas 4:10

Sión llaqtapi yachaqkuna, wachakuq warmi hinayá qewipakuychik, kunanqa llaqtamanta lloqsispam purunkunapiña yachankichik. Babilonia nacionkama chayaruspam chaypiña librasqa kankichik, chaypiñam enemigoykikunapa makinmanta Tayta Dios librasunkichik.

Miqueas 4:7

Wistu ovejakunamantam taksa llaqtata hatarichisaq, llapa chinkasqamantañataqmi kallpasapa nacionta ruwasaq, hinaspaymi ñoqa Tayta Diosñataq Sión moqopi wiña-wiñaypaq paykunapi munaychakusaq.

Sofonías 2:9

Chayraykum Tukuy Atiyniyuq Tayta Dios kaynata nin: Moab nacionmi Sodoma hina kanqa, Amón castakunapas Gomorra hinam kanqa, itanakunapa wiñananmanñam tikrakunqa, kachi orqomanñam tikrakunqa, mana imapa kanan chunniqñam wiñaypaq kanqa. Llaqtaymanta puchuqkunam tukuy imankupipas munaychakunqaku.

Sofonías 3:13

Israelpi puchuqkunapas manañam mana allintaqa ruwanqakuñachu, nitaqmi llullakunqakuñachu, manañam pitapas engañanqakuchu. Michisqa kaspankum hawkaña samakunqaku, manchachiqninkupas manañam kanqañachu, nispa.

Sofonías 3:20

Chay tiempopim huñumuspa kutichimusqaykichik, hinaspaymi kay pachapi lliwpa reqsisqantaña, chaynataq lliwpa respetanantaña ruwasqaykichik. Chaynataqa ruwasqaykichik, preso risqaykichikmanta kutichimuspaymi. Ñoqa Tayta Diosmi chaynata nini.

Hageo 1:12

Hinaptinmi profeta Hageoman Tayta Diospa nisqanta imam kaqta uyariykuspanku, Salatielpa churin Zorobabelwan, Josadacpa churin sumo sacerdote Josué, chaynallataq puchuq runakunapas, Tayta Diosta kasukurqaku.

Hageo 2:2

Judapi kamachikuq Salatielpa churin Zorobabeltawan Josadacpa churin sumo sacerdote Josueyta, chaynallataq puchuq runakunatapas kaynata nimuy:

Lucas 1:68

Israelpa Diosninyá qapaqchasqa kachun, payqa llaqtanta salvaykunanpaqmi hamurqa.

Lucas 7:16

Chaypi kaqkunañataqmi llumpayta mancharikurqaku, chaymi Diosta kaynata nispa yupaycharqaku: Chawpinchikpim hatun profeta hatarirun. Diosmi yanapaykunanpaq llaqtanta watukaykamun, nispanku.

Hechos 8:26

Chaymantam Felipeta Diospa angelnin kaynata kamachirqa: Sur lawman riy, Jerusalenmanta Gaza llaqtaman riq ñanninta, nispa. Chay ñanqa chunniqnintam pasachkan.

Hechos 8:40

Felipeñataqmi Azoto sutiyuq llaqtapiña rikurirurqa, hinaspanmi Jesusmanta allin noticiata willakustin llaqtan-llaqtan rirqa, Cesarea llaqtaman chayanankama.

Romanos 11:5

Chaynataqmi kunanpas puchuqkuna kachkanku. Paykunaqa Diospa kuyakuyninman hina akllasqakunam.

Rutwan Sutichasqa Libro 1:6

Moab lawpi yachachkaspam Noemí uyarirurqa llaqtamasinkunaman Dios allin cosecha qoykusqanta, chaymi Moab-manta iskaynin llumchuyninkunapiwan llaqtanman kutikurqa.