Proverbios 30:14 - CHUYA QELLQA La Biblia en Quechua de Ayacucho 2012

¹⁴ Kanmi espada kiruyuq miraykuna, kanmi cuchillo waqoyuq runakuna, chaywan kay pachapi wakchakunata mikurunankupaq, allin sonqoyuqkunata tukurunankupaq.

Quechua Ayacucho Bible 1987

¹⁴ Kanmi espada hina kiruyoq runakuna. Kanmi cuchillo hina waqoyoq runakuna kay pachapi humildekunata mikurunanpaq, runakunamanta wakchakuna tukurunanpaq.

Chuya Qellqa 1992

¹⁴ Kanmi espada kiruyuq miraykuna, kanmi cuchillo waqoyuq runakuna, chaywan kay pachapi wakchakunata mikurunankupaq, allin sonqoyuqkunata tukurunankupaq.

Proverbios 30:14 Iomraidhean Croise

Jobwan Sutichasqa Libro 29:17

Mana allin runakunapa simintam kakllaq kani, ima kachusqantapas kirunmantañam qechuq kani.

Jobwan Sutichasqa Libro 41:14

¿Pitaq hociconta kakllarunman? Hociconpa muyuriqninpi kirunkunapas manchakuypaqmi.

Proverbios 12:18

Nanay simikunapa rimayninqa espada hinam kuchukun, yachayniyuq runapa rimayninmi ichaqa hampi.

Proverbios 22:16

Apuyananrayku wakchata ñakarichiq runaqa, otaq apuman qoykuq runaqa, wakchayaypim tukunqa.

Proverbios 28:3

Wakchamasinta suwakuq runaqa kawsayta tukuruq loco para hinam.

Proverbios 30:15

Sanguijuela urupa iskay wawankunaqa “qoway-qoway” niyllatam yachanku. Kimsam manaña haykapipas saksariqkuna, tawa kaqpas manam ninchu “saksaruniñam” nispaqa.

Eclesiastés 4:1

Kay pachata qawarispaymi rikchaqmana ñakarichinakuyta rikurqani: Ñakarichisqakunam waqanku, ichaqa manam pipas consuelaqninku kanchu; atiyniyuqkunam ñakarichinku, manam pipas consuelaqninku kanchu.

Isaías 10:2

Qamkunaqa wakchakunatapas manam nanachikunkichikchu, llaqtaypi ñakariqkunapaqpas manam allin arreglotaqa ruwankichikchu, viudakunapa kapuqnintam suwakunkichik, mana tayta-mamayuqkunapa kapuqnintam qechunkichik.

Isaías 3:14

Tayta Diosmi llaqtanpi ancianokunawan chaynataq kamachikuqkunawan juicioman yaykuspan ninqa: Qamkunaqa llaqtaytam chaqorunkichik, wakchakunamanta suwakusqaykichiktam wasikichikpiraq pakarunkichik.

Isaías 3:15

Tukuy Atiyniyuq Tayta Diosmi kaynata nin: ¿Imata munaspataq llaqtayta ñakarichinkichik, hinaspa wakchakunatañataq usuchinkichik? nispa.

Isaías 32:7

Millay runaqa mana allinkunallatam ruwan, payqa mana allinkunallatam tantean, chaykunawanmi wakchakunata astawan tuñichin; mana piniyuq runapa allin arreglo mañakusqantam llullakunawan hukmanyachin.

Ezequiel 22:6

Chaypim Israelpa kamachiqninku-napas yachanku, paykunam atiyninkuman hina yawar chaqchuyllapiña kallpakachanku.

Ezequiel 34:3

Ovejakunapa lechentam tomakunkichik, millwanmantam pachata ruwakunkichik, poqosqan kaqkunatañataqmi nakakuykuspa mikukunkichik, ovejakunamantam ichaqa mana imapas qokusunkichikchu.

Amós 2:7

Mana piniyuqkunatam usuchinku, wakchakunatapas yanqamanta cargochaspam pantachinku. Taytakunapas churintinmi huk warmillawan qanrakunku, hinaspam chuya sutiyta penqayman churanku.

Amós 4:1

Basán lawpi wira vacakuna kaqlla Samaria llaqtapi warmikuna, qamkunam wakchakunata usuchinkichik, mana imayuqkunatam sarutyankichik. Qosaykichiktam kamachinkichik vinota apamuy tomananchikpaq, nispaykichik. Qamkunayá kayta uyariychik.

Amós 8:4

Mana piniyuqkunata ñakarichispa wakchakunata tuñichiqkuna kayta uyariychik.

Habacuc 3:14

Capitanninkunatapas kikinpa flechallanwanmi wañurachirqanki, chaynataqa ruwarqanki cheqerachiwanankupaq kallpasapa wayra hinaraq pawaykamuwaptinkum, mana pipa yachasqallanta chinkarachiwanankupaq pawaykamuwaptinkum.

Sofonías 3:3

Kamachiqninkunapas piña león hinam, juezninkunapas chunniqpi atoq hinam, paykunaqa manam tullutapas paqarinnintinkamaqa puchunkuchu.

Mateo 23:13

¡Iskay uya fariseokuna hinaspa Diospa leynin yachachiqkuna, imaynaraq kankichik! Qamkunaqa Diospa munaychakuyninman yaykuqkunatam harkaypaq-harkachkankichik. Manam qamkunapas yaykuyta munankichikchu nitaqmi yaykuy munaqkunatapas yaykunankuta munankichikchu.

Apocalipsis 9:8

Chukchanmi kasqa warmipa chukchan hina, kirunñataqmi kasqa leonpa kirun hina.