Proverbios 30:4 - CHUYA QELLQA La Biblia en Quechua de Ayacucho 2012

⁴ ¿Pitaq hanaq pachaman qespiruspa uraykamurqa? ¿Pitaq wayrakunata makinwan putqorqa? ¿Pitaq yakukunata latapawan wisirqa? ¿Pitaq kay pachapa linderonkunata churarqa? ¿Yachaptikiqa imataq paypa sutin hinaspa churinpa sutin?

Quechua Ayacucho Bible 1987

⁴ ¿Pitaq cielokunaman seqaspa uraykamurqa? ¿Pitaq wayrakunata makinpi putqorqa? ¿Pitaq capanpi watarqa yakukunata? ¿Pitaq churarqa allpapa linderonkunata? ¿Imataq paypa sutinqa yachaptikiqa? ¿Imataq churinpa sutinqa yachaptikiqa?

Chuya Qellqa 1992

⁴ ¿Pitaq hanaq pachaman qespiruspa uraykamurqa? ¿Pitaq wayrakunata makinwan putqorqa? ¿Pitaq yakukunata latapawan wisirqa? ¿Pitaq kay pachapa linderonkunata churarqa? ¿Yachaptikiqa imataq paypa sutin hinaspa churinpa sutin?

Proverbios 30:4 Iomraidhean Croise

Génesis 32:29

Jacobñataqmi chay runata tapurqa: Kunanyá sutikita willaykuway, nispa. Payñataqmi nirqa: ¿Imapaqtaq sutiymanta tapuwanki? nispa. Hinaspanmi chaypi bendeciykurqa.

Jobwan Sutichasqa Libro 11:7

¿Yaqachu Diospa pakasqa kaqninkuna reqsiyta atiruwaq? ¿Yaqachu Tukuy Atiyniyuq Dios hina chuya kayta atiruwaq?

Jobwan Sutichasqa Libro 11:8

Chaykunaqa cielokunamantapas aswan hatunmi, hinaptinqa, ¿imatataq ruwanki? Chaykunaqa wañuqkunapa kasqanmantapas aswan uku-ukuraqmi, hinaptinqa, ¿imaynatataq reqsinki?

Jobwan Sutichasqa Libro 26:8

Yakutapas puyukunapim wichqarurqa, yakupa llasayninwanqa puyukunapas manam llikikurunchu.

Éxodo 15:10

Wayrata pukuykachiptikim lamar qocha paykunata pamparurqa, manchakuypaq yakupim titi hina tiyarurqaku.

Éxodo 6:3

Abrahamman, Isaacman hinaspa Jacobmanmi rikurirqani “Tukuy Atiyniyuq Dios” sutiywan reqsichikuspay; “Tayta Dios” sutiypim ichaqa paykunaman manaraq reqsichikurqanichu.

Isaías 45:18

Hanaq pacha unanchaqmi, kay pachata ruwaspa takyachiqmi, runakunata chaypi yachananpaq unanchaq Tayta Diosmi kaynata nin: Ñoqallam Diosqa kani, manam hukqa kanchu, nispa.

Isaías 53:8

Yanqamanta tumpaspam sentenciarqaku, manam pipas nanachikurqachu, paymantaqa manam pipas llakikurqachu. Kay pachamantam chinkarachirqaku, llaqtaypa huchanmantam wañurachirqaku.

Isaías 7:14

Chaynaqa, kikin Diosmi señalta qosunkichik: Manaraq qari reqsiq sipasmi wiksayakuruspan qari wawata wachakunqa. Paytam Emanuelwan sutichanqa.

Isaías 9:6

Wawam nacerapuwanchik, churitam Tayta Dios qoykuwanchik, munaychakunanpaqmi atiyta qoykun. Paytam sutichanqaku: Admirakuypaq, allin Consejakuq, Tukuy Atiyniyuq Dios, Wiña-Wiñaypaq Yaya, hinaspa Hawkayayta Qokuq, nispa.

Jeremías 23:6

Paypa munaychakusqan punchawkunapim Judá nación salvasqa kanqa, Israel nacionpas hawkam kawsakunqa. Kaynataraqmi sutichanqakupas: “Tayta Diosmi salvaqninchikqa” nispanku.

Mateo 11:27

Taytaymi tukuy imakunata qoykuwarqa. Churitaqa manam pipas allintaqa reqsinchu aswanqa Taytallanmi, Taytataqa manataqmi pipas reqsinchu aswanqa Churillanmi hinaspa Churinpa reqsichisqan kaqkunallam.

Lucas 10:22

Taytaymi tukuy imakunata qoykuwan. Pim Churi kasqantaqa manam pipas yachanchu, aswanqa Taytallanmi. Taytataqa manataqmi pipas reqsinchu aswanqa Churillanmi hinaspa munasqanman hina Churinpa reqsichisqan kaqkunallam, nispa.

Juan 3:13

Manam pipas hanaq pachataqa rirqachu, aswanqa runapa Churillanmi, paymi hanaq pachamanta uraykamurqa.

Romanos 10:6

Aswanqa iñikuspallanchik mana huchayuqpaqña Diospa chaskisqan kananchikmantapas kaynatam nin: Amayá sonqoykipi niychu: ¿Pitaq hanaq pachaman wicharinqa? (Kayqa Cristota uraykachimunanpaqmi) nispaykiqa.

Deuteronomio 28:58

Sichum kay libropi qellqasqa yachachikuykunata mana kasukuptikichikqa, nitaq ancha reqsisqa manchakuypaq Señornikichik Tayta Diostapas mana manchakuptikichikqa,

Deuteronomio 30:12

manam hanaq pachapichu kachkan: “¿Pitaq cielota qespiruspan aparamunman hinaspa ruwayman churananchikpaq yachachiwachwan?” ninaykichikpaqqa;

Apocalipsis 19:12

Paypaqa ñawinpas lenwachkaq nina hinam kasqa, umanpiñataqmi achka diademakuna kasqa. Paypiqa huk sutipas qellqasqam kasqa, chaytaqa manam pipas yachanchu aswanqa kikillanmi.

Jueces 13:18

Chaymi Tayta Diospa angelnin nirqa: ¿Imanasqataq sutiyta tapuwanki? Sutiyqa admirakuypaqmi, nispa.