Proverbios 27:10 - CHUYA QELLQA La Biblia en Quechua de Ayacucho 2012

¹⁰ Amigoykitawan taytaykipa amigontaqa amayá saqeychu. Sasachakuy chayamusuptikiqa amayá wawqekipa wasinmanqa kallpaychu, karupi yachaq wawqekimantaqa vecinoykim aswan allinqa.

Quechua Ayacucho Bible 1987

¹⁰ Amistadnikitaqa amayá qonqaychu. Taytaykipa amistadnintapas amayá qonqaychu. Sasachakuypipas wawqekipa wasintaqa amayá yaykuychu. Karu llaqtapi *f**yachaq wawqekimantaqa hichpaykipi *f**yachaq vecinoykim aswan allinqa.

Chuya Qellqa 1992

¹⁰ Amigoykitawan taytaykipa amigontaqa amayá saqeychu. Sasachakuy chayamusuptikiqa amayá wawqekipa wasinmanqa kallpaychu, karupi yachaq wawqekimantaqa vecinoykim aswan allinqa.

Proverbios 27:10 Iomraidhean Croise

2~Samuel 19:24

Saulpa willkan Mefi-bosetpas rey chaskiqmi lloqsirqa, payqa manam chakintapas mayllakurqachu, barbantapas manam siksikurqachu, nitaqmi pachantapas taqsakurqachu reypa lloqsisqan punchawmanta Jerusalenman hawkalla kutimunankama.

2~Samuel 19:28

Taytaypa llapallan ayllunkuna qampa qayllaykipi wañunaykupaq kachkaptiykupas, qanmi kay serviqnikita qanwan kuska mikunaypaq convidawarqanki. Chaynaqa, reynilláy, ¿imataraqtaq masta reclamaykiman? nispa.

2~Samuel 21:7

Saulpa willkan Mefi-bosettam ichaqa mana qorqachu, Mefi-bosetpa taytan Jonatanwan Tayta Diospa qayllanpi juramentota ruwanakusqanrayku.

2~Crónicas 24:22

Rey Joasqa, Zacariaspa taytan Joiada llakipayasqantapas manam yuyarqachu, aswanqa churin Zacariastam wañurachirqa. Zacariasmi wañuypa patanpiña kachkaspan kaynata qaparirqa: ¡Tayta Diosyá kayta qawachun, paymi cuentata mañasunki! nispa.

Proverbios 17:17

Cheqap amigoqa tukuy tiempom kuyakun, sasachakuy tiempopipas cheqap wawqen hinam.

Proverbios 18:24

Kanmi sasachakuyman pusakuq amigokuna, kantaqmi wawqemantapas aswan hapipakunapaq hina amigokunapas.

Proverbios 19:7

Sichum wakcha runata wawqenkuna cheqniptinkuqa, aswanraqchiki amigonkunaqa qepancharunqaku, paykunamantaqa yanapakuytapas manam tarinqachu.

Jeremías 2:5

Paymi qamkunata kaynata nisunkichik: ¿Taytaykichikkunaqa ima mana allintataq ñoqapi tarirurqaku, chaynapi ñoqamanta karunchakunankupaq? Paykunaqa millakuypaq dioskunamanña qokuruspankum chayna millakuypaqña rikurirurqaku.

Hechos 23:12

Paqarinnintin punchawmi wakin judiokuna tanteanakurqaku Pablota wañurachinankupaq, paykunam juraspanku ninakurqaku: Pablota wañurachinanchikkamam ama mikusunchu nitaq imatapas tomasunchu, mana chaynata ruwaspanchikqa ñakasqayá kasunchik, nispanku.

Deuteronomio 22:1

Sichum llaqtamasikipa chinkasqa toronta otaq ovejanta tariruspaqa amam upallakuykunkichu, aswanqa llaqtamasikimanmi pusarapunki.