Rutwan Sutichasqa Libro 4:10 - CHUYA QELLQA La Biblia en Quechua de Ayacucho 2012

¹⁰ Casarakusaqtaqmi Mahlonpa viudan Moabita Rutwanpas. Chaynata ruwaptiymi wañukuq Mahlonpa chakrankunapas hina sutillanpi kanqa. Chaynapim paypa ayllunpas nitaq mirayninpas mana chinkanqachu. Chaynaqa, kunanmi qamkuna testigo kankichik, nispa.

Quechua Ayacucho Bible 1987

¹⁰ Casarakusaqtaqmi Mahalonpa viudan Moab nacionniyoq Rutwanpas. Chaynata ruraptiymi wañukuq Mahalonpa chakrankunapas hina sutillanpi kanqa. Chayraykum paypa ayllunmanta hinaspa llaqtamasinkunamanta sutinpas mana chinkanqachu. Chaynaqa kunanmá qamkuna testigo kankichik —nispa.

Chuya Qellqa 1992

¹⁰ Casarakusaqtaqmi Mahlonpa viudan Moabita Rutwanpas. Chaynata ruwaptiymi wañukuq Mahlonpa chakrankunapas hina sutillanpi kanqa. Chaynapim paypa ayllunpas nitaq mirayninpas mana chinkanqachu. Chaynaqa, kunanmi qamkuna testigo kankichik, nispa.

Rutwan Sutichasqa Libro 4:10 Iomraidhean Croise

Génesis 29:27

Leawan casarakusqayki semanatayá cumpliruy, chaymantañam Raquelwan casarachisqayki, qanchis watatawanraq serviwanaykipaq prometekuptiki, nispa.

Génesis 38:9

Chaymi Onán wawqenpa viudanwan puñuspa pampallaman sutuchiq, wawqenpa miraynin kananta mana munaspan. Payqa yacharqam wiksayakuruptinqa chay wawa wawqenpa mirayninña kananta.

Proverbios 18:22

Warma yananta tariruq runaqa allin kaqtam tarirun, Tayta Diospa kuyakuynintam hayparun.

Proverbios 19:14

Wasiwan qori-qollqeqa tayta-mamapa herencia qokuyninmi, yachayniyuq warmiñataqmi Tayta Diospa qokuynin.

Isaías 48:19

Miraynikikunapas manaña yupay atinam kanman karqa, lamar qochapi aqo hinañam kanman karqa, sutinpas manam chinkachisqachu kanman karqa, qayllaymantapas manam chinkachisqachu kanman karqa.

Oseas 12:12

Jacobmi Aram lawman ayqekurqa, Israelmi warmirayku oveja michiypi llamkarqa.

Oseas 3:2

Chaymi warmiy kananpaq soqta onza qollqewan hinaspa carga parten cebadawan rantirurqani.

Zacarías 13:2

Tayta Diosmi kaynata nin: Chay punchawpim, kay nacionmanta idolokunapa sutinta chinkachiptiy manaña yuyayllapas yuyarinqakuñachu. Profetakunatawan mana allin espiritukunatapas pasaypaqtam chinkarachisaq.

Malaquías 2:14

Hinaspam tapukunkichikraq: ¿Imanasqataq kaykunaqa pasawachkanchik? nispaykichikraq. Diosmi testigo joven kachkaspallaraq akllakusqayki warmita, wañunayki punchawkama kuyanaykipaq casarachkaspa traicionasqaykimanta. Paytam vida pasaqmasiki kachkaptin traicionarunki.

Efesios 5:25

Qosakuna, warmikichikta kuyaychik, imaynam Cristopas iñiqkunata kuyaspan paykunarayku vidanta qoykusqanta hina.

Deuteronomio 25:6

Chay viudapa piwi wawanmi wañukuq qosanpa sutinta apanqa, chaynapi wañukuqpa sutin Israelpa mirayninkunamanta mana chinkananpaq.

Hebreos 13:4

Casado kayqa llapallanpa respetasqanyá kachun, respetasqataqyá kachun camankupas. Waqllikuqkunatawan hucha-pakuqkunatam ichaqa Dios juzganqa.

Josué 7:9

Canaán castakunawan kay allpapi yachaqkunachiki uyariruspanku muyuruwanqaku, hinaspachiki sutiykutapas kay pachamanta chinkarachinqaku. Hinaptinqa, ¿imatataq ruwanki ancha reqsisqa sutiki mana penqaypi kananpaq? nispa.

Rutwan Sutichasqa Libro 4:9

Boozñataqmi chaypi kaq ancianokunatawan runakunata nirqa: Kunan punchawmi llapallaykichik testigo kankichik Elimelecpa tukuy kapuqninkuna rantisqaymanta. Noemiymantam rantini Quelionpa hinaspa Mahlonpa kaqninkunatapas.