Proverbios 27:18 - CHUYA QELLQA La Biblia en Quechua de Ayacucho 2012

¹⁸ Higos sachata cuidaq runaqa ruruntam mikunqa, patronninta nanachikuqqa alabasqam kanqa.

Quechua Ayacucho Bible 1987

¹⁸ Higos sachata cuidaq runaqa ruruntam mikunqa. Patronninpa imankunatapas nanachikuqqa alabasqam kanqa.

Chuya Qellqa 1992

¹⁸ Higos sachata cuidaq runaqa ruruntam mikunqa, patronninta nanachikuqqa alabasqam kanqa.

Proverbios 27:18 Iomraidhean Croise

2~Reyes 18:31

Hinaptinqa amayá Ezequiaspa chayna nisqantaqa kasuychikchu, Asiria nacionpa reyninmi kaynata nin: “Ñoqawan allinyanakuspa qayllaypi uchuychakuychik, chaynata ruwaspaqa sapakamam uvasnikichikpa chaynataq higosnikichikpa rurunta mikunkichik, sapakamataqmi pozoykichikpi yakutapas tomankichik,

2~Reyes 3:11

Chaymi rey Josafatqa tapukurqa: ¿Manachu pipas Tayta Diospa profetan kaypi kanman, chaynapi paynintakama Diosta tapunanchikpaq? nispa. Hinaptinmi Israel nacionpi reypa serviqninkunamanta kaq nirqa: Kaypim kachkan Safatpa churin Eliseo, payqa Eliaspa serviqninmi, nispa.

2~Reyes 5:25

Chaymantam Patronnin Eliseopa qayllanman yaykuykuptin Eliseo tapurqa: Giezi, ¿maymantataq hamuchkanki? nispa. Chaymi payñataq nirqa: Ñoqaqa manam maytapas rirqanichu, nispa.

2~Reyes 5:27

Chaynaqa, Naamanpa lepra onqoyninwanmi qamña miraynikikunapiwan mana tukuyta onqonkichik, nispa. Chaymi Gieziqa Eliseopa qayllanmanta riti hina yuraq-yuraq lepra onqoyniyuqña lloqsirurqa.

Ester 6:11

Hinaptinmi Amán chay pachakunata hapiykuspan chaynataq caballotapas alistaykuspan Mardoqueota pacharachispan caballopi silladata llaqtapa plazanta muyuchimurqa, hinaspam ñawpaqninta kaynata qaparistin rirqa: ¡Kaynatam reyqa ruwan hatunchay munasqan runataqa! nispa.

Éxodo 24:13

Chaymi Moisesqa yanapaqnin Josueypiwan Diospa kasqan orqoman qespirqa

Proverbios 17:2

Taytanta penqayman churaq warmapiqa yachayniyuq criadonmi munaychakunqa, chay warmapa wawqenkunawan kuskam herenciatapas chaskinqa.

Proverbios 22:29

Pipas ruwananta allinta llamkakuqqa reykunatam servinqa, manam huk runataqa servinqachu. -6-

Proverbios 27:17

Fierrotaqa fierrowanmi ñawchiyachina, runapas huk runawanmi yachanakun.

Proverbios 27:19

Uyaqa yakupim imayna kasqanta qawakun, chaynam runapas sonqonpi yachakun imaynam kasqanta.

Cantares 8:12

Salomón, chunka kilo qollqekiqa qampaqyá kachun, iskay kilo qollqeñataqyá huerta nanachikunapaq kachun. Ñoqam ichaqa kikiypa uvas huertayta nanachikusaq.

Isaías 36:16

hinaptinqa ama kasuychikchu. Asiriapa reyninmi kaynata nin: Ñoqawan allinyanakuspa qayllaypi uchuychakuychik. Chaynata ruwaspaqa sapakamam uvasnikichikpa higosnikichikpa rurunta mikunkichik, sapakamataqmi pozoykichikpi yakutapas tomankichik.

Mateo 24:25

Qamkunataqa ñawpaqmantaraqmi nirqaykichikña.

Mateo 24:46

Mayna kusisqam kanqa sichum patronnin kutimuspa chayna ruwachkaqta tariykamuptinqa.

Marcos 10:43

Qamkunapiqa manam chaynachu kanqa, aswanraqmi qam-kunamanta pipas kamachikuyta munaspaqa qamkunapa serviqnikichik kanan.

Lucas 12:37

Mayna kusisqam kanqaku patronnin kutimuspa rikchachkaqta tariykamusqan sirvientekunaqa. Cheqaptapunim nikichik, patronninkuqa allichakuykuspanmi paykunata mesapi tiyaykachispan kikinpuni serviykunqa.

Lucas 12:42

Chaymi Señorñataq nirqa: ¿Pitaq allin yuyayniyuq hinaspa allin yachayniyuq sirvienteqa? ¿Paytaqa manachum patronninpas wasinpi churaykun, wasinpi kaqkunaman imam horapi mikuchinanpaq?

Lucas 19:17

Reyñataqmi nirqa: “Qamqa allin serviqniymi kanki, allintam ruwarunki. Asllata saqechkaptiypas allinta ruwasqaykiraykum chunka llaqtapi kamachikunaykipaq churasqayki”, nispa.

Juan 12:26

Pipas serviwayta munaspaqa qatiwachunyá, payqa ñoqapa kasqaypim kanqa, serviwaqniytaqa Taytaymi ancha reqsisqata ruwanqa.

Hechos 10:7

Chay rimapayaqnin ángel lloqsiruptillanmi, Cornelio qayarqa iskay serviqninkunatawan huk soldadonta. Chay soldadoqa karqa Dios yupaychaq, hinaspa Corneliopa confianzanmi.

1~Corintios 3:8

Tarpuqwan parqoqqa chay hinallam kanku, ichaqa llamkasqankuman hinam sapakamaman Dios pagapunqa.

1~Corintios 9:13

Qamkunaqa yachan-kichikmi Diospa templonpi llamkaqkunaqa ofrendakunamanta mikusqankuta, altarpi llamkaqkunañataqmi altarman ofrenda apamusqankumanta mikunku.

1~Corintios 9:7

¿Pitaq soldado kanman kikinmanta gastakuspan? ¿Pitaq uvasta tarpuspa mana rurunta mikunmanchu? ¿Pitaq ovejata uywachkaspan mana lechenta tomanmanchu?

Colosenses 3:22

Esclavokuna, kay pachapi patronnikichikta imapipas kasukuychik, amayá qawasuptillaykichikchu allintaqa ruwaychik, aswanqa Señorta manchakuspayá tukuy sonqowan kasukuychik.

2~Timoteo 2:6

Chakrapi llamkaqpas puntataqa tarpunanraqmi cosechananpaqqa.

1~Pedro 2:18

Criadokuna, patronnikichiktayá respetaspa kasukuychik, amayá allin runa kaptillanchu aswanqa piña-piña runa kaptinpas.

1~Pedro 2:21

Chaypaqmi Diosqa qayasurqankichik, Cristopas qamkunaraykum ñakarirqa, chaynapi paypa ejemplonta qatinaykichikpaq.

1~Samuel 2:30

Chayraykum Israelpa yupaychasqan Tayta Dios kaynata nin: Ñoqam nirqani miraynikipas chaynataq ñawpaq taytaykikunapa mirayninpas wiñaypaqña serviwanankupaq. Kunanmi ichaqa prometekusqayta mana ruwasaqñachu. Ñoqaqa pim hatunchawaqniytam hatunchasaq, qepanchawaqniytam ichaqa asllapaq hapisaq.