Sofonías 1:7 - CHUYA QELLQA La Biblia en Quechua de Ayacucho 2012

⁷ Tayta Diospa qayllaypi upallaychik, Señorpa punchawninmi hichparamun. Tayta Diosmi huk sacrificiota allicharun, convidonman hamuqkunatam chuyancharun.

Quechua Ayacucho Bible 1987

⁷ Upallaychikyá ñoqa Señor Diospa qayllaypiqa. Ñam chayaykamuchkanña ñoqa Tayta Diospa castigo ruranay punchawqa. Ñoqa Tayta Diosqa ofrecesqa kananpaqmi animalkunata alistaruniña. Ñoqa Tayta Diosqa convidoman hamuqkunatam sapaqcharuniña.

Chuya Qellqa 1992

⁷ Tayta Diospa qayllaypi upallaychik, Señorpa punchawninmi hichparamun. Tayta Diosmi huk sacrificiota allicharun, convidonman hamuqkunatam chuyancharun.

Sofonías 1:7 Iomraidhean Croise

Jobwan Sutichasqa Libro 24:1

Sichum tiempokuna Tukuy Atiyniyuq Diospa reqsisqallan kaptinqa ¿imanasqataq reqsiqninkunaqa mana rikunkuchu?

Isaías 13:3

Sapaqchasqaykunatam kamarachini, piñakuyniyta ruwayman churaq allinnin qari-qari soldadoykunatam qayaramuni, vencesqaywan kusikuqkunatam qayaramuni.

Isaías 13:6

Allwaychik, Tayta Diospa piñakuynin punchawmi hichparamunña. Tukuy Atiyniyuq Diospa purmachinan punchawmi chayaramunña.

Isaías 2:12

Tukuy Atiyniyuq Tayta Diospa punchawninmi hamuchkan, hatun tukuqkunata uchuychananpaq, hatunchakuqkunata tuñichinanpaq;

Isaías 29:2

Ariel llaqtata, ñoqam sasachakuyman churasqayki, waqakuypi hinaspa sinchi llakikuypim tarikunki, kañapuwanankupaq altar hinam kanki.

Isaías 34:5

Hanaq pachapim espaday sinkarunqa, Edomta juzganapaqmi uraykamunqa, wañuypaq ñakasqay llaqtamanmi uraykamunqa. Diospa espadanmi cielomanta Edom nacionpa hawanman wichiykamunqa, ñakasqay llaqtata chinkachinanpaqmi uraykamunqa.

Isaías 34:6

Tayta Diospa espadanmi yawarwan chaynataq wirawan chapukunqa, chapukunqaqa imaynam malta carnerokunata chaynataq cabrakunatapas sacrificiopaq nakasqankupi hinam. Señormi Bosra llaqtapi sacrificiota ruwanqa, Edom llaqtapiñataqmi nana-nanaqta wañuchinqa.

Isaías 6:5

Hinaptinmi nirqani: ¡Ay, imaynaraq kasaq! Kunanqa wañurusaqchá. Mana allin rimaq runa kachkaspaymi, mana allin rimaq runakunawan yachachkaspaymi, Tukuy Atiyniyuq Tayta Diosta rikuruni, nispay.

Jeremías 46:10

Tukuy Atiyniyuq Tayta Diospa punchawniymi chay punchawqa, chay punchawpim enemigonkunamanta vengakunqa. Espadam runakunata aminankama wañuchinqa, yawarninkuwanmi sinkanqa. Norte law nacionpim, Eufrates mayupa hichpanpim Tukuy Atiyniyuq Tayta Dios wañuchinqa.

Ezequiel 7:10

Chay punchawmi chayaramunña. Cheqaptapunim chayaramunña. Mana allin ruwaymi tukuy hinastinpi llanllarikuchkan, hatun tukuymi waytarikuchkan.

Ezequiel 7:7

Kay nacionpi yachaqkuna, purmachisqa kanaykichikmi chayamuchkanña. Muspaypi hinaña kanaykichik punchawmi chayamuchkanña, manañam orqokunapipas kusikuy kanqañachu.

Joel 1:15

Tayta Diospa punchawninmi hichpamuchkanña, ¡imaynaraq chay punchaw kanqa! Tukuy Atiyniyuqmantam puchukay hamuchkan.

Joel 2:11

Tropankunapa ñawpaqninpim Tayta Diosqa rayo hinaraq qaparin, tropankunaqa mana yupay atinam, paypa kamachisqanta ruwanankupaq atiyniyuqmi; ¡mayna manchakuypaqmi Tayta Diospa punchawninqa! ¿Pitaq chay punchawta aguantayta atinman?

Joel 2:31

Manchakuypaq hatun punchawniy manaraq chayamuchkaptinmi, intipas tutayanqa, killapas yawaryanqa.

Amós 6:10

Hinaptinmi wasimanta tullukunata wischunanpaq hukkaqnin ayllun wañuqkunapa cuerponta kañanqa; hinaspanmi wasi kuchupi qeparuqta tapunqa: ¿Kachkanraqchu pipas chaypi? nispa. Chaymi pakakuqñataq nimunqa: Manañam kanñachu, nispa. Yaykuqñataqmi ninqa: ¡Upallay! Yanqañataq Tayta Diospa sutinpi jurawaq, nispa.

Amós 8:3

Chay punchawqa temploypi takiqkunapas qaparispam waqanqaku. Achka runa wañuruptinmi mana imata rimarispa ayakunatapas llutanpi wischunqaku. Tayta Diosmi chaynata nin.

Habacuc 2:20

Tukuy Atiyniyuq Tayta Diosmi ichaqa sapaqchakusqan templonpi kachkan. Paypa qayllanpiyá kay pacha upallachun.

Sofonías 1:14

Tayta Diospa hatun punchawninmi hichpamuchkanña, chayamuchkanñam, utqaymanmi kallpamuchkan. Tayta Diospa punchawninqa anchapas manchakuypaqmi kanqa. Mana imata manchakuq runakunapas chaypiqa qaparkachanqakum.

Zacarías 14:1

Jerusalén llaqta, Tayta Diospa punchawninmi hamuchkan, llapa tukuy imaykikunatapas chawpikipim rakinakunqaku.

Zacarías 2:13

Chaynaqa, llapallan runakuna Tayta Diospa qayllanpi upallachun; paymi, maymi yachananmanta hatarispan ñoqanchikman hamuchkan.

Malaquías 4:1

Tukuy Atiyniyuq Tayta Diosmi kaynata nin: Hamuchkanmi punchaw, horno hina rupachkaq, chay punchawpim hatun tukuqkunawan mana allin ruwaq runakuna lenwachkaq ninapi qopa hina kañasqa kanqaku, paykunapaqqa manam imallankupas puchunqachu.

Mateo 22:4

Huktawan wakin serviqninkuna-ta kachaspanmi chay convidasqan-kunata kaynata nichimurqa: “Mikuyqa kachkanñam, toroykunatawan wira animalniykunatapas nakarachiniñam, chaynaqa casamientomanyá hamuychikña”, nispa.

Romanos 3:19

Yachanchikmi leypa nisqanqa leyman hina kawsaqkunapaqmi qosqa karqa, chaynapi siminku wichqasqa kananpaq hinaspa llapallan runakuna Diospa juzgasqan kanankupaq.

Romanos 9:20

Ichaqa yaw runa, ¿pitaq qamqa kanki Dioswan churanakunaykipaqqa? Yaqachum mitumanta ruwasqa manka ruwaqninta ninman: ¿Imanasqataq kaynata ruwaruwanki? nispa.

Filipenses 4:5

Lliw runakunawanyá reqsichikuychik kuyakuq sonqo kasqaykichikta. Señorninchikpa kutimunanqa hichpallañam kachkan.

Colosenses 1:12

hinaspa kusikuywan Dios Taytanchikman graciasta qonaykichikpaq. Paymi sapakamaman achkirichkaq tupasuqnikichikta qosunkichik.

1~Samuel 16:5

Samuelñataqmi nirqa: Arí, Tayta Diosman sacrificio qoqmi hamuchkani, chaynaqa qamkunapas chuyanchakuychik sacrificiota Diosman qonanchikpaq, nispa. Chaymantam Isaitawan churinkunata chuyancharuspa sacrificiota ofrecenankupaq qayarqa.

1~Samuel 20:26

Chay punchawqa manam Davidmanta Saúl tapukurqachu, aswanmi yuyaymanaspa nirqa: Ima mana allintachá ruwarun chaycha mana chuyanchakusqanrayku mana hamunchu, nispa.