Proverbios 27:3 - CHUYA QELLQA La Biblia en Quechua de Ayacucho 2012

³ Rumipapas aqopapas llasayninmantaqa mana yachayniyuq runapa piñakuyninmi aswan llasaqqa.

Quechua Ayacucho Bible 1987

³ Rumipas llasaqmi. Aqopas llasaqtaqmi. Mana tanteoyoqpa piñakuyninqa aswan llasaqmi.

Chuya Qellqa 1992

³ Rumipapas aqopapas llasayninmantaqa mana yachayniyuq runapa piñakuyninmi aswan llasaqqa.

Proverbios 27:3 Iomraidhean Croise

Génesis 49:7

Piñakuyninkupas ñakasqa kachun, mana llakipayakuq kayninkupas ñakasqa kachun, Jacobpa mirayninkuna ukupim mirayninkunata rakinasaq. Israel nacionpim mirayninkunata cheqechisaq.

Jobwan Sutichasqa Libro 5:2

Cheqaptapunipas mana yachayniyuqtaqa piñakuyninmi wañuchin, hukpa kapuqninta munapayaq runataqa envidiakuyllanmi wañuchin.

Proverbios 12:16

Mana yuyayniyuq runaqa piñakuynintam chaylla qawachikun, yachayniyuq runam ichaqa kamiqnintapas pampachaykun.

Proverbios 17:12

Wawankunata suwarachikuq ukumariwan tuparuymi aswan allinqa, tanteasqallanpi hapipakuq mana yachayniyuq runawan tuparuymantaqa.

Proverbios 27:2

Amayá kikillaykiqa alabakuychu, runamasikikuna alabasuynikim allinqa.

Proverbios 27:4

Piñakuyqa manchakuypaqmi, rabiakuyqa tuñichikunmi, ichaqa ¿pitaq envidiakuypa qayllanpi takyanman?

Daniel 3:19

Rey Nabucodonosormi uyanpas pukayanankama llumpa-llumpayta piñakururqa Sadracpa, Mesacpa hinaspa Abed-negopa contranpi, hinaspam kamachikurqa hornota imaynam caldeachinankumantapas qanchis kuti mastaraq caldeachinankupaq.

Números 22:27

Hinaptinmi chay asnoqa Tayta Diospa angelninta rikurusqanrayku pampaman laqakururqa. Chaymi Balaam piñakuruspan tawnanwan asnonta waqtaparurqa.

1~Juan 3:12

Amayá Caín hinachu kasun, payqa diablopa runanmi karqa, chaymi wawqenta wañurachirqa. ¿Imanasqataq wañurachirqa? Paypa ruwayninkuna mana allin kasqanraykum, Abelpa ruwayninkunañataqmi allin karqa.