Proverbios 30:15 - CHUYA QELLQA La Biblia en Quechua de Ayacucho 2012

¹⁵ Sanguijuela urupa iskay wawankunaqa “qoway-qoway” niyllatam yachanku. Kimsam manaña haykapipas saksariqkuna, tawa kaqpas manam ninchu “saksaruniñam” nispaqa.

Quechua Ayacucho Bible 1987

¹⁵ Yawar soqoq kuwikapa iskay wawankunam ninku: “Qoway, qoway” nispa. Kanmi kimsa mana haykapipas saksaqkuna, tawa kaqpas manam ninmanchu: “Chayllapaqñam” nispa.

Chuya Qellqa 1992

¹⁵ Sanguijuela urupa iskay wawankunaqa “qoway, qoway” niyllatam yachanku. Kimsam manaña haykapipas saksariqkuna, tawa kaqpas manam ninchu “saksaruniñam” nispaqa:

Proverbios 30:15 Iomraidhean Croise

Proverbios 27:20

Imaynam wañuywan sepultura mana haykapipas saksanchu, chaynam runaqa ima munasqanwanpas haykapipas mana contentakunchu.

Proverbios 30:14

Kanmi espada kiruyuq miraykuna, kanmi cuchillo waqoyuq runakuna, chaywan kay pachapi wakchakunata mikurunankupaq, allin sonqoyuqkunata tukurunankupaq.

Proverbios 30:16

Chaykunam sepultura, mana wachakuq warmi, mana yakuta saksaq allpa, chaynataq ninapas.

Proverbios 30:21

Kay kimsawanmi allpa katkatatan, kay tawa kaqwanñataqmi ñakarin:

Proverbios 30:24

Kantaqmi kay pachapi tawa taksa animalchakuna paykunaqa llumpay yachaysapam kanku:

Proverbios 30:29

Kay kimsañataqmi kuyayllapaqta purinku, tawa kaqpas qarillañam purin:

Proverbios 6:16

Soqta huchakunatam Tayta Dios cheqnin, qanchis kaqtañataqmi pasaypaqta millakun:

Isaías 57:3

Tayta Diosmi kaynata nin: Brujakunapa wawankuna asuykamuychik, chuchumikapa mirayninkuna asuykamuychik.

Oseas 4:18

Upyanankupaq trago tukuruptinpas chuchumika warmikunawanmi qachakunku, kamachiqninkupas millakuypaq kaqkunatam kuyarunku.

Amós 1:11

Tayta Diosmi kaynata nin: Edom llaqtapi yachaqkunatam llumpa-llumpay huchankumanta castigasaqpuni. Paykunam espada makintin mana llakipayarispa ayllunku Israelta qatikacharqaku. Piñakuyninkutapas mismirichispam cheqnikuyninkutapas tukuy tiempo hatallirqaku.

Amós 1:13

Tayta Diosmi kaynata nin: Amón llaqtapi yachaqkunatam llumpa-llumpay huchankumanta castigasaqpuni. Paykunam allpankuta mirachiypi rispanku Galaad lawpi wiksayuq warmikunapa wiksallantapas kuchuspa tallirqaku.

Amós 1:3

Tayta Diosmi kaynata nin: Damasco llaqtatam llumpa-llumpay huchanmanta castigasaqpuni, Galaadpi yachaqkunata fierromanta trillanakunawan trillachkaq hina ñakarichisqankumanta.

Amós 1:6

Tayta Diosmi kaynata nin: Gaza llaqtapi yachaqkunatam llumpa-llumpay huchankumanta castigasaqpuni. Llaqtantin runakunata presocharuspa Edom llaqtapi esclavopaq rantikusqankumanta.

Amós 1:9

Tayta Diosmi kaynata nin: Tiro llaqtapi yachaqkunatam llumpa-llumpay huchankumanta castigasaqpuni. Wawqentin hina kuyanakunankupaq contrato ruwasqankuta qonqaykuspa llaqtantin runakunata presochaspa Edonman apasqankumanta.

Amós 2:1

Tayta Diosmi kaynata nin: Moab nacionpi yachaqkunatam llumpa-llumpay huchankumanta castigasaqpuni, castigasaqa Edom nacionpi reypa tullunkunata uchpayanankama kañarusqankuraykum.

Amós 2:4

Tayta Diosmi kaynata nin: Judá naciontam llumpa-llumpay huchanmanta castigasaqpuni; kamachikuyniykunatapas wischupakuspankum mana kasukurqakuchu, aswanraqmi tayta-mamanku kaqlla paykunapas idolokunata yupaycharqaku.

Miqueas 7:3

Mana allin ruwaymanmi amañarunku, kamachikuqkunapas pagotam mañakunku, juezkunapas sobornotam chaskikunku, atiyniyuqkuna munasqanta rimaptinkum “allinmi” nispa sayapakunku.

Mateo 23:32

Chaynaqa, ¡Ñawpaq taytaykichikkunapa qallarisqantayá qamkunaña tukupaychik!

Juan 8:39

Chaymi paykunañataq nirqaku: Taytaykuqa Abrahamllam, nispanku. Jesusñataqmi nirqa: Abrahampa miraynin kaspaqa paypa ruwasqankunatachá ruwawaqchik.

Juan 8:44

Qamkunapa taytaykichikqa diablom, chaymi paypa munasqallanta ruwankichik. Diabloqa qallariyninmantapuni runata wañuyman apaqmi karqa, paypi mana cheqap kasqanraykum cheqap kaqpipas mana takyanchu. Llullata rimaspanqa kikillanmanta kaqtam riman, chayna kasqanraykum haykam llullakuqkunapa taytan.

Romanos 16:18

Paykunaqa manam Señorninchik Jesucristotachu servinku, aswanqa kikinkupa wiksallankumantam afanakunku. Sumaqllataña rimaspankum manaraq ancha yachaqkunata engañanku.

2~Pedro 2:3

Qollqe ganakuyta munas-pankum, allin yachachikuq tukuspanku qamkunamanta negociota ruwakunqaku, paykunaqa ñawpaqmantaraqmi senten-ciasqaña kachkanku, chaylla chinka-runankupaq.