Proverbios 28:17 - CHUYA QELLQA La Biblia en Quechua de Ayacucho 2012

¹⁷ Runamasinta wañurachiq runaqa mana pipa harkasqanmi wañuyman chayanankama ayqenqa.

Quechua Ayacucho Bible 1987

¹⁷ Runamasin wañuchiqpa conciencianpa acusasqanqa kawsanan punchawkamam pakan-pakan kanqa. Amayá pipas sayapakuchunchu chay runamanqa.

Chuya Qellqa 1992

¹⁷ Runamasinta wañurachiq runaqa mana pipa harkasqanmi wañuyman chayanankama ayqenqa.

Proverbios 28:17 Iomraidhean Croise

Génesis 4:12

Chakrata llamkaptikipas manam rurupusunkichu. Mana imayuqmi kay pachapi pakan-pakanlla purinki, nispa.

Génesis 9:6

Pipas runamasin wañuchiqtaqa paytapas runamasintaqmi wañuchinqa, runaqa Diosman rikchakuq ruwasqa kasqanrayku.

2~Samuel 13:34

Absalonñataqmi ayqekurqa. Llaqta waqaychaq runa qawarispanmi rikururqa Horonaim llaqtaman riq ñanninta achkallaña runakuna uraykamuchkaqta, chaymi reypa kasqanman rispan nirqa: Orqopa waqtantam achkallaña runakuna uraykamuchkan, nispa.

2~Samuel 18:15

Joabpa arman apaq chunka jovenkunapas Absalonpa muyuriqninpi churakuykuspankum wañupaykachirqaku.

1~Reyes 2:29

Rey Salomonmanmi willaykurqaku Tayta Diospa carpanman Joab lluptiruspan altarpa waqtanpi kasqanta, hinaptinmi Joiadapa churin Benaiata kacharqa Joabta wañuchimunanpaq.

1~Reyes 21:19

Hinaspam ninki, Tayta Diosmi kaynata nin: ¿Nabotta wañurachichkaspapas huertantawanraqchu hapikuykunki? Maypim Nabotpa yawarninta allqokuna llaqwasqanpim qampa yawarnikitapas allqokuna llaqwanqa, nispa.

1~Reyes 21:23

Jezabelmantapas Tayta Diosqa kaynatam nin: “Jezreel llaqtapa murallanpa waqtanpim Jezabelta allqokuna mikunqa.

2~Reyes 9:26

“Qayna punchawmi Nabotpa chaynataq churinkunapa yawarninta rikurqani, chaymi ñoqa Tayta Dios kaynata niki: Kay ruwasqaykimantaqa hina kay chakrapim vengakusqayki”, nispa. Chaynaqa, Tayta Diospa nisqanman hinayá Nabotpa chakranman wikapaykamuy, nispa.

Éxodo 21:14

Pipas runamasinta wañuchiyta munaspan qonqaymanta wañurachiptinmi ichaqa, altarniypiña pakakuptinpas hurqospa wañuchinkichik.

Proverbios 6:17

Hatun tukuyta, llullakuyta, mana huchayuq runa wañuchiyta,

Jeremías 41:15

Netaniaspa churin Ismaelñataqmi pusaq runankunapiwan lluptispanku, Amón allpanman ripukurqaku.

Hechos 28:4

Chay islapi yachaqkunañataqmi Pablopa makinpi maqta uru warkurayaqta rikuspanku ninakurqaku: Kay runaqa cheqaptapas runa wañu-chiqchusmi kanman, chaychusmi lamar qochamanta librakuruptinpas justicia ruwaq mamacha mana kawsananta munanchu, nispanku.

Deuteronomio 19:11

Sichum pipas runamasinta cheqnisqanrayku qatispan traicionmanta wañurachispan amparakuna hukkaqnin llaqtaman ayqeptinqa,