Proverbios 27:23 - CHUYA QELLQA La Biblia en Quechua de Ayacucho 2012

²³ Ovejaykikunata sumaq reqsiypi kallpanchakuy, ovejaykikunata sumaqta nanachikuy,

Quechua Ayacucho Bible 1987

²³ Qawariy ovejaykikunapa imaynam kasqanmanta. Nanachikuytaq chaykunapa imaynam kasqanmanta.

Chuya Qellqa 1992

²³ Ovejaykikunata sumaq reqsiypi kallpanchakuy, ovejaykikunata sumaqta nanachikuy,

Proverbios 27:23 Iomraidhean Croise

Génesis 33:13

Chaymi Jacob nirqa: Wawqelláy, qawasqaykipi hinapas churiykunam wawakunallaraq, chaynataqmi cabraykunapas, ovejaykunapas, vacaykunapas llullu uñayuqkamallaraq, pisiparuspankuchá huk punchawllapi llapallan wañurunmanku.

2~Crónicas 26:10

Chunniqpipas torrekunatam ruwachirqa, pozokunatapas achkatam uchkuchirqa; chaykunataqa ruwachirqa achka animalniyuq kasqanraykum, chay animalninkunam tarikurqa orqokunapi hinaspa pampakunapi. Kapurqataqmi uvas chakrankunapi, huertankunapi hinaspa wakin chakrankunapi llamkaq runankunapas, paytaqa chakrapi llamkaymi gustarqa.

Éxodo 7:23

Chaymantam palacionman Faraón kutikurqa, paytaqa chaykunamantaqa manam imapas qokurqachu.

Proverbios 24:27

Hawapi ruwanaykikunataraq ruwamuy, chakra llamkanaykitaraq llamkamuy, chaymantaña wasikitaqa ruway.

Proverbios 24:32

Chayta qawaspaymi yuyaymanarqani, rikuruspaymi kayta yacharurqani:

Jeremías 31:10

Nacionkuna, Tayta Diospa Chuya siminta uyariychik, lamar qochapa waklawninpi kaqkunaman willamuychik: ¡Israelta cheqechiq Tayta Diosmi paykunata huñumunqa, ovejakunata michiq hinam paykunata waqaychanqa! nispa.

Ezequiel 34:12

Imaynam huk michiq ovejankuna cheqeruptin maskamun, chaynam ñoqapas ovejaykunata maskamusaq; hinaspaymi tutayaq yana puyupa tapaykusqan punchawpi tukuy hinastinman cheqerusqankumanta libramusaq.

Ezequiel 34:31

Runaykunaqa ovejaykunam kankichik, michinay pampapi kaq ovejaykunam kankichik, ñoqañataqmi Diosnikichik kani. Ñoqa Tayta Diosmi chaynata nini.

Juan 10:3

Punku nanachikuqpas yaykunanpaqmi punkuta kichaykun, ovejakunapas qayakuynintam uyarinku; payqa ovejakunatapas sutinmantakama qayaspanmi corralninmanta hawaman hurqon.

Deuteronomio 32:46

Chaymantam Israelpa mirayninkunata kaynata nirqa: Tukuy kay nisqaykunata yuyaymanaspa sonqoykichikpi hatalliychik. Chu-rikichikkunata kamachiychik kay yacha-chikuykunata kasukuspa ruwayman churanankupaq.

1~Pedro 5:2

Nanachi-kunaykichikpaq qosusqaykichik Diospa ovejankunatayá michiychik. Chaytaqa Diospa munasqanman hinayá ruwaychik, amayá hikutasqallachu nitaq qollqeraykullachu, aswanqa tukuy son-qoykichikmanta.

1~Samuel 17:28

Davidpa mayor wawqen Eliabmi ichaqa, chay runakunawan rimasqanta uyariruspan Davidpaq piñakurqa, hinaspam nirqa: ¿Imamantaq hamurqanki? ¿Pimantaq aslla ovejakunata saqeramunki? Ñoqaqa yachanim hatun tukuq kaspayki mana allinta sonqoykipi tanteasqaykita. Qamqa hamurqanki guerrata qawakunaykipaqmi, nispa