Sofonías 1:2 - CHUYA QELLQA La Biblia en Quechua de Ayacucho 2012

² Tayta Diosmi kaynata nin: Kay pachapi tukuy imatam pasaypaqta chinkarachisaq.

Quechua Ayacucho Bible 1987

² Ñoqa Tayta Diosmi kaynata nini: Kay pachapi tukuy imatam pasaypaqta ñoqaqa chinkarachisaq.

Chuya Qellqa 1992

² Tayta Diosmi kaynata nin: Kay pachapi tukuy imatam pasaypaqta chinkarachisaq.

Sofonías 1:2 Iomraidhean Croise

Génesis 6:7

Chayraykum Tayta Dios nirqa: Kay pachapi unanchasqay runakunatam chinkarachisaq. Chaynataqmi uywa animalkunatawan purun animalkunatapas, qasqonpa puriq animalkunatawan alton pawaq animalkunatapas chinkachisaq. Pesakunim ruwasqaytapas, nispa.

2~Crónicas 24:24

Siria tropakunaqa asllam hamurqaku, ichaqa Tayta Diosmi Judá nacionpa achka-achka tropankunata paykunaman qoykurqa; chaynataqa ruwarqa ñawpaq taytankupa yupaychasqan Tayta Diosta qepanchasqankuraykum. Chaynatam Joasta Tayta Dios castigarqa.

2~Crónicas 36:21

Chay-napim Jeremiasnintakama Tayta Diospa rimarisqan cumplikurqa. Preso apasqa kasqankukamam allpapas samarqa, qanchis chunka wata cumplikunankamam purmarqa.

Isaías 6:11

Chaymi tapurqani: Dios Taytalláy, haykapikamataq chaynaqa kanqa, nispay. Payñataqmi niwarqa: Llaqtakuna mana runayuq chunnichisqa kanankamam, wasikunapi manaña runapas kanankamam, chakrakunapas purmachisqa kanankamam,

Jeremías 34:22

Ichaqa paykunata kamachiptiymi kaqmanta kutimuspa kay llaqtata atacanqaku, hinaspam munaychakuruspanku kañaykunqaku. Judá nacionpi llaqtakunatapas manaña runayuq kanankamam purmachisaq. Ñoqa Tayta Diosmi chaynata nini.

Jeremías 36:29

Ñoqa Tayta Diospa nisqaytam rey Joacinman kaynata ninki: Qanmi chay rollota kañaspayki, Jeremiasta qaqcharqanki, “cheqaptapunim Babilonia nacionpa reynin hamuspan kay nacionta tukunqa manaña runayuq nitaq animalniyuq kanankama”, nisqanmanta.

Jeremías 7:20

Chayraykum Tukuy Atiyniyuq Tayta Dios kaynata nin: Sinchi piñakuyniytam chayachimusaq, kay allpapa, runakunapa, animalkunapa, sachakunapa, lliw kawsaypa contranpi. Piñakuyniyqa mana amachay atina nina hinam kanqa.

Lamentaciones 2:17

Tayta Diosqa tanteasqantam ruwarun, payqa nisqantam cumplirun, ñawpaqmantaraq tuñichiy munasqantam mana llakipayarispan tuñirachin, enemigoykikuna asipayasunaykipaqmi chayta ruwarun, cheqnisuqnikipa atiynintam hatuncharun.

Miqueas 7:13

Runakunapa huchanmantam kay pachaqa pasaypaqta chunninqa, runakunapa mana allin ruwasqanmantam kay pachaqa pasaypaqta purmanqa.