Proverbios 30:11 - CHUYA QELLQA La Biblia en Quechua de Ayacucho 2012

¹¹ Kanmi taytanta ñakaq miraykuna, kantaqmi mamanta mana bendiceq miraykunapas.

Quechua Ayacucho Bible 1987

¹¹ Kanmi taytan ñakaq runakuna. Kantaqmi mamanmanta rimakuqkuna.

Chuya Qellqa 1992

¹¹ Kanmi taytanta ñakaq miraykuna, kantaqmi mamanta mana bendiceq miraykunapas.

Proverbios 30:11 Iomraidhean Croise

Éxodo 21:17

Pipas taytanta otaq mamanta ñakaqqa wañuchisqam kanqa.

Proverbios 20:20

Tayta-maman ñakaq runaqa manchakuypaq tutayaypim wañunqa.

Proverbios 23:22

Taytaykipa nisusqaykita uyariy, mamaykimantapas payayaruptinqa ama penqakuychu.

Proverbios 30:17

Taytanta burlakuq runataqa, mamanta mana kasukuq runataqa, cuervokunayá ñawinta hurqoruchun, ankakunayá mikuruchun.

Levítico 20:9

Pipas tayta-maman ñakaqqa wañuchisqam kanqa. Tayta-maman ñakasqanmanta wañuspanqa kikinmi huchayuq kanqa.

Malaquías 1:6

Tukuy Atiyniyuq Tayta Diosmi sacerdotekunata kaynata nin: Warmakunaqa taytankutam respetan, criadokunapas patronninkutam kasukunku. Sichum taytaykichik ñoqa kaptiyqa, ¿imanasqataq mana respetawankichikchu? Sichum patronnikichik kaptiyqa ¿imanasqataq mana kasuwankichikchu? Qamkunaqa sutiyta despreciachkaspapas kaynataraqmi ninkichik: “¿Imapitaq ñoqayku despreciarqaykiku?” nisparaq.

Mateo 3:7

Llapa fariseokunawan saduceokunapas bautizachikuq hamuptinkum Juanñataq nirqa: ¡Maqta urupa mirayninkuna! ¿Pitaq willarusunkichik hamuq ñakariymanta ayqeruyta?

Deuteronomio 27:16

¡Tayta-mamanta usuchiq runaqa ñakasqayá kachun! nispanku. Hinaptinmi llapa runakunañataq ninqaku: ¡Amén! nispanku.

1~Timoteo 5:4

Sichum huk viudapa kanman wawan otaq willkanpas, hinaspaqa paykunayá puntata wasinpi kaqkunapaq allin ruwayta yachachunku, tayta-mamanmanyá uywasqanmanta kuyakuywan kutichichun. Chayna ruwayqa Diosninchikpa allin qawasqanmi kanqa.

1~Timoteo 5:8

Sichum pipas ayllunkunata hinaspa tukuymanta llalliqtaqa wasinpi yachaqkunata mana mantienespanqa iñisqantapas qepanchakurunñam, Diosman mana iñiq runakunamantapas aswanraqmi payqa rikurirun.

1~Pedro 2:9

Qamkunam ichaqa kankichik, Diospa akllasqan ayllukuna, Reyta serviq sacerdotekuna, Diospaq chuyanchasqan llaqta hinaspa Diospa rantisqan runankuna, chaynapi Diospa atiyninmanta willakunaykichikpaq, paymi tutayaymanta qayasurqankichik admirakuypaq achkiyninpi purinaykichikpaq.