Proverbios 8:15 - CHUYA QELLQA La Biblia en Quechua de Ayacucho 2012

¹⁵ Ñoqa yanapaptiymi reykunapas munaychakunku, ñoqaraykum kamachikuqkunapas justiciata ruwanku.

Quechua Ayacucho Bible 1987

¹⁵ Ñoqaraykum reykunapas allinta gobiernanku. Ñoqaraykum autoridadkunapas allinta decretanku.

Chuya Qellqa 1992

¹⁵ Ñoqa yanapaptiymi reykunapas munaychakunku, ñoqaraykum kamachikuqkunapas justiciata ruwanku.

Proverbios 8:15 Iomraidhean Croise

1~Reyes 10:9

¡Señorniki Tayta Diosyá bendecisqa kachun! ¡Paymi kuyasuspayki Israel nacionpi munaychakunaykipaq churasurqanki! ¡Tayta Diosqa Israel nacionta kuyasqanraykum rey kanaykipaq churaykusurqanki, derechonpi allinta kamachikunaykipaq! nispa.

1~Reyes 3:28

Israelpa mirayninkunam reypa allin arreglo ruwasqanta yacharurqaku, chayraykum anchata reyta respetarqaku, chaynapim qawarqaku Tayta Diospa yachay qosqanwan allinta munaychakusqanta.

1~Reyes 3:9

Chaynaqa, yachaytayá qoykuway, runaykikunata yachaywan kamachinaypaq hinaspa allin kaqta chaynataq mana allin kaqtapas reqsinaypaq, mana chayqa, ¿pitaq kay manaña yupay atina runaykikunata kamachiyta atinman? nispa.

1~Reyes 5:7

Rey Hiramñataqmi Salomonpa nis-qanta uyariruspan sinchita kusikurqa, hinaspam nirqa: Tayta Diosyá kunan qapaqchasqa kachun, chay hatun nacionpi munaychakunanpaq Davidman yachaysapa churita qoykusqanmanta, nispa.

1~Crónicas 28:5

Tayta Diosmi churikunata achkallataña qoykuwan, paykunamantam churiy Salomonta Tayta Dios akllaykun, chaynapi Tayta Diospa munaychakusqan Israel nacionpi rey kananpaq.

2~Crónicas 1:10

¿Pitaq kay achkallaña runaykikunata munaychakunman? Chaynaqa, kunanyá kay llaqtapi munaychakunaypaq yachaytawan yuyayta qoykuway, nispa.

2~Crónicas 1:11

Hinaptinmi Salomonta Dios nirqa: Kaytaqa allintam tantearunki, qamqa manam mañakuchkanki apuyaytachu, qori-qollqetachu, reqsisqa kaytachu, enemigoykikuna wañunantachu, nitaq unay kawsakuytachu, aswanqa reyninku kanaykipaq churasqay runaykunapi munaychakunaykipaqmi yachaytawan yuyayta mañakuchkanki.

Proverbios 29:4

Allinta munaychakuq reyqa llaqtatam takyachin, impuestollata mañakuqmi ichaqa llaqtata chinkachin.

Proverbios 8:16

Ñoqaraykum reykunapas munaychakunku, ñoqaraykum juezkunapas alli arreglota ruwanku.

Isaías 1:26

Ñawpaq tiempopi hinam jueznikikunatapas chaynallataq umachasuqnikikunatapas hatarichisaq. Chaymi allinkuna ruwaqwan, hinaspa Diosllapi hapipakuq llaqtawan sutichasqa kanki.

Jeremías 33:15

Chay punchaw chayaramuptinmi Davidpa mirayninmanta huk ikllipata hatarichisaq; paymi allin kaqkunata ruwaspan, allin arreglokunata ruwaspan kay allpapi munaychakunqa.

Daniel 2:21

Payllam tiempokunatawan punchawkunatapas tikran, payllam reykunata hurqon hinaspa churan, payllam yachayniyuqkunaman yachayta qon, payllataqmi yuyayniyuqmanpas yuyayta qon.

Daniel 4:25

Reynilláy, runakuna ukumanta wischusqa kaspam purun animalkunawanña kawsanki, torokuna hinam pastotaña mikunki, sullapas nuyusunkim. Qanchis watapunim chayna kawsanki, chaymantañam qamqa reqsikunki, tukuy imapa hawanpi munaychakuq Diosqa llapallan runakunapa kamachikuyninpi munaychakuq kasqanta, kamachikuq kananpaqqa paymi munasqanman hina pitapas churan.

Daniel 4:32

runakuna ukumanta wischusqa kaspam purun animalkunawanña kawsanki, torokuna hina pastota mikuspam qanchis watapuni kawsanki, chaymantañam reqsikunki tukuy imapa hawanpi munaychakuq Diosqa llapallan runakunapa kamachikuyninpi munaychakusqanta, payqa chay kamachikuytaqa munasqanmanmi pimanpas qon”, nispa.

Mateo 28:18

Chaymi Jesusñataq paykunaman asuykuspan nirqa: Diosmi tukuy atiyta qoykuwan hanaq pa-chapipas chaynataq kay pachapipas.

Romanos 13:1

Lliwchaykichikyá kamachikuqkunata kasukuychik, lliw kamachikuqkunaqa Diospa churasqanmi. Kunan kaq kamachikuqkunatapas Diosmi churarqa.

Apocalipsis 19:11

Chaymantam rikurqani hanaq pacha kicharayachkaqta, chaypim huk yuraq caballo rikurirurqa, sillakuqninpa sutinmi kasqa “Fiel hinaspa Cheqap” niq. Payqa mana pimanpas sayapakuspam allin arreglota ruwaspa kamachikusqa chaynataq peleasqapas.

Apocalipsis 19:16

Pachanpipas chaynataq piernanpipas kayna qellqasqam kasqa: “Reykunapa Reynin, Señorkunapapas Señornin” niq.

1~Samuel 16:1

Tayta Diosmi Samuelta nirqa: ¿Haykapikamataq Saulmanta waqanki? Ñoqaqa Israelpi rey kayninmantam qarqoruniña. Aceite apaykachanayki waqraman aceiteta hillpuspayá Belén llaqtayuq Isaipa wasinman riy, paypa huknin churintam rey kananpaq akllaruni, nispa.

1~Samuel 9:17

Maypacham Saulta Samuel rikuruptinmi Tayta Dios nirqa: Kaymi chay nisqay runa, paymi llaqtaypi munaychakunqa, nispa.