Proverbios 27:20 - CHUYA QELLQA La Biblia en Quechua de Ayacucho 2012

²⁰ Imaynam wañuywan sepultura mana haykapipas saksanchu, chaynam runaqa ima munasqanwanpas haykapipas mana contentakunchu.

Quechua Ayacucho Bible 1987

²⁰ Sepulturawan uku pachaqa manam huntanchu. Chaynam munapayaq runapas munapayasqanwanqa mana contentakunchu.

Chuya Qellqa 1992

²⁰ Imaynam wañuywan sepultura mana haykapipas saksanchu, chaynam runaqa ima munasqanwanpas haykapipas mana contentakunchu.

Proverbios 27:20 Iomraidhean Croise

Jobwan Sutichasqa Libro 26:6

Diospa qayllanpiqa wañuqkunapa kasqanpas sutillam kachkan, paypa qayllanpiqa uku pachapas manam pakasqachu kachkan.

Proverbios 15:11

Wañuywan wañusqakunapa kasqanpas Tayta Diospa qayllanpim kachkan, aswanraqmi runakunapa imaynam kawsasqanqa paypa rikusqallan kachkan.

Proverbios 23:5

Allinta qawariptikiqa mana kaqllam rikurirun; raprayuqpas kanman hinam ankapa pawakusqanta hina pawarun. -8-

Proverbios 27:19

Uyaqa yakupim imayna kasqanta qawakun, chaynam runapas sonqonpi yachakun imaynam kasqanta.

Eclesiastés 1:8

Tukuy imam runata amichin, rimaytapas manaña munanakama. Ñawiqa manam qawasqanwan saksanchu, nitaqmi rinripas uyarisqanwan aminchu.

Eclesiastés 4:8

Mana wawqeyuq, mana churiyuq, mana piniyuq runatam rikurqani. Mana samaykuspam llamkan, tukuy imayuq kasqanwanpas manam contentakunchu. Payqa manam tapukunchu: “¿Pipaqtaq kusikuytapas qepancharispay kaynataña llamkani?” nispaqa. Chaypas waspiy hina chinkaruqllam.

Eclesiastés 6:7

Runaqa llamkan mikunallanpaqmi, ichaqa maynataña mikuptinpas manam sonqon tiyanchu.

Isaías 5:14

Chayraykum wañuqkunapa kasqan sitiopas yarqaymanta hinaraq simintapas kicharinqa, llaqtatawan kamachikuqkunatapas millpurunanpaq, fiestakunapi aychanku kusichiyllapi kaqkunatapas millpurunanpaq.

Jeremías 22:17

Qanmi ichaqa mana allinkunata ruwaspa apuyaruyllapi richkanki; inocente runakunatam wañuchinki, llaqtaykitapas maqa-maqarispam llamkachikunki.

Habacuc 2:5

Hatun tukuqkunaqa apuyayllatam mana samaykuspa maskanku, tuñirachiqnin kachkaptinpas mastaraqmi munanku. Sepultura hinaraqmi siminkutapas kicharinku, wañuy hinaraqmi manaña saksariq rikurirunku, chayraykum nacionkunatapas tuñichinku.

Hageo 1:9

Qamkunaqa achkallataña maskaspapas asllatam tarinkichik, wasikichikpi taqesqaykichiktapas huk pukuyllawanmi chinkarachini. ¿Imanasqa? Temploy tuñisqa kachkaptin qamkunañataq wasikichikpi sapakama yachakusqaykichikrayku. Tukuy Atiyniyuq Tayta Diosmi chaynata nin.

1~Juan 2:16

Kay pachapi kaqkunaqa kaykunam: Aychapa mana allin munapayayninkuna, ñawipa munapayayninkuna hinaspa imapas kapuqniyuq kaspa hatunchakuykuna, kay mana allin ruwaykunaqa manam Dios Taytamantachu hamun, aswanqa kay pachapi kaqkunallamantam.