Proverbios 26:27 - CHUYA QELLQA La Biblia en Quechua de Ayacucho 2012

²⁷ Pipas trampata uchkuqqa kikillanmi chayman wichiykunqa, rumita kuchpaykuq runataqa kuchpasqan rumillam hawanta pasarunqa.

Quechua Ayacucho Bible 1987

²⁷ Trampapaq pozo uchkuq runaqa kikillanmi chayman wichiykunqa. Rumi kuchpaq runaqa rumi kuchpasqanwanmi hapirachikunqa.

Chuya Qellqa 1992

²⁷ Pipas trampata uchkuqqa kikillanmi chayman wichiykunqa, rumita kuchpaykuq runataqa kuchpasqan rumillam hawanta pasarunqa.

Proverbios 26:27 Iomraidhean Croise

Ester 7:10

Hinaptinmi Amanta warkururqaku Mardoqueopaq ruwachisqan warkunapi, chayñam reypa piñakuynin tanirurqa.

Ester 9:25

Ichaqa reypa ñawpaqninman reina Ester hamuruspa mañakuptinmi, reyqa huk decretota kamachikurqa, judiokunapa contranpi Amanpa mana allinkuna tanteasqan kikillanman wichiykunanpaq. Chaynapim Amanqa churinkunapiwan warkunapi warkurachikurqaku.

Proverbios 28:10

Allin kawsakuq runakunata mana allin ñanman tanqaqkunaqa trampa churasqankumanmi wichinqaku, allin kawsakuq runakunam ichaqa allin kaqta chaskinqaku.

Proverbios 5:22

Mana allin runataqa mana allin ruwayllanmi chaqnarunqa, kikinpa huchallanmi waska hina teqorunqa,

Eclesiastés 10:8

Pipas uchkuta ruwaqqa chay uchkumanmi wichiykunqa, pipas perqa taqmaqqa maqta uruwanmi kachurachikunqa.

Isaías 3:11

¡Imaynaraq kanqaku mana allin ruwaqkuna! Mana allin ruwasqankunaman hinam Dios pagapunqa.

Isaías 3:8

Jerusalén llaqtam tuñirun, Judá nacionmi purmarun; chaynaqa tarikun llapa runankuna rimayninkuwanpas ruwayninkuwanpas huchallikuspanku, Tayta Diosta piñachisqankuraykum.