Sofonías 1:9 - CHUYA QELLQA La Biblia en Quechua de Ayacucho 2012

⁹ Chay punchawpitaqmi punku hawanta pawaykuspa yaykuqkunatapas, patronninkupa wasinta suwakuywan hinaspa engañowan huntachiqkunatapas castigasaq, nispa.

Quechua Ayacucho Bible 1987

⁹ Chay punchawpiqa castigasaqtaqmi punkupa pataknin llapallan pawaqkunatapas chaynataq patronninkupa wasinman daño ruraywan hinaspa engañowan huntarachiqkunatapas.

Chuya Qellqa 1992

⁹ Chay punchawpitaqmi punku hawanta pawaykuspa yaykuqkunatapas, patronninkupa wasinta suwakuywan hinaspa engañowan huntachiqkunatapas castigasaq, nispa.

Sofonías 1:9 Iomraidhean Croise

Nehemías 5:15

Ñoqamanta punta kaq gobernadorkunam ichaqa, mana allin kamachikuqkuna kaspanku, mikunankupaqwan vino tomanankupaq sapa punchaw yaqa parte kilo qollqeta cobrarqaku; paykunapa yanapaqninkunapas llaqtatam ñakarichirqaku. Ñoqam ichaqa Diosta manchakusqayrayku mana chaynatachu ruwarqani.

Proverbios 29:12

Sichum huk kamachikuq llulla rimaykunata kasuptinqa, yanapaqninkunapas millay runakunam kanqaku.

Jeremías 5:27

Imaynam jaulakunata urpikunawan huntachinku, chaynam wasinkutapas suwakusqankuwan huntachinku, chaykunawan apuyaruspankum qari tukuqllaña rikurirunku.

Amós 3:10

Tayta Diosmi kaynata nin: Paykunaqa manam allin ruwayta yachankuchu; aswanqa mana llakipayarispa suwakusqankuta palacionku ukupi pakayllatam yachanku, nispa.

Miqueas 6:12

Kay llaqtapi apukunaqa runamasinta ñakarichiqkunam; llapa runakunapas llullakuspa engañakuqkunam.

Zacarías 5:6

Chaymi ñoqa tapurqani: ¿Imataq wakqa? nispay. Hinaptinmi chay ángel niwarqa: Tupuna canastam. Wakqa llapa nacion-kunapa huchanta tupuqmi, nispan.

Hechos 16:19

Sipaspa patronninkunañataqmi, chay adivinaq espíritu paymanta chinkaruptin, manaña paywan qollqe gananankupaq kaptin, Pablotawan Silasta hapiruspanku autoridadkunapa kanan plazaman aparqaku.

Jueces 19:27

Qosanñataqmi tutapayta hatariruspan, ripukunanpaq punkuta kichaykuspan warminta punkupa pilarninman hapipakuykuspa wañusqa chutarayachkaqtaña tariykurqa.

1~Samuel 5:5

Chayraykum, chay punchawmanta, punku pasaykunataqa manaña sarunkuñachu idolonku Dagonpa sacerdotenkunapas nitaq runankunapas.