Proverbios 5:22 - CHUYA QELLQA La Biblia en Quechua de Ayacucho 2012

²² Mana allin runataqa mana allin ruwayllanmi chaqnarunqa, kikinpa huchallanmi waska hina teqorunqa,

Quechua Ayacucho Bible 1987

²² Mana allin ruraq runataqa mana allin rurasqanmi presocharun. Mana allin ruraq runaqa waskawan chaqnasqa hinam huchankunawan rikurirun.

Chuya Qellqa 1992

²² Mana allin runataqa mana allin ruwayllanmi chaqnarunqa, kikinpa huchallanmi waska hina teqorunqa,

Proverbios 5:22 Iomraidhean Croise

1~Reyes 18:18

Eliasñataqmi nirqa: Ñoqaqa manam Israel naciontaqa chaqwachinichu, aswanqa qanmi chaq-wachirqankiqa, Tayta Diospa kamachikuyninkunata saqeruspa, taytaykipa mirayninkunapiwan kuska Baal idolokunataña qatispaykichik.

Ester 9:25

Ichaqa reypa ñawpaqninman reina Ester hamuruspa mañakuptinmi, reyqa huk decretota kamachikurqa, judiokunapa contranpi Amanpa mana allinkuna tanteasqan kikillanman wichiykunanpaq. Chaynapim Amanqa churinkunapiwan warkunapi warkurachikurqaku.

Jobwan Sutichasqa Libro 18:8

Maymi rinanmanmi trampata churarunqa, hina chay trampallamanmi wichiykunqa.

Proverbios 1:18

Chay runakunaqa kikillankum wañuyman qarakuchkanku, kikillankupaqmi toqllatapas churakuchkanku.

Proverbios 11:3

Allin kawsakuq runataqa allin kawsakuyninmi kawsachin; iskay uya runatam ichaqa iskay uya kaynin chinkachin.

Proverbios 11:5

Allin kawsakuyqa mana huchayuqpa ñannintam allichan; mana allin runam ichaqa mana allin ruwayninkunawan wichinqa.

Proverbios 11:6

Allin kawsakuq runataqa allin kawsakuyninmi libran, huchasapa runatam ichaqa kikinpa huchallan chaqnarun.

Proverbios 12:14

Runaqa rimasqankunapa rurunwanmi saksan, makinkunawan ruwasqanmantam pagota chaskikun.

Proverbios 14:32

Mana allin runataqa mana allin ruwayninkunallam tuñichin, allin ruwaq runam ichaqa wañunankama Diosman hapipakun.

Proverbios 18:7

Mana yachayniyuq runaqa tuñichikunallanpaqmi riman, rimasqallanwanmi waskata kunkanman churakun.

Proverbios 24:12

“Ñoqaqa manam yacharqanichu” niptikipas juzgasuqnikiqa yacharunqam, imaynam kawsasqaykita qawasuqnikiqa reqsirunqam, sapakamaman ruwayninman hina pagaqmi musyarunqa. -26-

Proverbios 26:27

Pipas trampata uchkuqqa kikillanmi chayman wichiykunqa, rumita kuchpaykuq runataqa kuchpasqan rumillam hawanta pasarunqa.

Eclesiastés 7:26

Kaytam tarirurqani: Warmiqa wañuymantapas aswanraq ñakarichikuq kasqanta, wichichikuq trampa hina kasqanta, sonqonpas toqlla hina kasqanta, makinkunapas cadena hina kasqanta. Diosta kasukuqkunallam chay warmimantaqa lluptiyta atinqa, huchasapa runam ichaqa chaylla wichiykunqa.

Jeremías 2:19

Millakuypaq kaqkuna ruwasqaykikunam castigasunki, mana kasukuynikikunam condenasunki; tantearispayá sumaqta yuyaymanariy, mayna sasam hinaspa mayna manchakuypaqmi yupaychasqayki Tayta Diosta saqeruwaspa mana kasukuyqa. Ñoqa Tayta Diosmi chaynata nini.

Lamentaciones 1:14

Diosmi huchaykunata yugota hina wataruwarqa, matankayman yugota wataruwaptinmi kallpay tukurun; enemigoykunaman Tayta Dios qoykuwaptinmi manaña hatariytapas atiniñachu.

Abdías 1:15

Nacionkunata Tayta Diospa juzganan punchawmi hichpaykamuchkanña. Edom, imaynam ruwasqaykiman hinam qampas ruwasqa kanki, imaynam ruwasqaykiman hinam pagasqa kanki.

Números 32:23

Nisqaykichikta hina mana ruwaspam ichaqa Tayta Diospa contranpi huchallikunkichik, chaymantaqa cheqaptapunipas castigasqam kankichik.

Hebreos 13:4

Casado kayqa llapallanpa respetasqanyá kachun, respetasqataqyá kachun camankupas. Waqllikuqkunatawan hucha-pakuqkunatam ichaqa Dios juzganqa.

Jueces 20:41

Israel castakuna kutiriykuptinkum Benjamín castakunaqa llumpayta mancharikururqaku, paykunapa hawanman hatun sasachakuy chayaramusqanta qawakuykuspanku.

Jueces 9:57

Siquem llaqtayuq runakunapa tukuy mana allin ruwasqantam, kikinkupa hawanman Tayta Dios kutichipurqa, Jerobaalpa churin Jotampa ñakasqanmi paykunaman chayarurqa.