Proverbios 8:36 - CHUYA QELLQA La Biblia en Quechua de Ayacucho 2012

³⁶ Ñoqamanta karunchakuruq runam ichaqa wañuyman kikillan churakurun, pipas cheqniwaqniykunaqa wañuytam kuyanku.

Quechua Ayacucho Bible 1987

³⁶ Ichaqa ñoqamanta karunchakuq runaqa kikinpa contranpim huchallikuchkan. Ichaqa llapallan cheqniwaqniykunaqa wañuytam munachkan.

Chuya Qellqa 1992

³⁶ Ñoqamanta karunchakuruq runam ichaqa kikillan wañuyman churakurun, pipas cheqniwaqniykunaqa wañuytam kuyanku.

Proverbios 8:36 Iomraidhean Croise

Jobwan Sutichasqa Libro 35:6

Huchallikusqaykiqa Diostaqa manam imananchu, maynataña huchallikuspaykipas paytaqa manam imanankichu.

Proverbios 1:31

mana allin ruwaynikichikpa rurunta mikunkichik, mana allin munaynikichiktam saksankichik.

Proverbios 1:32

Mana yachayniyuqkunataqa mana yachayniyuq kayninmi wañurachinqa. Mana tanteakuy yachaq runataqa, mana tanteakuy yachaq kayninmi chinkarachinqa.

Proverbios 12:1

Corregisqa kayta kuyaqqa yachayta kuyaqmi; corregisqa kayta cheqniqmi ichaqa mana yachayniyuq.

Proverbios 15:32

Corregisqa kayta mana munaq runaqa kikillanmi penqayman churakun; corregisqa kayta chaskikuqmi ichaqa yachayta tarin.

Proverbios 20:2

Reypa piñakuyninqa malta leonpa qapariynin hinam, reyta piñachiq runaqa vidantam wañuyman qaykukuchkan.

Proverbios 21:6

Llullakuywan huñusqa qori-qollqeqa wañuy maskaqkunapa yanqa munayllanmi.

Isaías 3:9

Qara uya kayninkum paykunataqa acusachkan, Sodoma llaqtapa hinam huchanku sutillata qawakuchkan. ¡Imaynaraq kanqaku! Kikillankum sasachakuykunata maskakurunku.

Jeremías 27:13

¿Imanasqataq qampas chaynataq runaykikunapas guerrawan, yarqaywan chaynataq peste onqoywan wañuyta munankichik? Tayta Diospa nisqanpi hinapas, tukuy kaykunaqa Babilonia nacionpa reyninta mana serviy munaq nacionkunatam pasanqa.

Ezequiel 18:31

Ñoqapa contraypi mana allinkuna ruwasqaykichikkunata qamkunamanta wischuychik; hinaspa musoq sonqoyuq, musoq espirituyuqña kaychik. Israel miraykuna, ¿imanasqataq wañuyta munankichik?

Ezequiel 33:11

Pay-kunaman ñoqa Tayta Diospa nisqayta kaynata niy: Ñoqa Tayta Diosmi sutiyrayku kaynata nikichik: Mana allin ruwaq runapa wañunantaqa manam munanichu, aswanqa mana allin ruwasqanmanta wanakuspa kawsakunantam munani. Chaynaqa, Israel miraykuna, ¡mana allin kawsasqaykichikmanta wanakuspa kutirikamuwaychik! ¿Imanasqataq huchaykichikpi wañunkichik? nispa.

Hechos 13:46

Pablowan Bernabeyñataqmi mana manchakuspa nirqaku: Diospa palabrantaqa qamkunamanmi puntataqa willanayku karqa, ichaqa mana chaskiyta munaspaykichik, chaynataq wiñay kawsaytapas mana chaskispa wischupakusqaykichikraykum, mana judiokunamanña willakamusaqku.

Hechos 16:28

Chaymi Pablo qaparispan nirqa: ¡Ama imanakuychu, kaypim lliwchayku kachkaniku! nispa.

1~Corintios 16:22

Pipas Señor Jesucristota mana kuyaqqa ñakasqayá kachun. ¡Maranatha!

Hebreos 10:29

Chaynaqa, ¡mayna castigasqaraqmi kanqa! Diospa Churinta sarutyaq runaqa, Diosllapaqña sapaqchaqnin musoq pacto yawartapas despreciaq runaqa hinaspa Diospa kuyapayakuynin qokuq Chuya Espiritutapas kamiq runaqa.

Hebreos 2:3

Chaynaqa, ñoqanchikpas ¿imaynataq lluptichwanchik hatu-hatun salvacionninta yanqapaq hapispaqa? Chay salvacionmantaqa Señormi puntata willakurqa, hinaptinmi uyariqninkunapas cheqap kasqanta willawarqanchik.