Proverbios 28:14 - CHUYA QELLQA La Biblia en Quechua de Ayacucho 2012

¹⁴ Mayna kusisqam kanqa Diosta tukuy tiempo kasukuq runaqa, mana kasukuq runam ichaqa sasachakuyman wichiykunqa.

Quechua Ayacucho Bible 1987

¹⁴ Mayna kusisqam tukuy tiempopi Tayta Dios respetaq runaqa. Sonqon rumiyachiq runam ichaqa desgraciapi rikurinqa.

Chuya Qellqa 1992

¹⁴ Mayna kusisqam kanqa Diosta tukuy tiempo kasukuq runaqa, mana kasukuq runam ichaqa sasachakuyman wichiykunqa.

Proverbios 28:14 Iomraidhean Croise

Jobwan Sutichasqa Libro 9:4

Diosqa llumpay atiyniyuqmi, payqa ancha yachayniyuqmi ¿Pitaq paywan kutipanakuspan allin lloqsirunman?

Éxodo 14:23

Egipto runakunapas paykunapa qepantam qatiykurqaku. Faraonpa llapallan caballonkuna, carretankuna hinaspa caballopi riqkunam lamar qochapa chawpinkama yaykururqaku.

Éxodo 7:22

Egipto nacionniyuq layqakunapas layqayninkuwan chaynata ruwaptinkum Faraonpa sonqon rumiyarurqa, chaymi Tayta Diospa nisqanpi hina Moisestawan Aaronta mana kasurqachu.

Éxodo 7:23

Chaymantam palacionman Faraón kutikurqa, paytaqa chaykunamantaqa manam imapas qokurqachu.

Proverbios 23:17

Huchallikuq runataqa amayá envidiakuychu, aswanyá Tayta Diosta tukuy tiempo kasukuy;

Proverbios 29:1

Huk runa qaqchasqa kachkaspan mana kasukuspanqa, mana pipa ama nisqanmi qonqaymanta chinkachisqa kanqa.

Eclesiastés 8:12

Kanmi runakuna pachak kutikamaña mana allinta ruwachkaspapas unayta kawsaqkuna, yachanitaqmi Diosta manchakuqkunapas allin kawsakusqankuta.

Isaías 66:2

Tukuy imapas ñoqapa ruwasqallaymi, chaymi tukuy imapas rikurirqa. Ñoqa Tayta Diosmi chaynata nini. Ñoqaqa nanachikuni humillakuspa wanakuq runakunatam, yachachikuyniy kasukuq runakunatam.

Jeremías 32:40

Paykunawanmi wiñaypaq pactota ruwasaq, hinaspaymi prometekusaq tukuy tiempo allinllata ruwanaypaq. Sonqonkumanmi manchakuyta churasaq, ñoqamanta mana haykapipas rakikuwanankupaq.

Romanos 11:20

Arí, mana iñisqankuraykum kuchusqa karqaku, qamñataqmi ichaqa iñisqaykirayku paypa rantinpi allinta sayachkanki. Chaynaqa, Diospa qayllanpiqa ama hatun tukuychikchu aswanqa manchakuqyá kaychik.

Romanos 2:4

¿Icha Diospa hatu-hatun kuyakuynintawan pacienciantachu wischupakunki? ¿Manachu yachanki paypa kuyakuyninqa wanakuyman pusasusqaykita?

Romanos 2:5

Ichaqa rumi sonqo kaspayki hinaspa mana wanakuyta munaspaykim, juicio punchawpi castigasqa kanaykipaq Diospa piñakuyninta kikillayki huñukuchkanki. Chay punchawpim cheqap kaqman hina juzgasqanta Dios qawaykachikunqa.

Hebreos 4:1

Diospa qosqan samakuyman yay-kunanchikpaq promesan kachkaptinqa cuidakusunyá, yanqañataq huk-kaqnikichik mana yaykuwaqchikchu.

1~Pedro 1:17

Sichum “Taytáy” ninkichik pimanpas mana sayapakuspa runakunapa ruwayninman hina juzgaq Diosta, hinaspaqa tukuy tiempo kasukuspayá huklaw llaqtayuq hina kawsaychik.