Proverbios 29:4 - CHUYA QELLQA La Biblia en Quechua de Ayacucho 2012

⁴ Allinta munaychakuq reyqa llaqtatam takyachin, impuestollata mañakuqmi ichaqa llaqtata chinkachin.

Quechua Ayacucho Bible 1987

⁴ Allin arreglota ruraspanmi reyqa nacionninta takyachin. Yanqamanta regalo chaskiq reyqa nacionnintam wichirachin.

Chuya Qellqa 1992

⁴ Allinta munaychakuq reyqa llaqtatam takyachin, impuestollata mañakuqmi ichaqa llaqtata chinkachin.

Proverbios 29:4 Iomraidhean Croise

2~Samuel 8:15

Israel nacionta David kamachikuspanmi llapallan runankunapaq mana pimanpas sayapakuspa allin arreglota ruwarqa.

1~Reyes 2:12

Taytan David wañuruptinmi Salomonña munaychakurqa, paypa munaychakuyninqa allintam takyarqa.

2~Crónicas 9:8

¡Yupaychasqayki Tayta Diosyá hatunchasqa kachun! Paymi allinpaq qawaykususpayki rey kanaykipaq trononpi churaykusurqanki; Diosqa Israel nacionta kuyaspan wiñaypaq takyachinanraykum paykunapa reynin kanaykipaq churaykusurqanki, chaynapi derechonpi allinta nanachikunaykipaq, nispa.

Jobwan Sutichasqa Libro 11:6

Diosqa pakasqa kaqkunatawan yuyayninchikpa mana haypanan kaqkunatam yachachisunkiman. Chaynapim yachawaq Diospa castigasqan kasqaykita, huchaykiman hina mana castigasqa kasqaykita.

Proverbios 14:34

Allin kaqkunata ruwayqa nacionkunatam hatunchan, hucham ichaqa llaqtakunata penqayman churan.

Proverbios 16:10

Reyqa Diospa rantinpim riman, imata juzgaspapas manam pantanchu.

Proverbios 16:12

Reykunaqa millakunkum mana allin ruwaykunataqa, paykunapa munaychakuyninqa sapinchakun allin ruwaypim.

Proverbios 20:8

Juzganan trononpi rey tiyaykuspanqa qawariyllanwanraqmi ima mana allintapas tarirun.

Proverbios 29:14

Wakchakunata cheqap kaqwan kamachikuq reypa trononqa wiñaypaqmi takyanqa.

Proverbios 8:15

Ñoqa yanapaptiymi reykunapas munaychakunku, ñoqaraykum kamachikuqkunapas justiciata ruwanku.

Isaías 49:8

Tayta Diosmi kaynata nin: Allin punchawkuna kachkaptillanraqmi uyariykuyki, salvanay punchawpim yanapaykuyki. Waqaychaspaymi llaqtakunawan qamnintakama pactota ruwanaypaq churasqayki, chaynapi tuñisqa llaqtakunata hatarichinaykipaq, purmachisqa allpakunata hapispa rakinaykipaq,

Isaías 9:7

Rey Davidpa trononmantam kamachikunqa, munaychakuyninpa atiyninmi tukuy hinastinman chayanqa, munaychakuyninpiqa hawkayaypas manam tukunqachu, munaychakuyninqa wiña-wiñaypaqmi takyanqa. Mana pimanpas sayapakuspam kamachikunqa, allin arreglokunawanmi munaychakunqa, kunanmanta wiña-wiñaykama. Tukuy Atiyniyuq Tayta Diospa kuyakuyninmi chaytaqa ruwanqa.

Daniel 11:20

Paypa rantinpi hatariq reyñataqmi munaychakuyninpi allinta takyananpaq impuesto cobraqta kachanqa, ichaqa manapas unaymantam wañurachinqaku, payqa manam guerrapichu nitaqmi piñanakuypichu wañunqa.

Miqueas 7:3

Mana allin ruwaymanmi amañarunku, kamachikuqkunapas pagotam mañakunku, juezkunapas sobornotam chaskikunku, atiyniyuqkuna munasqanta rimaptinkum “allinmi” nispa sayapakunku.

1~Samuel 13:13

Hinaptinmi Samuel nirqa: ¡Loco hinam kaytaqa ruwarunki! Sichum Tayta Diospa kamachisusqaykita kasukuwaq karqa, hinaptinqa paymi cheqaptapuni Israel nacionpi rey kaynikitapas miraynikikunakama wiñaypaq takyachinman karqa.