Proverbios 3:3 - CHUYA QELLQA La Biblia en Quechua de Ayacucho 2012

³ Kuyapayakuytawan cheqap kaqtaqa amayá haykapipas saqeruychu, collarta hinayá wallqakuruy, tablapi hinayá sonqoykipi qellqaruy,

Quechua Ayacucho Bible 1987

³ Ama qonqaspamá kuyapayakuq kanki. Ama qonqaspamá cheqapllata rimanki. Chaykunataqa kunkaykimanyá collarta hina wallqakuruy. Chaykunataqa tablapi qellqachkaq hinayá sonqoykipi qellqaruy.

Chuya Qellqa 1992

³ Kuyapayakuytawan cheqap kaqtaqa amayá haykapipas saqeruychu, collarta hinayá wallqakuruy, tablapi hinayá sonqoykipi qellqaruy,

Proverbios 3:3 Iomraidhean Croise

2~Samuel 15:20

Qayna punchawllaraq chayamuq kachkaptikichu, ¿ñoqaykuwan hakuchik nisqayki? Ñoqaqa manam mayman rinaytapas yachakunichu, waw-qekikunawan kuska kutikuychik, Tayta Diosyá cheqaptapuni bendecisunki, nispa.

Éxodo 13:9

Kayqa kanqa ama qonqanaykichikpaqmi, makikichikpi hinaspa urkuykichikpi marca hinam kanqa, Tayta Diospa yachachikuynin simillaykichikpi kananpaq. Tayta Diosqa hatun atiyninwanmi Egipto nacionmanta hurqomusurqankichik.

Éxodo 34:6

Moisespa ñawpaqninta pasaspanmi Tayta Dios nirqa: “¡Ñoqaqa Tayta Diosmi kani, llakipayakuq, kuyapayakuq Diosmi kani, ñoqaqa llampu sonqom kani, mana chaylla piñakuruqmi kani, cheqap kuyapayakuqmi kani!

Proverbios 1:9

Chay nisusqaykikunaqa umaykipaq kuyayllapaq corona hinam kanqa, kunkaykipaqpas kuyayllapaq collar hinam kanqa.

Proverbios 14:22

Mana allin ruwayta maskaqkunaqa hatun pantaypim tarikuchkanku; allin ruwayta maskaqkunam ichaqa Diospa kuyakuyninta chaskinqaku.

Proverbios 16:6

Kuyakuywan hinaspa cheqap kaqwanmi huchataqa pampachana, runaqa Tayta Diosta kasukuspallam mana allinmanta sapaqchakunqa.

Proverbios 20:28

Reytaqa waqaychan cheqap kaywan kuyapayakuymi, llakipayakuyñataqmi trononta takyachin.

Proverbios 6:21

Sonqoykipi waqaychay, collarta hina kunkaykiman wallqakuy.

Proverbios 7:3

Dedoykikunaman watakuy, tablapi qellqachkaq hina sonqoykipi qellqakuy.

Jeremías 17:1

Judá runakunapa huchankunaqa fierromanta cincelwan qellqasqam kachkan, diamantemanta puntawan qellqasqa kachkan, sonqonkupa tablanpim qellqasqa kachkan, altarninkupa esquinankunapim qellqasqam kachkan.

Oseas 4:1

Israelpa mirayninkuna, Tayta Diospa nisqanta uyariychik. Tayta Diosmi kay pachapi runakunapaq piñakun, cheqap kaqpas, llakipayakuypas, Diosta manchakuypas kay pachapiqa manañam kanñachu.

Malaquías 2:6

Paykunaqa cheqap kaqtam yachachirqaku, siminkupiqa manam llullakuypas karqachu. Allinta ñoqawan kawsakuspankum achkaqta huchamantapas karuncharqaku.

Mateo 23:23

¡Iskay uya fariseokuna hinaspa Diospa leynin yachachiqkuna, imaynaraq kankichik! Qamkunam hierbabuenamanta, anismanta hinaspa cominomanta diezmoykichikta qonkichik; allin ruwayta, kuyapayakuyta hinaspa iñiyniyuq kaytam ichaqa qonqarunkichik. Kay hatun kamachikuykunatam kasukunaykichik, diezmo qoytapas ama qonqaspa.

2~Corintios 3:3

Qamkunaqa kankichik Cristopa cartasqan hinam, ñoqaykuñataqmi chay carta apaqkuna kaniku. Chay cartaqa manam tintawan qellqasqachu, aswanqa kawsaq Diospa Espiritunwanmi, qellqasqaqa kachkan manam rumi labrasqapichu aswanqa runapa sonqonpim.

Efesios 5:9

Achkiypi kawsayqa sumaq sonqoyuq kaymi, allin kaqkuna ruwaymi, cheqapman hina kawsakuymi.

Deuteronomio 6:8

Kay kamachikuykunataqa señalta hinam brazoykipi chaynataq urkuykipipas watakunki.

Hebreos 10:16

Chay punchawkuna pasaruptinmi paykunawan pacto ruwasqayqa kayna kanqa: Yachachikuyniytam sonqonkupi churasaq, qellqasaqtaqmi yuyayninkupipas. Señormi chaynata nin.