Proverbios 30:10 - CHUYA QELLQA La Biblia en Quechua de Ayacucho 2012

¹⁰ Huk esclavotaqa amayá patronninpa qayllanpiqa acusaychu, yanqañataq ñakasuptiki castigasqa kawaq.

Quechua Ayacucho Bible 1987

¹⁰ Patronninpa qayllanpiqa amam rimankichu sirvientepa contranpiqa. Yanqañataqmi qamña castigasqa kawaq ñakasuptikiqa.

Chuya Qellqa 1992

¹⁰ Huk esclavotaqa amayá patronninpa qayllanpiqa acusaychu, yanqañataq ñakasuptiki castigasqa kawaq.

Proverbios 30:10 Iomraidhean Croise

Génesis 8:21

Chaymi Tayta Dios sacrificiopa miskillaña asnariyninta chaskiykuspan sonqonpi nirqa: Kunanmantaqa manañam runakunapa huchanmanta kay pachata ñakasaqñachu. Runaqa warma kasqanmantapas mana allinkunalla ruway munaqmi. Kayna puchukachisqayta hinaqa manañam huktawanqa lliw unanchasqaykunataqa puchukachisaqñachu.

Proverbios 11:26

Trigon kachkaptin mana rantikuy munaq runataqa llaqtamasinkunam ñakanqa, kusikuywan rantikuqtam ichaqa bendecinqa.

Proverbios 28:27

Wakchata yanapaykuq runaqa manam wakchayayta reqsinqachu, mana yanapaykuqmi ichaqa ancha ñakasqa kanqa.

Eclesiastés 7:21

Amayá lliw rimasqankutaqa kasuychu, chaynapim criadoykipa rimakususqaykitapas mana uyarinkichu.

Daniel 6:13

Chaymi paykuna nirqaku: Reynillayku, Judá nacionmanta presokunawan hamuq Danielqa manam manchakusunkichu, nitaqmi kamachisqayki decretotapas kasukunchu, aswanqa sapa punchawmi kimsa kutita Diosninta mañakun, nispanku.

Daniel 6:24

Chaymantam rey kamachikuptin, Daniel acusaq runakunata pusamurqaku, hinaspam warmintinta churintinta wischuykurqaku leonkunapa kasqan uchkuman, hinaptinmi manaraqpas pampaman chayaykuchkaptinku leonkuna pawaykuspa tisaparurqa, llapallan tullunkupas chamchakunankama.

Romanos 14:4

Hukpa sirvientenkunata juzganaykipaqqa, ¿pitaq qamqa kanki? Patronninchiki sirvientenkunataqa allin otaq mana allin kasqanmantapas juzganqa. Señormi sirvientenkunataqa atiyninwan allinman hurqonqa.

Deuteronomio 15:9

Yanqañataq sonqoykichikpi mana allinkunata tanteawaq-chik hinaspa “debekuqkunata pam-pachana qanchis kaq watam hich-pamuchkanña” nispaykichik castamasikichikmanta wakchakunata mana allin ñawikichikwan qawaspa imallawanpas mana yanapaykuwaqchikchu; chayna kaptinqa contraykichikpi Tayta Diosta mañakuptinmi chay ruwasqaykichikwan huchallikuwaqchik.

Deuteronomio 23:15

Patronninmanta ayqekamuspan amparakamusuqniki esclavotaqa amam patronninmanqa kutichinkichu.

1~Samuel 24:9

Saulta nirqa: Reynilláy, ¿imanasqataq uyarinki “Davidqa contraykipim kachkan” nispa yanqa rimaq runakunata?

1~Samuel 26:19

Reynilláy, kay serviqni-kipa mañakuyninta uyariykullaway. Sichum Tayta Dios ñoqapa contraypi hatarichisuspaykiqa ofrendayta chaskiykuwachun. Sichum runallamanta kaptinqa Tayta Diosyá ñakawachun. Diospa allpanmantam qarqoruwanku, chaynata ruwaspam idolokunata servinaypaqña tanqawachkanku.

1~Samuel 30:15

Chaymi David tapurqa: ¿Yaqachu pusaruwankiman chay suwakunapa kasqanman? nispa. Hinaptinmi chay runa nirqa: Diosrayku mana wañurachiwanaykipaq chaynataq patronniyman mana hapiykachiwanaykipaq juraykuwaptikiqa pusarusqaykim, nispa.