Sofonías 1:12 - CHUYA QELLQA La Biblia en Quechua de Ayacucho 2012

¹² Chay tiempopim mecherota hapiykuspay Jerusalén llaqtata kuchun-kuchun maskaykusaq. Vinopa levaduran hina hawka tiyakuq runakunatam castigasaq. Paykunam sonqonkupi ninku: “Tayta Diosqa allinta otaq mana allintapas manam ruwanqachu”, nispanku.

Quechua Ayacucho Bible 1987

¹² Chay tiempopiqa mecherowan hinam maskarusaq Jerusalenpi *f**yachaqkunatapas. Castigasaqtaqmi vinopa qonchun hina hawka tiyakuq runakunatapas. Chayna runakunam sonqonkupi ninku: “Tayta Diosqa manam ruranchu allintapas nitaq mana allin kaqtapas.”

Chuya Qellqa 1992

¹² Chay tiempopim mecherota hapiykuspay Jerusalén llaqtata kuchun-kuchun maskaykusaq. Vinopa levaduran hina hawka tiyakuq runakunatam castigasaq. Paykunam sonqonkupi ninku: “Tayta Diosqa allinta otaq mana allintapas manam ruwanqachu”, nispanku.

Sofonías 1:12 Iomraidhean Croise

Jobwan Sutichasqa Libro 21:15

¿Pitaq karqa Tukuy Atiyniyuq Diosqa payta servinanchikpaqqa? ¿Imatataq hurqokunchik payta mañakuspanchikqa?” nispanku.

Isaías 5:19

Paykunaqa ninkuraqmi: Diosqa apurawmanñayá ruwanankunata tukuchun qawananchikpaq, Israelpa Chuya Diosninqa tanteasqankunatayá chaylla cumplichun reqsinanchikpaq, nispa.

Jeremías 10:5

Chay idolokunaqa tarpuykunapa chawpinpi manchachikumanmi rikchakun; manam rimankuchu, mana puriq kasqanraykum kayman chayman qepikachasqa kanku. Chaykunataqa ama manchakuychikchu, chaykunaqa manam allinta otaq mana allintapas ruwasunkichikmanchu.

Jeremías 48:11

Moab nacionniyuq runakunaqa warma kasqankumantaraqmi hawkalla kawsakurqaku, paykunataqa manam haykapipas presotaqa aparqakuchu. Paykunaqa urpupi mana kuyuchisqa vino hinam kachkanku, chayraykum paykunaqa hina kaqlla hawka kakurqaku.

Ezequiel 8:12

Hinaptinmi niwarqa: Runapa churin, ¿qawachkankichum Israelpa mirayninmanta kaq ancianonkunapa pakasqallapi imam ruwasqankuta? Sapakamam idolonkupa capillanpi chaykunata ruwachkanku. Paykunam ninku: “Tayta Diosqa manam rikuwanchikchu, llaqtanchiktapas payqa saqerunñam”, nispanku.

Ezequiel 9:4

hinaspanmi nirqa: Jerusalén llaqtapa chawpinkunata muyurimuy hinaspa llaqtapi millakuypaq kaqkuna ruwasqankuta qawaspa llakikuymanta waqaqkunapa urkunpi huk señalta churamuy, nispa.

Ezequiel 9:9

Hinaptinmi Tayta Dios kaynata niwarqa: Israel runakunapa mana allin ruwasqankuqa hatu-hatunmi. Kay nacionmi yawarpa pampaykusqan rikurirun, kay llaqtapas llumpay mana allin ruwaykunapa huntasqanmi kachkan. Paykunam kaynata nirqaku: “Tayta Diosmi kay nacionmanta karunchakurun, imam ruwasqanchiktapas manam rikunchu”, nispanku.

Amós 6:1

¡Ay, imaynaraq kankichik! Jerusalenpi hawkallaña yachaqkuna, chaynataq Samaria orqopi hapipakuqkuna. ¡Ay, imaynaraq kankichik! Israelpa hapipakunan ancha reqsisqa nacionkunapi kamachikuqkuna.

Abdías 1:6

Pasaypaqtam Esaupa kapuqninkunata suwarunku, pakasqan kapuqninkunatapas maskachakurunkum.

Malaquías 2:17

Tayta Diosqa amirunñam mañakusqaykichiktapas. Ichaqa qamkunam tapukunkichikraq: ¿Imatañataq nirunchik amiruwananchikpaqqa? nisparaq.

2~Pedro 3:4

paykunam asikuspa tapukunqaku: Cristom hamunanpaq prometekurqa, ¿maytaq hamunchu? Ñawpaq taytanchikkunapa wañukusqanmantaraqmi tukuy imapas hina kaqlla kachkan, chaynaqa kachkan kay pacha unanchasqa kasqanmantaraqmi, nispanku.

Apocalipsis 2:23

Wawankutapas wañurachip-tiymi llapallan iglesiakuna yachanqaku yuyaymanayninkutapas chaynataq son-qonkutapas reqsiq kasqayta, sapakamamanmi ruwasqaykichikman hina qosqaykichik.