Proverbios 31:9 - CHUYA QELLQA La Biblia en Quechua de Ayacucho 2012

⁹ kallpawan rimarispayá justiciata ruway, wakchakunatawan mana piniyuqkunatayá nanachikuy.

Quechua Ayacucho Bible 1987

⁹ Allinta arreglanaykipaqyá rimariy. Humildekunata defiendenaykipaqyá rimariy. Wakchakunata defiendenaykipaqyá rimariy.

Chuya Qellqa 1992

⁹ kallpawan rimarispayá justiciata ruway, wakchakunatawan mana piniyuqkunatayá nanachikuy.

Proverbios 31:9 Iomraidhean Croise

2~Samuel 8:15

Israel nacionta David kamachikuspanmi llapallan runankunapaq mana pimanpas sayapakuspa allin arreglota ruwarqa.

Jobwan Sutichasqa Libro 29:12

Wakchakunatawan mana tayta-mamayuqkunatam libraykuq kani, mana pipapas nanachikusqantam yanapaykuq kani.

Proverbios 16:12

Reykunaqa millakunkum mana allin ruwaykunataqa, paykunapa munaychakuyninqa sapinchakun allin ruwaypim.

Proverbios 20:8

Juzganan trononpi rey tiyaykuspanqa qawariyllanwanraqmi ima mana allintapas tarirun.

Proverbios 29:7

Allin ruwaq runaqa wakchakunatam nanachikun, mana allin runatam ichaqa mana imapas qokunchu.

Isaías 1:17

Allinkuna ruwayta yachaychik, ñakarichisqakunapaq allin arreglota ruwaychik, mana tayta-mamayuqtawan viudakunata nanachikuychik, nispa.

Isaías 1:23

Kamachiqnikikunapas pasaypaq mana kasukuqkunam, suwakunamanpas sayapakuqkunam. Llapallankum qollqewan rantichikunku, imapas chaskiruyllatam paykunaqa maskanku. Mana piniyuqkunatapas manam nanachikunkuchu, viudakunapa quejantapas manam allichankuchu.

Isaías 11:4

Wakchakunatam imam derechonkuman hina juzganqa, kay pachapi wakchakunatam Diospa munasqanman hina nanachikunqa, rimayninwanmi kaspiwan hina mana allin runata ñakarichinqa, siminmanta lloqsimuq atiyninwanmi mana allin ruwaqkunata wañuchinqa.

Jeremías 21:12

Rey Davidpa mirayninkuna, ñoqa Tayta Diosmi kaynata nikichik: Sapa pacha achikyaytayá allin arreglota ruwaychik, ñakariqkunatayá ñakarichiqkunamanta qechuychik, yanqañataq mana allinkuna ruwasqaykichikmanta piñakuyniy nina hina ratarirunman manaña pipas amachay atinankama, nispayki.

Jeremías 22:3

Tayta Diosmi kaynata nin: Runakunapaq allin arreglota ruwaychik, ñakariqkunata ñakarichiqninmanta libraychik; huklaw llaqtayuqkunatapas, mana tayta-mamayuqkunatapas, viudatapas ama ñakarichiychikchu nitaq uchuy-chaychikchu. Inocente runatapas aman wañuchiychikchu.

Jeremías 23:5

Tayta Diosmi kaynata nin: Chayamunqam punchaw rey Davidpa mirayninmanta huk reyta hatarichinaypaq, payqa allin ruwaqmi kanqa, yachaywanmi nacionpipas munaychakunqa, allin arregloman hinam munaychakunqa, allin ruwaykunawanmi munaychakunqa.

Jeremías 5:28

Wirayaruspankum lluchkay-lluchkay uyayuqraq kachkanku, mana allinkuna ruwasqankupas manaña yupay atinam, mana tayta-mamayuqkunapaqpas manam allin arreglotaqa ruwankuchu, wakchakunatapas manam nanachikunkuchu.

Daniel 4:27

Chaynaqa reynilláy, kay consejasqayta uyariykuway: Ama huchallikuspa allin kaqkunataña ruway, mana allinta amaña ruwaspa wakchakunamanta llakipayarikuy, ichapas qamqa hina hawkalla unayta kawsakuwaq, nispa.

Levítico 19:15

Juez kaspaykiqa allinllatam arreglanki, wakchamanpas nitaq apumanpas amam sayapakunkichu, runamasikipa quejantaqa allintam arreglanki.

Zacarías 7:9

Tukuy Atiyniyuq Tayta Diosmi kaynata nin: Qamkunaqa cheqap kaqwan juzgaspayá runamasikichik-wanqa llakipayanakuspa chaynataq kuyapayanakuspa kawsaychik.

Zacarías 9:9

¡Sión llaqtapi yachaqkuna llumpayta kusikuychik! ¡Jerusalenpi yachaqkuna kusikuymanta qapariychik! Reynikichikmi qamkunaman hamuchkan, payqa allin ruwaq hinaspa salvakuqmi, asnopi silladam humildella hamuchkan, malta asnochapim hamuchkan.

Juan 7:24

Amayá qawasqaykichikman hinallachu juzgaychikqa, aswanqa ama pimanpas sayapakuspayá allin arreglota ruwaychik, nispa.

Deuteronomio 1:16

Juezkunatapas kaynatam kamachirqani: Llapallankuta uyarispaykichikmi, Israelpa mirayninkuna kaptinpas otaq huklaw llaqtayuqkuna kaptinpas allinta arreglankichik.

Hebreos 1:9

Qamqa allin kaqtam kuyarqanki, mana allin kaqtañataqmi cheqnirqanki, chayraykum Diospas akllasurqanki, qampa Diosnikim akllasurqanki, wakinmantapas qam kaqtaraqmi akllasurqanki, miski asnaq aceitewan tallichkaq hinam kusikuywan huntaykusurqanki, nispa.

Apocalipsis 19:11

Chaymantam rikurqani hanaq pacha kicharayachkaqta, chaypim huk yuraq caballo rikurirurqa, sillakuqninpa sutinmi kasqa “Fiel hinaspa Cheqap” niq. Payqa mana pimanpas sayapakuspam allin arreglota ruwaspa kamachikusqa chaynataq peleasqapas.

1~Samuel 19:4

Chaynapim Davidpa allinninpi rimaspan Jonatán taytanta nirqa: Reynilláy, amayá ima mana allintapas serviqniki Davidpa contranpiqa ruwaychu. Payqa manam ima mana allintapas ruwasurqankichu aswanqa allinllatam.

1~Samuel 20:32

Chaymi taytanta Jonatán tapurqa: ¿Imanasqataq wañuchisqa kanqa? ¿Ima mana allintataq ruwarun? nispa.