Proverbios 3:7 - CHUYA QELLQA La Biblia en Quechua de Ayacucho 2012

⁷ Amayá yachayniyuqpaqqa hapikuruychu, aswanqa Tayta Diosta kasukuspa mana allinmanta suchurikuy,

Quechua Ayacucho Bible 1987

⁷ Amayá ancha yuyayniyoq kasqaykipaqchu hapikuy. Tayta Diosta respetaspaykiyá mana allinmanta asurikuy.

Chuya Qellqa 1992

⁷ Amayá yachayniyuqpaqqa hapikuruychu, aswanqa Tayta Diosta kasukuspa mana allinmanta suchurikuy,

Proverbios 3:7 Iomraidhean Croise

2~Samuel 12:20

Chaymi Davidqa pampamanta hatarispan bañakurqa, aceitewan llusikuspanmi pachantapas mudakurqa, hinaspam Tayta Diospa carpanman yaykuspa yupaycharqa. Chaymantam wasinman kutiramuspan mikuyta mañakuspan mikurqa.

Nehemías 5:15

Ñoqamanta punta kaq gobernadorkunam ichaqa, mana allin kamachikuqkuna kaspanku, mikunankupaqwan vino tomanankupaq sapa punchaw yaqa parte kilo qollqeta cobrarqaku; paykunapa yanapaqninkunapas llaqtatam ñakarichirqaku. Ñoqam ichaqa Diosta manchakusqayrayku mana chaynatachu ruwarqani.

Jobwan Sutichasqa Libro 1:1

Uz nacionpim Job sutiyuq runa yacharqa. Payqa karqa mana huchayuqmi, allin kaqkuna ruwaqmi, Tayta Diosta manchakuqmi, mana allin ruwaykunamanta sapaqchakuqmi.

Jobwan Sutichasqa Libro 28:28

Hinaspam runata nirqa: “Yachayqa Diosta manchakuymi, yachayqa mana allinmanta rakikuymi”, nispa.

Éxodo 20:20

Chaymi Moisés nirqa: Ama manchakuychikchu. Diosqa pruebasunaykichikpaqmi hamurqa, chaynapi payta respetaspaykichik mana huchallikunaykichikpaq, nispa.

Proverbios 14:16

Yachayniyuq runaqa manchakuspam mana allinmanta ayqekun, mana yachayniyuq runam ichaqa hatun tukuspa kikillanpi hapipakun.

Proverbios 14:27

Tayta Diosta manchakuyqa kawsakuypa qallariyninmi, wañuymantam runata lluptichin.

Proverbios 16:6

Kuyakuywan hinaspa cheqap kaqwanmi huchataqa pampachana, runaqa Tayta Diosta kasukuspallam mana allinmanta sapaqchakunqa.

Proverbios 23:4

Ama apuyayllata maskaychu, aswanqa chaypi yuyarayayta saqey.

Proverbios 26:12

Yachayniyuqpaq hapikuruq runamantaqa mana yachayniyuqmi aswan allinqa.

Proverbios 26:5

Mana yachayniyuqtaqa mana yachayniyuqta hina kutipay, chaynapi yachayniyuqpaq mana hapikurunanpaq.

Proverbios 28:11

Apuqa yachayniyuqpaqmi hapikun, wakcham ichaqa yachayninwan chaylla musyarunqa.

Proverbios 28:26

Kikillanpi hapipakuq runaqa mana yachayniyuq runam, yachaywan kawsakuqmi ichaqa librasqa kanqa.

Proverbios 8:13

Tayta Diosta kasukuyqa mana allin ruwayta cheqniymi. Ñoqaqa hatun tukuq runatawan hatunchakuytaqa cheqninim, mana allin kawsaytawan llullalla rimaytaqa cheqninim.

Eclesiastés 12:13

Kay uyarisqayki yachachikuykunapa tukupayninqa kaymi: Diosta manchakuspa kamachikuyninkunata kasukuy, chayllam runapa ruwayninqa.

Isaías 5:21

¡Ay, imaynaraq kanqaku yachaysapa tukuqkuna chaynataq kikillankumanta yuyaysapa tukuqkuna!

Romanos 11:25

Wawqe-panillaykuna, munachkanim Diospa pakasqan kaqkuna yachanaykichikta, chaynapi kikikichikmanta mana hatun tukuq kanaykichikpaq. Wakin judiokunam sonqonkuta rumiyarachinku, chaynaqa kanqaku mana judío kaqkuna iñikuspa salvakuy tukunankukamam.

Romanos 12:16

Huk sonqolla kawsaychik, ama hatunchakuspa aswanqa humillakuspa kawsakuychik, amataq llumpay yachayniyuqpaqpas hapikuychikchu.