Proverbios 29:2 - CHUYA QELLQA La Biblia en Quechua de Ayacucho 2012

² Allin ruwaq runakuna munaychakuptinqa llaqtam kusikun, millay runa munaychakuptinmi ichaqa llaqta ñakarin.

Quechua Ayacucho Bible 1987

² Allin ruraq runakuna miraptinqa runakunam kusikunku. Mana allin ruraqkuna munaychakuptinqa runakunam ñakarispa waqanku.

Chuya Qellqa 1992

² Allin ruwaq runakuna munaychakuptinqa llaqtam kusikun, millay runa munaychakuptinmi ichaqa llaqta ñakarin.

Proverbios 29:2 Iomraidhean Croise

Ester 3:15

Reypa kamachikusqanman hinam chay cartakuna utqayman apasqa karqa, Susa llaqtapipas willachisqa kaptinmi llapa runakuna hatun chaqwapi tarikurqaku. Amanñataqmi reywan kuska tiyaykuspa upyakurqaku.

Ester 8:15

Mardoqueoñataqmi reypa qayllanmanta lloqsirqa reypa yuraqniyuq azul pachanwan pachasqa, umanpipas qorimanta hatun coronayuq hinaspa linomanta morado capayuq; chaymi Susa llaqtapi yachaqkuna kusikuymanta qaparirqaku.

Jobwan Sutichasqa Libro 34:30

chaynapi mana allin runa munaychakuspa llaqtata mana engañananpaq.

Proverbios 11:10

Allin ruwaq runakuna apuyaptinqa llaqtam kusikun, mana allin runakuna wañuruptinñataqmi kusikuymanta pawaykachanku.

Proverbios 28:12

Allin kawsakuq runakuna venceptinkuqa hatun fiestatam ruwanku, mana allin runakuna venceptinkum ichaqa runakunapas pakakunku.

Proverbios 28:15

Wakcha llaqtapi mana allin runa kamachikuspanqa qapariq leonman otaq yarqasqa ukumarimanmi rikchakun.

Proverbios 28:28

Millay runakuna hatariptinqa runakunam pakakunku, wañuruptinkum ichaqa allin ruwaq runakuna miranku.

Eclesiastés 10:5

Kay pachapim mana allinta rikurqani, chay mana allinqa kamachikuqkunamantam hamun:

Eclesiastés 10:6

Mana yachayniyuq runakunataraqmi hatun llamkaykunaman churanku, yachayniyuq runakunatañataqmi taksan llamkaykunaman churanku.

Eclesiastés 4:1

Kay pachata qawarispaymi rikchaqmana ñakarichinakuyta rikurqani: Ñakarichisqakunam waqanku, ichaqa manam pipas consuelaqninku kanchu; atiyniyuqkunam ñakarichinku, manam pipas consuelaqninku kanchu.

Mateo 2:16

Herodesmi chay yachayniyuqkunapa engañarusqanwan llumpayta piñakururqa, hinaspam kamachikurqa Belén llaqtapi chaynataq muyuriqnin llaqtakunapi kaq qari wawakuna, iskay watayuqmanta urayman wañuchisqa kananpaq. Chaytaqa ruwarqa yachayniyuqkunapa willakusqan tiempopa nisqanman hinam.

Mateo 2:3

Chayta yacharuspankum rey Herodeswan Jerusalenpi yachaqkuna llumpayta hukmanyarurqaku.

Apocalipsis 11:15

Trompetanta qanchis kaq ángel tocaykuptinmi hanaq pachamanta hatunmanta qapariy uyarikamurqa: “Kay pachapi munaychakuymi Cristopaña rikurirun, payñam wiña-wiñaypaq munaychakunqa”, niq.