Proverbios 29:25 - CHUYA QELLQA La Biblia en Quechua de Ayacucho 2012

²⁵ Runapa manchakuyninqa trampa hina wichichiqninmi, Diospi hapipakuq runam ichaqa hawka kawsakunqa.

Quechua Ayacucho Bible 1987

²⁵ Kikinpaq toqlla churachkaq hinam runamasin manchakuq runaqa. Tayta Diospi confiakuqñataqmi paypa amparasqan kanqa.

Chuya Qellqa 1992

²⁵ Runapa manchakuyninqa trampa hina wichichiqninmi, Diospi hapipakuq runam ichaqa hawka kawsakunqa.

Proverbios 29:25 Iomraidhean Croise

Génesis 20:11

Hinaptinmi Abraham nirqa: Arí kaytam piensarqani: “Kaypiqa manam Diosta manchakunkuchu, hinaspachá warmiyrayku wañurachiwanqaku” nispay.

Génesis 20:2

Chaypi yachachkaspanmi warmin Saramanta Abraham nirqa: “Paniymi” nispan. Hinaptinmi Gerar llaqtapa reynin Abimelec casarakunanpaq Sarata pusachimurqa.

Génesis 26:7

Chaymi warmin Rebecamanta chay llaqtapi yachaqkuna tapuptinku Isaac nirqa: “Paniymi” nispa, “warmiymi” niyta manchakuspan. Buenamoza kasqanraykum piensarqa: “Warmiywan qepakunankuraykum wañurachiwanqaku”, nispa.

1~Reyes 19:3

Chaymi Eliasqa llumpayta mancharikuspan wañurachinankumanta Judá lawpi Beerseba llaqtaman ayqekurqa, chay llaqtapim criadonta saqerurqa.

1~Crónicas 5:20

Paykunam peleachkaspanku Diosta mañakurqaku, chaymi Diosman hapipakusqankurayku yanapaptin, Agarta yanapaqninkunatawan kuskata vencerurqaku.

Proverbios 16:20

Rimapayasqa uyarikuq runaqa allinmi kanqa, Tayta Diosman hapipakuq runaqa mayna kusisqam kanqa.

Proverbios 18:10

Tayta Diospa sutinqa mana tuñichiy atina torre hinam, allin runaqa chayman kallpaspam amparakun.

Proverbios 28:25

Apuyaruyllata maskaq runaqa peleollatam hatarichin, Tayta Diosman hapipakuqmi ichaqa allin kawsakunqa.

Proverbios 30:5

Diospa Chuya siminkunaqa cheqapmi; Diosman hapipakuqkunataqa paymi waqaychan.

Eclesiastés 7:18

Allin kaqta hapiynikiqa allinmi mana allin kaqta mana kachariynikipas allinmi. Diosta manchakuq runam ichaqa imapipas allin lloqsinqa.

Isaías 57:11

¿Pita manchakuspaykitaq ñoqapi manaña iñispa karunchakurunki? ¿Unayña mana rimarisqayraykuchu manaña kaqpaqpas hapiwanki?

Daniel 3:28

Hinaptinmi rey Nabucodonosor chaylla nirqa: Sadracpa, Mesacpa, Abed-negopa Diosnin hatunchasqa kachun. Paymi angelninta kachamurqa hapipakuqnin serviqninkunata libraykunanpaq. Arí, paykunaqa Diosnillankuta hatunchayta munaspankum ñoqapa kamachikusqaytapas mana kasukurqakuchu, wañuytapas mana manchakuspankum huk dioskunataqa mana yupaycharqakuchu.

Daniel 6:23

Chaymi reyqa anchallataña kusikuspan kamachikurqa, Danielta leonkunapa uchkunmanta hurqomunankupaq. Hur-qoruspa qawaptinkum mana ima heridallanpas kasqachu, Diosninpi hapipakusqanrayku.

Mateo 10:28

Cuerpo wañuchiqkunataqa amayá manchakuychikchu, manam almataqa wañuchiyta atinmankuchu, manchakuychikqa almantinta, cuerpontinta infiernopi wiñaypaq chinkachiqtayá.

Mateo 15:12

Chaymi discipulonkuna Jesusman asuykuspa nirqaku: ¿Yachankichum nisqaykiwan fariseokuna piñakurusqanta? nispanku.

Lucas 12:4

Kuyasqallaykuna, amayá cuerpo wañuchiqtaqa manchakuychikchu, almataqa manam imanaytapas atinqachu.

Juan 3:2

Paymi tutallan hamuspan Jesusta nirqa: Yachachikuq, yachanikum yachachiwanaykikupaq Dios kachamususqaykita, milagrokunataqa manam pipas qam hinaqa ruwayta atinmanchu, sichum mana paywan Dios kaptinqa, nispa.

Juan 9:22

Tayta-mamanqa chaynata nirqaku judiokunata manchakuspankum. Llapa judiokunam tanteanakururqaku, sichum pipas “Jesusqa Cristom” niqtaqa sinagogamanta wischurunankupaq.

Deuteronomio 1:17

Juzgaspaqa amam pimanpas sayapakunkichikchu. Ama manchakuspam wakchatapas aputapas, atiyniyuqta mana atiyniyuqtapas uyarinkichik. Allin arregloqa Tayta Diosmantam hamun. Mana arreglay atisqaykichikkunatam ichaqa arreglanaypaq ñoqaman apamuwankichik, nispa.

1~Pedro 1:21

Señorninchik Jesucristontakamam Diospiqa iñinkichik, paymi wañuqkuna ukumanta Cristota kawsarichimuspan hatuncharqa, chaynataqa ruwarqa iñiynikichik hinaspa imapas suyasqaykichik Diosllapiña kanapaqmi.

Jueces 16:11

Hinaptinmi Sansón nirqa: Sichum musoq waskakunawan teqoy-teqoyta chaqnaruwaptinkuqa kallpay pisiruptinmi wakin runakuna hinallaña rikurirusaq, nispa.

1~Samuel 15:24

Chaymi Saúl nirqa: Arí, huchallikurunim, Diospa kama-chiwasqantapas nitaq qampa niwasqaykikunatapas manam kasukurqanichu, runakunata manchakuspaymi paykunapa mañakusqanta kasurqani.

1~Samuel 21:13

Chaymi paykunapa qayllanpi loco tukuruspan llutanpiña rimakurqa, hinaspam punkukunapi qellqayta qallaykurqa lawtanpas barban urayta suturisqa.

1~Samuel 27:1

Davidmi yuyaymanayninpi nirqa: Hukkaqnin punchawtachá Saulqa wañurachiwanqa, chaynaqa filisteokunapa nacionninman ayqekusaq, chaypi kaptiyqa Saulqa manañam maskawanqañachu nitaq Israel runakunapa allpanpipas. Chaynatam paypa makinmanta lluptikusaq, nispa.

1~Samuel 27:11

Qaritapas warmitapas wañuchispanmi Davidqa mana pitapas kawsaqtaqa puchuqchu, chaynapi Gat llaqtaman hamuspa, paypa imam ruwasqanmanta mana willakunankupaq. Chaynatam ruwarqa Filistea allpapi yachasqan tiempopi.