Sofonías 1:3 - CHUYA QELLQA La Biblia en Quechua de Ayacucho 2012

³ Chinkachisaqmi runakunatapas, uywakunatapas, alton pawaqkunatapas, lamar qochapi challwakunatapas, mana allin runakunatapas. Llapa runatam kay pachamanta chinkachisaq.

Quechua Ayacucho Bible 1987

³ Runakunatapas hinaspa animalkunatapas pasaypaqtam chinkarachisaq. Alton pawaqkunatapas lamar qochapi challwakunatawanmi chinkarachisaq. Runa urmachiqkunatapas mana allin ruraqkunatawan kuskatam chinkarachisaq. Ñoqaqa runakunatapas allpapa hawanmantam llapallanta qollurachisaq. Ñoqa Tayta Diosmi kaynata nini:

Chuya Qellqa 1992

³ Chinkachisaqmi runakunatapas, uywakunatapas, alton pawaqkunatapas, lamar qochapi challwakunatapas, mana allin runakunatapas. Llapa runatam kay pachamanta chinkachisaq.

Sofonías 1:3 Iomraidhean Croise

Génesis 6:7

Chayraykum Tayta Dios nirqa: Kay pachapi unanchasqay runakunatam chinkarachisaq. Chaynataqmi uywa animalkunatawan purun animalkunatapas, qasqonpa puriq animalkunatawan alton pawaq animalkunatapas chinkachisaq. Pesakunim ruwasqaytapas, nispa.

Isaías 27:9

Chaywanpas Jacobpa mirayninkunapa huchantaqa pampachanqam, ichaqa kaykunatam ruwananku: Idolonkupa altarninkunatam isku rumita hina ñutupananku, Asera idolonkutam wikapananku, idolonkupaq incienso kañananku altarkunatam tuñichinanku.

Isaías 6:11

Chaymi tapurqani: Dios Taytalláy, haykapikamataq chaynaqa kanqa, nispay. Payñataqmi niwarqa: Llaqtakuna mana runayuq chunnichisqa kanankamam, wasikunapi manaña runapas kanankamam, chakrakunapas purmachisqa kanankamam,

Isaías 6:12

runakunata karuman qarqonaykamam, kay nacionpas pasaypaq chunninankamam.

Jeremías 12:4

¿Haykapikamataq allpa chakisqalla kanqa? ¿Haykapikamataq purunpi qorakunapas qawisqa kanqa? Kay nacionpi yachaqkunapa huchanmantam uywakunawan alton pawaq animalkunapas chinkarun. Paykunam ninku: Diosqa manam imayna tukurunanchiktapas yachanchu, nispanku.

Jeremías 50:3

Norte lawmantam Babiloniapa contranpi hamuchkanku, Caldea naciontam pasaypaqta purmachinqaku. Runakunapas chaynataq animalkunapas manañam chaypiqa kanqañachu, chay allpamantaqa lliwmi ayqekunqaku, nispa.

Jeremías 7:20

Chayraykum Tukuy Atiyniyuq Tayta Dios kaynata nin: Sinchi piñakuyniytam chayachimusaq, kay allpapa, runakunapa, animalkunapa, sachakunapa, lliw kawsaypa contranpi. Piñakuyniyqa mana amachay atina nina hinam kanqa.

Jeremías 9:10

Orqokunapi, chunniqkunapi waqachiptiymi, waqasqaykichik uyarikunqa. Pastokunapa kananmi mana imayuq qepanqa, manañam pipas chaynintaqa purinqañachu, animalkunapa qapariyninpas manañam uyarikunqañachu; alton pawaq animalkunawan purun animalkunapas pasaypaqtam chinkarunqaku.

Ezequiel 44:12

Ichaqa paykunam Israelpa mirayninkunata servispanku idolokunata yupaychachirqaku, chaynatam huchallichirqaku; chay huchankumantam paykunaqa castigasqa kanqaku. Ñoqa Tayta Diosmi chaynata nini.

Ezequiel 7:19

Qollqenkutapas callemanmi wis-chunqaku, qorinkutapas wanuta hinam wischunqaku. Tayta Diospa piñakuyninmantaqa manam qori-qollqenkupas librayta atinqachu. Mikuspapas manam saksanqakuchu, nitaqmi wiksankupas huntanqachu. Qorinkum paykunataqa mana allinman wichiykachirqa.

Oseas 14:3

Asiriaqa manam salvawanmankuñachu, guerrapaq caballokunapipas manañam sillakusaqkuñachu; makiykuwan ruwasqayku idolokunatapas manañam: “Diosnillayku” nisaqkuñachu; aswanqa wakchakunapas qam Diosnillaykupin llakipayakuyta tarinku”, nispaykichik.

Oseas 14:8

Chayraqmi Efrainpa mirayninkunaqa ninqaku: “Idolokunamantaqa manam imapas qokuwankuñachu”, nispanku. Ñoqam mañakuyninkutapas uyariykusaq, ñoqataqmi paykunataqa waqaychasaqpas. Paykunapaq kallmasapallaña pino hina kaptiymi paykunapa rurunpas ñoqamanta paqarimunqa.

Oseas 4:3

Chayraykum kay nacionqa sinchi llakipi tarikun, kay nacionpi runakunam mana kallpayuq rikurirunku; purun animalkunapas, alton pawaq urpikunapas, lamar qochapi challwakunapas wañuchkankum.

Zacarías 13:2

Tayta Diosmi kaynata nin: Chay punchawpim, kay nacionmanta idolokunapa sutinta chinkachiptiy manaña yuyayllapas yuyarinqakuñachu. Profetakunatawan mana allin espiritukunatapas pasaypaqtam chinkarachisaq.

Mateo 13:41

Runapa Churinmi angelninkunata kamachinqa, hinaptinmi munaychakuyninmanta llapa huchasapakunatawan runamasin pantachiqkunata huñunqaku,

Mateo 23:39

Kunanmantaqa manañam rikuwankichikñachu: “Señorpa sutinpi hamuqyá hatunchasqa kachun”, ninaykichikkama.

Apocalipsis 2:14

Ichaqa kay aslla kaqkunam contraykipi kachkan: Hinallam hatallichkanki Balaampa yachachisqanman hina ruwaqkunata. Balaammi umacharqa Balacta Israelpa mirayninkunata huchallichinanpaq. Chaymi Israelpa mirayninkunaqa idolokunaman ofrecesqa aychata mikuspanku waqllikuspa huchallikurqaku.