Sofonías 1:5 - CHUYA QELLQA La Biblia en Quechua de Ayacucho 2012

⁵ Wasi hawanman seqaspa chaskakunata yupaychaqkunatam pasaypaqta chinkachisaq. Sutiypi juraspa Milcom sutiyuq idolopa sutinpi juraspa qonqoraqkunatam tukusaq.

Quechua Ayacucho Bible 1987

⁵ Qollurachisaqmi wasi hawanman seqaspa achkallaña lucerokuna adoraqkunatapas. Paykunaqa qonqorakunkupas ñoqa Tayta Diosta juramentowan serviq tukusparaqmi. Jurankupas Milcom taytachankuraykuraqmi.

Chuya Qellqa 1992

⁵ Wasi hawanman seqaspa chaskakunata yupaychaqkunatam pasaypaqta chinkachisaq. Sutiypi juraspa Milcom sutiyuq idolopa sutinpi juraspa qonqoraqkunatam tukusaq.

Sofonías 1:5 Iomraidhean Croise

1~Reyes 11:33

Chaynataqa ruwasaq qepanchakuruwaspan Sidón llaqtayuq runakunapa yupaychasqan Astoret idolotawan, moabitakunapa yupaychasqan Quemos idolota chaynataq amonitakunapa yupaychasqan Moloc idolotaña yupaychasqanraykum. Payqa manam taytan David hinachu munasqayman hina kawsaspa kamachikuykuna yachachikuykuna qosqayta kasukurqa.

1~Reyes 11:5

Aswanqa Sidón runakunapa Astoret idolontañam yupaycharqa, yupaycharqataqmi amonitakunapa millakuypaq Milcom idolotapas.

1~Reyes 18:21

Eliasmi llapa runakunaman asuykuspan nirqa: ¿Haykapikamataq iskayrayaspa kankichik? Sichum Tayta Dios cheqap Dios kaptinqa paytayá qatiychik, sichum Baal dios kaptinqa paytañayá qatiychik, nispa. Hinaptinmi runakunaqa mana imatapas rimarirqakuchu.

2~Reyes 17:32

Tayta Diosta yupaychachkaspankupas, paykuna ukumantam sacerdotekunata akllaruspanku yupaychananku capillakunapi servikunankupaq churarurqaku.

2~Reyes 17:33

Tayta Diosta yupaychachkaspankupas idolonkunataqa hinallam serviqku, chaynataqa ruwaqku nacionninkupi costumbrenkuman hinam.

2~Reyes 17:41

Asiria nación reypa pusachimusqan runakunaqa Tayta Diosta yupaychachkaspapas, kikinkupa idolonkutapas servirqakum. Churinkupas, willkankupas, ñawpaq taytankunapa ruwasqanta hinallam kunankamapas ruwachkanku.

2~Reyes 23:12

Tuñirachirqam Acazpa wasinpa qatanpi kaq altarkunatapas, chaykunataqa Judá nacionpa reyninkunam hatarichirqa. Tuñichirqataqmi Tayta Diospa templopa iskaynin pationkunapi rey Manasespa hatarichisqan altarkunatapas. Ñutuparuspanmi allpantapas Cedrón wayqoman wischuramurqa.

Isaías 22:1

Revelación chaskina qechwapa contranpim Isaías kaynata nirqa: ¿Imanarusunkichiktaq, imaynanpitaq wasi hawanman lliw qespirunkichik?

Isaías 44:5

Paykunamantam hukkaqnin ninqa: “Ñoqaqa Tayta Diospam kani”, nispa. Hukninñataqmi ninqa: “Ñoqaqa Jacobpa mirayninmi kani”, nispa. Hukkaqninñataqmi makinpim qellqakunqa: “Ñoqaqa Tayta Diospam kani”, niqta. Hinaspam sutinman yapaykunqa “Israelpa miraynin”, niqta.

Isaías 45:23

Kikiyraykum juraspay cheqap kaqta rimarqani, cumplikunanpaq kaqtam rimarqani: “Ñawpaqniypim llapallan runakuna qonqorakunqaku, sutiypim paykunaqa juranqaku”.

Isaías 48:1

Jacobpa mirayninkuna, Judapa mirayninkuna kachkaspa Israelwan sutichakuqkuna, Tayta Diospa sutinpi juraqkuna, Israelpa Diosninta mañakuqkuna, mana cheqapta rimaspa mana allin ruwaqkuna;

Jeremías 12:16

Paykunam llaqtayta yachachirqaku Baal idolorayku juranankupaq. Sichum runaykuna hinaña kawsayta yachaspanku ñoqa Tayta Diospa sutiypi juraspa ninqaku: “Kawsaq Diosraykum jurani” nispanku, hinaspaqa runaykuna ukupim yachanqaku.

Jeremías 19:13

Jerusalén llaqtapi wasikunawan Judá nacionpi reykunapa palacionkunapas, Tofet qechwa hina millakuypaqñam kanqa. Chay wasikunapa altosninpim chaskakunaman inciensota kañapurqaku, chaypim llapa idolokunamanpas vino ofrendata tallipurqaku, nispa.

Jeremías 32:29

Caldea runakunam yaykuramuspanku kay llaqtata kañaykunqaku. Kañaykun-qakum Baal idolokunaman incien-sota kañananku chaynataq wakin idolokunaman vino tallinanku altosniyuq wasikunatapas, chaykunatam ruwarqaku ñoqata piñachiwanankupaq.

Jeremías 4:2

atinkim ñoqapa sutiypi jurayta, jurankiqa cheqap kaqwan, allin arreglowan hinaspa allin ruwaywanmi. Chaynapim llapa nacionkuna sutiyrayku bendecisqa kanqaku.

Jeremías 49:1

Amón nacionpa contranpim Tayta Dios kaynata nirqa: ¿Manachum Israelqa mirayniyuq karqa? ¿Manañachu herencian chaskiq churinkuna karqa? ¿Imanasqataq Milcom idolopaña Gad allpaqa rikurirun? ¿Imanasqataq llaqtankunapipas Amón runakunaña yachakuchkanku?

Jeremías 5:2

Ñoqa kawsaq Diosrayku juraspankupas paykunaqa llullakuspam juramentanku.

Jeremías 5:7

Tayta Diosmi kaynata nin: ¿Imaynataq chayta pampachaykiman? Churikikunapas qepanchakuwaspankum idolokunapa sutinpi juranku, saksanankukama mikuchichkaptiypas paykunam ichaqa saqeruwanku, tropanpim chuchumika warmikunapa wasinman kallpanku.

Jeremías 7:10

¿hamuwaqchikraqchu sapaqchakusqay wasiyman qayllaypi kanaykichikpaq? ¿Niwaqchikraqchu: Libreñam kaniku, nispaykichik? ¿Creenkichikchu chay millakuypaq kaqkuna ruwanaykichikpaq libre kasqaykichikta?

Jeremías 7:9

Suwakuchkaspa, runata wañuchichkaspa, waqllikuchkaspa, llullakuywan jurachkaspa, Baal idolokunapaq inciensota kañapuchkaspa, mana reqsisqaykichik dioskunata yupaychachkaspaqa,

Jeremías 8:2

Chay tullukunam intiman, kullaman, chaynataq chaskakunamanpas machqepasqa kanqa; chaykunatam paykuna kuyarqaku, servirqaku, qatirqaku, tapukurqaku hinaspa hatuncharqaku. Chay tullukunataqa manam pipas huñunqachu nitaq pampanqachu, wanu hinañam allpa hawanpi qepanqa.

Oseas 10:2

Israelpa mirayninkunaqa iskay uya runakunam, chay huchankumantam ñakarinqaku, Tayta Diosmi idolonkutapas ñutunqa, suma-sumaq altarninkunatapas tuñichinqam.

Oseas 4:15

Israelpa mirayninkuna, qamkuna waqllikuspa huchallikuptikichikpas, amayá Judá ayllukunaqa huchallikuchunkuchu. Amaña Gilgal llaqtamanpas riychikñachu, nitaq Bet-avén orqomanpas seqaychikñachu, Tayta Diospa sutinpipas amaña juraychikñachu.

Amós 5:26

Aswanraqmi Moloc chaynataq Quiún sutiyuq idoloykichikkunata chaskakunaman rikchaykachispa “diosmi” nispa ruwasqaykichikta qepirikuspa apaykacharqankichik.

Mateo 6:24

Manam pipas iskay patrontaqa servinmanchu, hukninta cheqnispanchá huknintañataq kuyanman, otaqmi hukninman hapipakuruspan huknintañataq wischupakunman. Manam Diostawan qori-qollqetaqa serviwaqchikchu.

Hechos 10:9

Paqarinnintin punchaw, Corneliopa runankuna Jope llaqtaman yaqaña chayachkaptinkum, Pedroñataq yaqa chawpi punchawta wasipa altonman qespirqa Diosta chaypi mañakunanpaq.

Romanos 14:11

Chuya Qellqapim kaynata nin: “Señormi nin: Ñoqaqa kawsanim, llapallan runakunaqa qayllaypim qonqorakunqaku, llapallankum ñoqata yupaychawanqaku”, nispa.

Deuteronomio 10:20

Señornikichik Tayta Diosta kasukuspa payllata yupaychaychik, payllata qatiychik, paypa sutillanpi juraychik.

Deuteronomio 4:19

Yanqañataq cielopi intita, killata, chaskakunata hinaspa cielopi tukuy ima kaqkunata qawaspaykichik yupaychawaqchik. Tukuy chaykunataqa Señornikichik Tayta Diosmi kay pachapi llapa runakunapaq churarqa.

Josué 23:7

amataqyá qam-kuna ukupi puchuq nacionkunapi runa-kunawanqa hukllawakuychikchu. Idolonkunatapas ama yupaychaychikchu nitaq sutinpipas juraychikchu.