Rutwan Sutichasqa Libro 4:11 - CHUYA QELLQA La Biblia en Quechua de Ayacucho 2012

¹¹ Hinaptinmi llaqtapa punkunpi kaq llapallan runakuna hinaspa ancianokunapas nirqaku: Arí, testigom kaniku. Diosyá wasikiman yaykumuq warmita Raqueltawan Leata hina ruwachun, chay iskaynin warmikunamantam ñoqanchik Israel castakuna mirarqanchik. Qamtapas Diosyá yanapasunki Efrata llaqtapi munaychakunaykipaq chaynataq Belén llaqtapipas ancha reqsisqa kanaykipaq.

Quechua Ayacucho Bible 1987

¹¹ Hinaptinmi llaqtapa zaguan punkunpi kaqkuna llapallan runakunapiwan nirqaku: —Arí, testigom kaniku. Wasikiman yaykumuq warmitaqa Tayta Diosyá Raqueltawan Leata hina rurachun, chay iskaynin warmikunamantam ñoqanchik Israel castakuna mirarqanchik. Qamtapas Dios yanapasuptikiyá munaychakuy kay Efrata llaqtapi, allin reqsisqataqyá kawsakuy kay Belen llaqtapipas.

Chuya Qellqa 1992

¹¹ Hinaptinmi llaqtapa punkunpi kaq llapallan runakuna hinaspa ancianokunapas nirqaku: Arí, testigom kaniku. Diosyá wasikiman yaykumuq warmita Raqueltawan Leata hina ruwachun, chay iskaynin warmikunamantam ñoqanchik Israel castakuna mirarqanchik. Qamtapas Diosyá yanapasunki Efrata llaqtapi munaychakunaykipaq chaynataq Belén llaqtapipas ancha reqsisqa kanaykipaq.

Rutwan Sutichasqa Libro 4:11 Iomraidhean Croise

Génesis 23:10

Efronpas chaypim tarikurqa Het runakunawan kuska. Chaymi llaqtapa punkunta llapallan yaykuqkuna uyarichkaptinku chaynataq Hetpa mirayninkunapa qayllanpi Abrahamta nirqa:

Génesis 24:60

Chaymi Rebecata kaynata bendecirqaku: Panillayku, wara-waranqa runakunayá qanmanta mirachun. Miraynikikunayá enemigonkuta vencechunku, nispanku.

Génesis 29:16

Labanpam iskay warmi churinkuna karqa. Piwi kaqmi karqa Lea, sullkañataqmi karqa Raquel.

Génesis 29:25

Achikyaramuptinmi Jacob musyakururqa Leawan puñurusqanta. Chaymi Labanta nirqa: ¿Imatataq kayta ruwaruwanki? ¿Imanas-qataq engañaruwanki? ¿Manachum Raquelrayku servirqaykiqa? nispa.

Génesis 29:32

Leam wiksayakuruspan qari wawata wachakurqa, hinaspam Rubenwan suticharqa: Humillasqa kasqaytam Tayta Dios qawariykuwan, kunanqa qosayqa kuyawanqañam, nispa.

Génesis 35:23

Leapi Jacobpa piwi churinmi Rubén, qatiqninkunañataqmi Simeón, Leví, Judá, Isacar hinaspa Zabulón.

Génesis 35:24

Raquelpi churinkunañataqmi Joseywan Benjamín.

1~Reyes 21:8

Hinaspanmi reina Jezabelqa qosan Acabpa sutinpi cartakunata qellqaruspan sellonwan sellaruspan Nabotpa yachasqan llaqtapi ancianokunaman chaynataq ancha reqsisqa runakunaman aparachirqa.

1~Crónicas 2:51

Belenpa taytan Salma hinaspa Bet-gaderpa taytan Haref.

Proverbios 14:1

Yachayniyuq warmiqa wasintam takyachin, mana yachayniyuq warmim ichaqa makinkunawan tuñichin.

Proverbios 31:23

Qosanpas llaqtapa punkunkunapiqa ancha reqsisqam, llaqtapa ancianonkunawan kuskam tiyanpas.

Jeremías 32:10

Rantikuwasqan escriturata ruwaruptiykum sellarachispay testigokunawan firmachirqani, hinaspam mañakusqan qollqeta qorqani.

Miqueas 5:2

Belén Efrata, Judá ayllukunamanta taksallan llaqta, qanmantam Israelpi munaychakuq hatarinqa, payqa paqarimurqa ñawpaqmantaraqmi, tukuy imapa qallariyninmantapacham.

Mateo 2:6

“Judá lawpi Belén llaqta, qamqa manam Judapi llaqtakunamanta taksallanchu kanki, qanmantam huk kamachikuq hatarinqa, paymi Israel llaqtayta michinqa”, nispanku.

Deuteronomio 25:7

Sichum cuñadanta chay runa mana casarayta munaptinqa, chay viudam llaqtapa punkunpi ancianokunaman rispan paykunaman willanqa: “Cuñadoymi wañukuq wawqenpa sutin Israel ukupi yuyarisqa kananta mana munanchu. Cuñadokunapaq kamachikuytam mana ñoqawan cumpliyta munanchu”, nispa.

Deuteronomio 25:9

hinaptinqa chay viudam ancianokunapa qayllanpi asuykuspan cuña-donpa usutanta chusturunqa, hinaspam uyanpi toqaykuspan ninqa: “Kaynatam wañukuq wawqenpa sutin yuyarinata mana munaq runataqa ruwana”, nispa.

Rutwan Sutichasqa Libro 1:2

Chay runapa sutinmi karqa Elimelec, warminpañataq Noemí, iskaynin churinkunapañataq Mahlonwan Quelión. Paykunaqa karqaku Judá nacionpi Belén law Efrata llaqtayuqmi. Paykunam Moab lawman chayaruspanku chaypiña yacharqaku.