Proverbios 7:7 - CHUYA QELLQA La Biblia en Quechua de Ayacucho 2012

⁷ jovenkunapa chawpinpirikururqani mana ancha yuyay hapiq joventa.

Quechua Ayacucho Bible 1987

⁷ rikurqani pisi experienciayoq mozokunata. Paykunamantam rikurqani manaraq yuyayniyoq kaqta.

Chuya Qellqa 1992

⁷ jovenkunapa chawpinpim rikururqani mana ancha yuyay hapiq joventa.

Proverbios 7:7 Iomraidhean Croise

Jobwan Sutichasqa Libro 24:15

Waqllikuq runam tutaykunanta suyan, uyanta sumaqta tapakuruspam nin: “Manam pipas rikuwanqachu”, nispa.

Proverbios 1:22

Mana yachayniyuq jovenkuna, ¿haykapikamataq mana yachayniyuq kankichik? ¿Haykapikamataq burlakuynikichikpi kusikuspa yachayta cheqninkichik?

Proverbios 1:32

Mana yachayniyuqkunataqa mana yachayniyuq kayninmi wañurachinqa. Mana tanteakuy yachaq runataqa, mana tanteakuy yachaq kayninmi chinkarachinqa.

Proverbios 1:4

Mana yachayniyuqkunata yachayniyuqtaña ruwananpaq, jovenkunatapas allin tanteakuqta, allin yachayniyuqtaña ruwananpaq.

Proverbios 10:13

Yachayniyuqpa siminpiqa yachaymi tarikun, azoteñataqmi mana yachayniyuq runapa wasanpaq.

Proverbios 12:11

Llamkakuq runaqa saksasqam kanqa, qella runam ichaqa yanqakunallapi tiempota usuchin.

Proverbios 14:15

Mana yuyayniyuq runaqa imataña nisqankutapas chiqappaqmi hapirun, yachayniyuq runam ichaqa allinta tanteakuykuspan imatapas ruwan.

Proverbios 14:18

Mana yachayniyuq runakunapa pagonqa mana yachayniyuq kaymi, yachayniyuq runakunam ichaqa yachaywan coronasqa kanqaku.

Proverbios 19:2

Mana sumaqta tantearispa imapas ruwayqa manam allinchu, hawanpi-ukunpi imatapas ruwayqa pantachikunmi.

Proverbios 19:25

Burlakuq runata castigaptikiqa mana yuyayniyuqpas yuyaytam hapinqa, yachayniyuqta qaqchaptikiqa aswan yachayniyuqmi rikurinqa.

Proverbios 22:3

Allin tanteakuq runaqa sasachakuyta qawarispam suchurikun, mana yachayniyuq runam ichaqa sasachakuyman yaykuruspan ñakarin.

Proverbios 24:30

Qella runapa chakran chawpintam pasarqani, mana yuyayniyuqpa uvas chakrantam pasarqani,

Proverbios 27:12

Yachayniyuq runaqa sasachakuyta qawaspam asurikun, mana yuyaymanayniyuqmi ichaqa sasachakuyman yaykuspa ñakarin.

Proverbios 5:1

Churilláy, yachachikuyniyta sumaqta uyariy, consejasqaykunata sumaqta uyariy,

Proverbios 6:20

Churilláy, taytaykipa kamachisusqaykita kasukuy, mamaykipa yachachisusqaykita ama qonqaychu.

Proverbios 6:32

Hukpa warminwan huchallikuq runaqa mana yachayniyuq runam; chayta ruwaq runaqa kikillanmi tuñichikuchkan.

Proverbios 8:5

Pisi yuyayniyuq jovenkuna, yuyayniyuq kayta yachaychik; mana tanteoyuqkuna, allin tanteakuq kayta yachaychik.

Proverbios 9:16

“Mana yachayniyuqkuna hamuychik”, nispa. Mana yuyayniyuqkunatam kaynata nin:

Proverbios 9:4

“Mana yachayniyuqkuna asuykamuychik”, nimunankupaq. Mana allin tanteakuqkunatapas kaynata nimuychik:

Jeremías 4:22

Tayta Diosmi kaynata nin: Llaqtayqa mana yachayniyuqmi, manam reqsiwankuchu; paykunaqa mana yachayniyuq churikunam, paykunaqa mana yuyaymanayniyuq runakunam; mana allin ruwaypaqmi ichaqa yachaysapallaña, allin ruwaytam ichaqa mana yachankuchu.

Mateo 15:16

Chaymi Jesús nirqa: ¿Qamkunapas manachu entiendenkichik?