Proverbios 27:17 - CHUYA QELLQA La Biblia en Quechua de Ayacucho 2012

¹⁷ Fierrotaqa fierrowanmi ñawchiyachina, runapas huk runawanmi yachanakun.

Quechua Ayacucho Bible 1987

¹⁷ Imaynam fierro limawan fierrota afilanku. Chaynam amigopurapas entiendenachikunku.

Chuya Qellqa 1992

¹⁷ Fierrotaqa fierrowanmi ñawchiyachina, runapas huk runawanmi yachanakun.

Proverbios 27:17 Iomraidhean Croise

Proverbios 27:16

chayna warmita upallachiyqa wayrata harkay hinam otaq aceiteta makiwan putqokuy hinam.

Proverbios 27:18

Higos sachata cuidaq runaqa ruruntam mikunqa, patronninta nanachikuqqa alabasqam kanqa.

Proverbios 27:9

Perfumewan miski asnaq aceiteqa sonqotam kusichin, amigopa consejakuyninqa runatam kusichin.

Proverbios 29:22

Chaylla piñakuruq runaqa piñanakuyllatam hatarichin, chaylla rabiakuruq runaqa chaylla-chayllam huchaman wichin.

Juan 11:29

Chaynata Marta niykuptinmi Maria-ñataq utqayman hatarispan Jesuspa kasqanman rirqa.

1~Tesalonicenses 3:3

chaynapi mayqannikichikpas ñakarispa ama hukmanyarunaykichikpaq. Qamkunaqa yachankichikmi chaynata ñakarinanchiktaqa.

2~Timoteo 1:12

Chayraykum kaynataña ñakarini, aswanqa piman iñisqayta yachakuspaymi mana penqakunichu. Payqa atiyniyuq kasqanraykum imam qowasqantaqa chay punchawkama waqaychanqa.

2~Timoteo 1:8

Chaynaqa, amayá penqakuychu Señorninchikmanta willakuytaqa nitaq payrayku preso kasqaymantapas, aswanqa Jesucristomanta allin noticiarayku ñoqa hina ñakariy Diospa kallpa qosusqaykiman hina.

2~Timoteo 2:3

Qamqa Jesucristopa allin soldadon hinayá ñakariy.

Hebreos 10:24

Hukninchikmanta hukninchikkama yanapanakuytayá maskasunchik, tukuymanta llalliqtaqa kuyanakuspa allinkuna ruwayta.

Santiago 1:2

Wawqe-panillaykuna, imaymana sasachakuykunapi tarikuspaykichikqa aswanraqyá kusikuychik.

Josué 1:18

Pipas kamachisqaykita mana kasukuspa nisqaykikunata mana ruwaqqa wañuchisqa kachun. Qamyá ichaqa qarinchakuy hinaspa kallpanchakuy, nispanku.

Josué 2:24

Paykunam Josueyman kaynata nirqaku: Tayta Diosmi lliw allpata qoykuwanchik. Llapa runakunapas ñoqanchikraykum manchakuymanta katkatatachkanku, nispanku.

1~Samuel 23:16

Horespi David kachkaptinmi Jonatán rispan Diosman hapipakunanpaq Davidta kallpancharqa