Sofonías 1:15 - CHUYA QELLQA La Biblia en Quechua de Ayacucho 2012

¹⁵ Chay punchawqa kanqa hatun piñakuymi, ñakariywan sasachakuymi, tuñichiywan purmachiymi. Chay punchawqa kanqa tutayaymi, punchawtapas yana puyum pampaykunqa.

Quechua Ayacucho Bible 1987

¹⁵ Chay punchawpiqa piñakuywan sachachakuyllañam kanqa. Purmachiywan chunnichiyllañam kanqa. Tutayaywan yanayayllañam kanqa. Puyuwan yanayayllañam kanqa.

Chuya Qellqa 1992

¹⁵ Chay punchawqa kanqa hatun piñakuymi, ñakariywan sasachakuymi, tuñichiywan purmachiymi. Chay punchawqa kanqa tutayaymi, punchawtapas yana puyum pampaykunqa.

Sofonías 1:15 Iomraidhean Croise

Isaías 13:9

Tayta Diospa punchawninmi chayamuchkanña: Manchakuypaq sinchi piñakuyninpim allpa pachatapas chunniqmanña tikrarunqa, chaypi kawsaq llapa huchasapakunatam chinkarachinqa.

Isaías 22:5

Tukuy Atiyniyuq Tayta Diosmi munarqa, revelación chaskina qechwaman kayna ñakariy chaqwa punchaw hamunanta, llaqtapa murallankunata tuñichiptinku orqokunapi uyarikunankama qaparinankuta.

Isaías 8:22

Pampata qawarispankuñataqmi, ñakariytawan tutayayllata, pasaypaq tutayaytawan sasachakuyllata rikunqaku, hinaspam pasaypaq tutayayllapi kawsanqaku.

Jeremías 30:7

¡Mancharikuypaq punchawkunam hamuchkan! Manam chay punchaw hinaqa haykapas karqachu. Jacobpa mirayninkunapaqmi sasachakuy punchawkuna hamuchkan, chaywanpas paykunataqa ñoqam librasaq.

Joel 2:11

Tropankunapa ñawpaqninpim Tayta Diosqa rayo hinaraq qaparin, tropankunaqa mana yupay atinam, paypa kamachisqanta ruwanankupaq atiyniyuqmi; ¡mayna manchakuypaqmi Tayta Diospa punchawninqa! ¿Pitaq chay punchawta aguantayta atinman?

Joel 2:2

Chay punchawqa tutayaymi kanqa, tutayaypa yana puyupa pampaykusqanmi kanqa. Imaynam paqariypi achkiy urqukunapi mastarikun, chaynam huk kallpasapa llaqta achkallaña tropayuq hamuchkan, chayna tropakunaqa ñawpaqtapas manam karqachu, nitaqmi qepamanpas kanqachu.

Joel 2:31

Manchakuypaq hatun punchawniy manaraq chayamuchkaptinmi, intipas tutayanqa, killapas yawaryanqa.

Sofonías 1:18

Tayta Diospa piñakuynin punchawmantaqa manam qori-qollqenpas libranqachu, Tayta Diospa piñakuynin nina hinaraq rupaptinmi, ñawi qemchiykuyllata kay pachapi llapallan runakuna puchukachisqa kanqaku.

Sofonías 2:2

qopa hina huk punchawllapi manaraq chinkaruchkaspa, Tayta Diospa hatun piñakuynin punchaw hawaykichikman manaraq chayaramuchkaptin.

Mateo 24:29

Chay ñakariy punchawkuna pasaruptillanmi inti tutayarunqa, killapas manam kanchanqañachu, chaskakunapas wichimunqam, cielokunapi tukuy ima kaqkunapas katkatatanqam.

Romanos 2:5

Ichaqa rumi sonqo kaspayki hinaspa mana wanakuyta munaspaykim, juicio punchawpi castigasqa kanaykipaq Diospa piñakuyninta kikillayki huñukuchkanki. Chay punchawpim cheqap kaqman hina juzgasqanta Dios qawaykachikunqa.

Deuteronomio 28:52

Llaqtaykichikkunapa muyuriqninpim campamentonkuta sayachinqaku, chaynapim hapipakunayki qaqay-qaqay murallaykikunapas tuñinqa. Señornikichik Tayta Diospa qosusqaykichik allpata muyuruspam kayninta chayninta yaykumusunkichik.

2~Pedro 3:7

Kunan kaq cielokunawan kay pachaqa, Diospa rimarisqanman hinam juicio punchawpi ninawan tukusqa kananpaq waqaychasqa kachkan, chaypitaqmi huchasapa runakunapas chinkachisqa kanqaku.

Apocalipsis 6:17

Cas-tiganan hatu-hatun punchawmi chayaramun. ¡Pitaq chaytaqa aguantanman!” nispanku.