Sofonías 1:4 - CHUYA QELLQA La Biblia en Quechua de Ayacucho 2012

⁴ Judá nacionpi runakunapa contranpim, Jerusalenpi yachaqkunapa contranpim, makiyta hoqarisaq. Kay sitiomantam Baal sutiyuq idolota yupaychaqnin sacerdotekunatawan kuskata pasaypaqta chinkachisaq.

Quechua Ayacucho Bible 1987

⁴ Ñoqaqa atiyniywanmi castigarusaq Juda nacionpi *f**yachaqkunatapas. Castigasaqtaqmi Jerusalenpi *f**yachaqkunatapas. Kay sitiomantaqa puchukarachisaqñam Baal sutiyoq puchuruq taytachakunatapas chaynataq adoraqnin sacerdotekunapa sutintapas.

Chuya Qellqa 1992

⁴ Judá nacionpi runakunapa contranpim, Jerusalenpi yachaqkunapa contranpim, makiyta hoqarisaq. Kay sitiomantam Baal sutiyuq idolota yupaychaqnin sacerdotekunatawan kuskata pasaypaqta chinkachisaq.

Sofonías 1:4 Iomraidhean Croise

2~Reyes 21:13

Samaria llaqtatawan Acabpa mirayninkunata castigasqayta hinam Jerusalén llaqtatapas castigasaq, mayllasqa platota pakchachkaq hinam Jerusalén llaqtatapas mana imayuqta saqerusaq.

2~Reyes 23:12

Tuñirachirqam Acazpa wasinpa qatanpi kaq altarkunatapas, chaykunataqa Judá nacionpa reyninkunam hatarichirqa. Tuñichirqataqmi Tayta Diospa templopa iskaynin pationkunapi rey Manasespa hatarichisqan altarkunatapas. Ñutuparuspanmi allpantapas Cedrón wayqoman wischuramurqa.

2~Crónicas 34:4

Paypa qayllanpim Baalpa altarninkunatapas tuñichirqaku, chay altarpa hawanpi kaq incienso kañanankutapas ñutuchirqam; Asera idolokunatawan rumimanta labrasqa metalta chulluchispa ruwasqa rikchaqmana idolokunatapas ñutuparachispanmi polvontapas chay idolokunaman sacrificaq runakunapa sepulturanman machqerachirqa.

Éxodo 15:12

Atiyniyuq alleq makikitam haywarirqanki, hinaspam allpawan paykunata millpurachirqanki.

Jeremías 15:6

Ñoqa Tayta Diostam saqeruwarqanki, ñoqatam qepanchakuruwarqanki; chayraykum contraykipi makiyta hoqarispay chinkarachisqayki, llakipayaytapas amiruykiñam.

Jeremías 6:12

Wasinkuwan chakrankupas hukpaqñam kanqa, warminkupas hukpaqñam kanqa. Kay nacionpi yachaqkunata castigaptiymi chaynaqa kanqa.

Ezequiel 25:7

Chayraykum atiyniywan castigaspa huklaw nacionkunaman qoykusqaykichik, paykunam tukuy imaykichikta qechusunkichik. Qamkunataqa sachata kuchuchkaq hinam nacionkunapa chawpinmanta chinkarachisqaykichik. Pasaypaqta purmarachiptiymi Tayta Dios kasqayta yachankichik.

Ezequiel 6:14

Paykunata ñakarichinaypaqmi contrankupi hatarisaq, nacionninkutapas sur law chunniqmanta qallaykuspam norte lawpi Ribla llaqtakama pasaypaqta purmarachisaq. Chaynapim ñoqa Tayta Dios kasqayta yachanqaku, nispa.

Oseas 10:5

Bet-avenpi yupaychasqanku qori torillo idolota chinkarachisqankumantam Samaria law runakuna chaynallataq sacerdotenkunapas waqachkanku.

Miqueas 5:13

Idolokunatapas chawpikichikmantam chinkarachisaq, manañam makikichikwan ruwasqaykichikpa qayllanpipas qonqorakunkiñachu.

Sofonías 2:11

Tayta Diosmi paykunapa contranpi manchakuypaqta hatarinqa, kay pachapi llapallan idolokunatam chinkarachinqa, hinaspanmi tukuy hinastinpi payllaña yupaychasqa kanqa, lamar qochapa chawpinpi llaqtakunapas paytam yupaychanqaku.

Sofonías 2:13

Norte lawman makinta haywarispanmi Asiria nacionta chinkarachinqa, Nínive llaqtatapas pasaypaqta purmarachispam aqopa kanan chaki chunniqmanña tikrarunqa.