Proverbios 8:17 - CHUYA QELLQA La Biblia en Quechua de Ayacucho 2012

¹⁷ Ñoqaqa kuyawaqniykunatam kuyani, maskawaqniykunaqa tariwanmi.

Quechua Ayacucho Bible 1987

¹⁷ Ñoqaqa kuyanim kuyawaqniykunataqa. Tariwanqakum chaylla maskawaqniykunaqa.

Chuya Qellqa 1992

¹⁷ Ñoqaqa kuyawaqniykunatam kuyani, maskawaqniykunaqa tariwanmi.

Proverbios 8:17 Iomraidhean Croise

2~Crónicas 34:3

Pusaq wataña munaychakuyninpim, rey Josiasqa warmallaraq kachkaspan, ñawpaq taytan Davidpa Diosninta maskayta qallaykurqa. Chunka iskayniyuq wataña munaychakuchkaspanmi, Judá nacionpi chaynataq Jerusalén llaqtapi kaq moqokunapi capillakunata, Asera idolokunata, metalta chulluchispa ruwasqa tukuy rikchaq idolokunata hinaspa rumimanta labrasqa idolokunatapas wischuyta qallaykurqa.

Proverbios 1:28

Chay punchawpim qayakamuwankichik, ichaqa manam uyarisqaykichikchu, tutapaymanta maskawaspaykichikpas manam tariwankichikchu.

Proverbios 2:4

Sichum qollqeta hina maskanki, pakata hina maskanki,

Proverbios 2:5

hinaspaqa Tayta Dios kasukuytam yachanki, Tayta Diospa yachaynintam haypanki.

Proverbios 4:6

Yachaymanta ama rakikuychu paymi waqaychasunki, yachayta kuyaptikiqa paymi waqaychasunki.

Proverbios 8:16

Ñoqaraykum reykunapas munaychakunku, ñoqaraykum juezkunapas alli arreglota ruwanku.

Eclesiastés 12:1

Jovenllaraq kaynikipiyá unanchaqnikimanta yuyariy, sasachakuy punchawkuna manaraq chayaramuchkaptin, yanqañataq chayna punchawkuna chayamuptin niwaq: “Manam kusikuyta tariniñachu”, nispa.

Cantares 3:4

Paykunamanta rakikuykuspallaymi ancha kuyasqayta tarirurqani. Makinmanta hapikuruspaymi mamaypa wasinman pusanaykama, wachakuwaqniypa wasinman pusanaykama, mana kachaykurqanichu.

Isaías 45:19

Ñoqaqa manam pakasqallapichu rimarqani, nitaqmi kay pachapa tutayay sitionkunapichu rimarqani; Israelpa mirayninkunataqa manam nirqanichu: “Yanqapaqñam maskawankichik”, nispaqa. Ñoqa Tayta Diosqa cheqap kaqtam rimani, ñoqaqa allin kawsakuyllamantam willakuni.

Isaías 55:6

Tarinapaqraq kachkaptinyá Tayta Diosta maskaychik, hichpallapiraq kachkaptinyá Tayta Diosta qayakuychik.

Mateo 6:33

Imamantapas llalliriqtaqa Diospa munaychakuynintawan paypa munasqanman hina ruwaytayá maskaychik, hinaspaqa ima munasqaykichiktapas chaskinkichikmi.

Marcos 10:14

Jesusñataqmi harkakusqankuta rikuruspan piñakuspan nirqa: Wawakuna ñoqaman hamunanta ama harkakuychikchu, kay wawakuna hina kaqkunapaqmi Diospa munaychakuyninqa.

Juan 14:21

Kamachikuyniykunata yachaspa kasukuq runaqa kuyawanmi, Taytaypas kuyanqam chayna kuyaqniytaqa. Ñoqapas kuyaspaymi reqsichikusaq paywan.

Juan 14:23

Chaymi Jesusñataq nirqa: Kuyawaqniyqa palabraykunatam kasukun, paytaqa Taytaypas kuyanqam, Taytaywan hamuspaymi kuyawaqniywanqa yachasaqku.

Juan 16:27

Taytayqa kuyasunkichikmi ñoqata kuyawasqaykichikrayku, qamkunaqa creerqankichikmi Diosmanta hamusqayta.

Juan 5:4

Huk angelmi qonqaymanta-qonqaymanta estanqueman uraykamuspan yakuta kuyurichiq, chaymi yaku kuyuriptin pipas puntata yaykuqqa ima onqoymantapas sanoyaruq].

Juan 7:37

Fiestapa tukupaynin punchawqa hatun punchawmi karqa. Chaypim Jesús sayaykuspan kaynata qaparirqa: Pipas yakunayachikuqqa ñoqaman hamuspa tomachun.

Santiago 1:5

Mayqannikichikpapas yachaynikichik pisilla kaptinqa, Diostayá mañakuychik, payqa lliw mañakuqninkunamanqa mana piñakuspam chaninninpi qoykunqa.

1~Juan 4:19

Diostaqa kuyanchik paypuni puntata kuyawasqanchikraykum.

1~Samuel 2:30

Chayraykum Israelpa yupaychasqan Tayta Dios kaynata nin: Ñoqam nirqani miraynikipas chaynataq ñawpaq taytaykikunapa mirayninpas wiñaypaqña serviwanankupaq. Kunanmi ichaqa prometekusqayta mana ruwasaqñachu. Ñoqaqa pim hatunchawaqniytam hatunchasaq, qepanchawaqniytam ichaqa asllapaq hapisaq.