Sofonías 1:18 - CHUYA QELLQA La Biblia en Quechua de Ayacucho 2012

¹⁸ Tayta Diospa piñakuynin punchawmantaqa manam qori-qollqenpas libranqachu, Tayta Diospa piñakuynin nina hinaraq rupaptinmi, ñawi qemchiykuyllata kay pachapi llapallan runakuna puchukachisqa kanqaku.

Quechua Ayacucho Bible 1987

¹⁸ Ñoqa Tayta Diospa piñakunay punchawpiqa manam libranqachu qori-qollqenpas. Nina hina sientikurusqaywanmi rupasqa kanqa tukuy kay pachapas. Qonqaymantam tukurusaqpuni kay pachapi *f**yachaqkunatapas.

Chuya Qellqa 1992

¹⁸ Tayta Diospa piñakuynin punchawmantaqa manam qori-qollqenpas libranqachu, Tayta Diospa piñakuynin nina hinaraq rupaptinmi, ñawi qemchiykuyllata kay pachapi llapallan runakuna puchukachisqa kanqaku.

Sofonías 1:18 Iomraidhean Croise

Génesis 6:7

Chayraykum Tayta Dios nirqa: Kay pachapi unanchasqay runakunatam chinkarachisaq. Chaynataqmi uywa animalkunatawan purun animalkunatapas, qasqonpa puriq animalkunatawan alton pawaq animalkunatapas chinkachisaq. Pesakunim ruwasqaytapas, nispa.

1~Reyes 14:22

Judá runakunam Tayta Diospa qayllanpi mana allinkunata ruwarqaku, ñawpaq taytankupa huchallikusqankumantapas aswantaraq huchallikuspankum Tayta Diosta piñachirqaku.

Jobwan Sutichasqa Libro 21:30

Mana allin runataqa manam imapas pasanchu, paykunamanqa Diospa piñakuyninpas manam chayanchu.

Jobwan Sutichasqa Libro 3:15

Qorita qollqeta wasinman huntachikuq kamachikuqkunawan kuska.

Proverbios 11:4

Juicio punchawpiqa qori-qollqepas manam imapaqpas valenqachu; allin kawsakuymi ichaqa runata wañuymanta libranqa.

Proverbios 18:11

Apuqa tukuy ima kapuqnintam alto perqakunawan cercosqa llaqtata hina qawan.

Isaías 1:24

Chayraykum Tukuy Atiyniyuq Tayta Dios, Israelpi munaychakuq Tayta Dios kaynata nin: Kunanmi cheqniwaqniykunamanta cuentata mañasaq, kunanmi enemigoykunamanta vengakusaq.

Isaías 10:17

Israelpa achkiqnin Tayta Diosmi lenwachkaq ninaman tikrakunqa, huk punchawllapi ruparuspam nacionpi tukuy rikchaq kichkakunatawan qorakunatapas chinkarachinqa.

Isaías 10:3

¿Imatataq castigo punchawpi ruwankichik? ¿Karumantaraq sasachakuy hamususqaykichik punchawpi, pimantaq yanapasunaykichikpaq hapipakunkichik? ¿Maypitaq qori-qollqekichikta saqenkichik?

Jeremías 7:20

Chayraykum Tukuy Atiyniyuq Tayta Dios kaynata nin: Sinchi piñakuyniytam chayachimusaq, kay allpapa, runakunapa, animalkunapa, sachakunapa, lliw kawsaypa contranpi. Piñakuyniyqa mana amachay atina nina hinam kanqa.

Jeremías 7:34

Judá llaqtakunapi chaynataq Jerusalén llaqtapa callenkunapim, asikuyta, kusikuyta casarakuy fiestata chinkarachisaq. Kay nacionqa pasaypaqtañam chunninqa, nispa.

Jeremías 9:11

Tayta Diosmi kaynata nin: Jerusalén llaqtatam tuñichisaq, atoqkunapa yachananmanñam tikrarusaq; Judá nacionpi llaqtakunatam manaña runayuq kanankama chunnirachisaq.

Ezequiel 16:38

Qosayuq kachkaspa pierdekuq warmita hinam chaynataq runa wañuchiqta hinam juzgasqayki, hinaspaymi sinchi piñakuyniypi chaynataq celoso kayniypi wañuyman qoykusqayki.

Ezequiel 23:25

Piñakuyniytam qampa hawaykiman kachaykamusaq, hinaptinmi paykunaqa piñakuyllawanña tukuy imata ruwasunki. Senqaykitawan rinrikitapas kuchurunqakum, wañuymanta lluptiqkunatañataqmi espadawan wañurachinqaku. Wawaykikunatapas qarita-warmitam qechusunki, puchuqkunañataqmi ninawan tukusqa kanqaku.

Ezequiel 7:11

Mana allin ruwaymi mirakuchkan. Qamkunamantaqa manam chullapas puchunkichikchu, qori-qollqekichikwan tukuy ima kapuqnikichikpas manam puchunqachu. Qamkunamantaqa manam pipas waqanqachu.

Ezequiel 7:19

Qollqenkutapas callemanmi wis-chunqaku, qorinkutapas wanuta hinam wischunqaku. Tayta Diospa piñakuyninmantaqa manam qori-qollqenkupas librayta atinqachu. Mikuspapas manam saksanqakuchu, nitaqmi wiksankupas huntanqachu. Qorinkum paykunataqa mana allinman wichiykachirqa.

Ezequiel 7:5

Ñoqa Tayta Diosmi kaynata nini: Sasachakuymi hukña-hukña hamuch-kan. Puchukanayki punchawmi chaya-muchkanña.

Sofonías 1:11

Mactes lawpi yachaqkuna allwaychik, llapa negociantekunatam puchukarachin, qollqewan llamkaqkunatam chinkarachin.

Sofonías 1:15

Chay punchawqa kanqa hatun piñakuymi, ñakariywan sasachakuymi, tuñichiywan purmachiymi. Chay punchawqa kanqa tutayaymi, punchawtapas yana puyum pampaykunqa.

Sofonías 2:2

qopa hina huk punchawllapi manaraq chinkaruchkaspa, Tayta Diospa hatun piñakuynin punchaw hawaykichikman manaraq chayaramuchkaptin.

Sofonías 3:8

Chayraykum Tayta Dios kaynata nin: Contraykichikpi hatarispay juzganay punchawta suyaykuychik. Nacionkunata llaqtakunatam huñunarusaq, hinaspaymi hatun piñakuyniywan paykunata castigarusaq. Piñakuyniypa rupariynin kañaruptinmi kay allpa pacha puchukanqa.

Mateo 16:26

¿Imatataq runa hurqokunman kay pachapi kaqkunata ganaruspan vidantañataq pierderuspan? ¿Haykatataq runa paganman vidanta salvananpaq?

1~Corintios 10:22

¿Señortachu piñachisun? ¿Paymanta aswan kallpayuqchu kanchik?

Deuteronomio 31:17

Hinaptinmi contrankupi piñakuruspay paykunata saqerusaq. Qepancharuptiymi puchukaytaña qallaykunqaku. Chaymi hatun sasachakuypi hinaspa hatun ñakariypi kaspa ninqaku: “Kay ñakariykunaqa hamuruwanchik Tayta Dios manaña ñoqanchikwan kasqanraykum”, nispanku.