Proverbios 3:9 - CHUYA QELLQA La Biblia en Quechua de Ayacucho 2012

⁹ Tayta Diosta hatunchay tukuy ima kapuqnikikunawan, chaynallataq tarpusqaykipa punta rurunkunawanpas,

Quechua Ayacucho Bible 1987

⁹ Tayta Diosta alabay tukuy kapuqnikikunawan. Tayta Diosta alabay llapallan kawsaynikipa punta kaq rurunkunawan.

Chuya Qellqa 1992

⁹ Tayta Diosta hatunchay tukuy ima kapuqnikikunawan, chaynallataq tarpusqaykipa punta rurunkunawanpas,

Proverbios 3:9 Iomraidhean Croise

Génesis 28:22

Kay sayachisqay suytu rumim Diospa Wasin kanqa. Lliw qowasqaykimantapas diezmoytam qosqayki, nispa.

2~Crónicas 31:10

Hinaptinmi Sadocpa ayllunmanta kaq sumo sacerdote Azarías nirqa: Tayta Diospa templonman ofrendakuna apamusqanku punchawmantam achkanpi mikuniku, chaywanpas achkaraqmi puchurun. Llaqtanta Tayta Dios bendeciykuptinmi ofrenda apamusqankumanta achkallaña puchurun, nispa.

2~Crónicas 31:21

Tukuy imatam Diospa templonpi serviciopaq ruwarqa, chaykunataqa ruwarqa tukuy sonqomanta hinaspa Tayta Diospa kamachikuyninman chaynataq yachachikuyninman hinam, chayraykum tukuy ima ruwasqanpipas allin lloqsirqa.

Éxodo 22:29

Ama unaspam cosechaykikunapa chaynataq uvasnikikunapa punta kaq rurunta apamuwanki. Piwi churikitapas qowankipunim.

Éxodo 23:16

Cosecha qallariy fiestatapas chaynataq cosecha tukuy fiestatapas ruwankim, chaytaqa sapa watam cosecha tukuyta ruwanki.

Éxodo 23:19

Chakrapi tarpusqaykipa punta kaq allinnin ruruntam ñoqa Tayta Diospa wasiyman apamunki. Uña cabrachataqa amam mamanpa lechenpiqa yanunkichu.

Éxodo 34:26

Allpaykichikpi wiñaqmanta punta cosechasqaykichiktaqa allin kaqnintam ñoqa Tayta Diospa wasiyman apamuwankichik. Amam uña cabrachataqa mamanpa lechenpiqa yanunkichu.

Proverbios 11:25

Kuyakuywan qokuykuq runaqa tukuy imayuqmi kanqa, runamasinman mikuykachiq runaqa saksachisqam kanqa.

Proverbios 14:31

Wakchata ñakarichiq runaqa unanchaqninpa contranpim hatarichkan, wakchata llakipayaq runam ichaqa unanchaqninta hatunchan.

Isaías 43:23

Lliw kañanapaq ovejakunataqa manam apamuwarqankichu, animalkunatapas yupaychawanaykipaqqa manam sacrificarqankichu, kawsaykunamanta ofrendatapas aminaykikamaqa manam mañapayarqaykichu, inciensotapas pisipanaykikamaqa manam mañakurqaykichu.

Levítico 19:25

Pichqa kaq watanpiñam chay sachapa rurunkunataqa mikunkichik. Chaynapim chay sachaykichik astawan rurupusunkichik. Ñoqa Tayta Diosmi Diosnikichik kani.

Números 15:20

Punta trigo trillasqaykichikmantawan puntata masa chapusqaykichikmanta tantatam ñoqaman ofrecewankichik.

Mateo 25:17

Chaynataqmi iskay wayqa chaskiqpas iskay wayqatawan mirarachirqa.

1~Corintios 16:2

Sapakamayá ganasqaykichikman hina sapa domingo ofrendaykichikta huñuychik, chaynapi chayamuptiyraq ama huñuchkanaykichikpaq.

Deuteronomio 14:29

Chaynapim llaqtaykichikpi yachaq mana allpayuq levitakuna saksanankukama mikunqaku, mikunqakutaqmi qamkunawan yachaq huklaw llaqtayuqkunapas, mana tayta-mamayuqkunapas chaynataq viudakunapas. Hinaptinqa Señornikichik Tayta Diosmi tukuy ruwasqaykichikpi bendecisunkichik.