Proverbios 24:7 - CHUYA QELLQA La Biblia en Quechua de Ayacucho 2012

⁷ Mana yachayniyuqpaqa yachaypas mana haypay atinam, chayraykum juezpa qayllanpipas mana ima rimaytapas atinchu. -23-

Quechua Ayacucho Bible 1987

⁷ Yachayqa mana haypay atinam mana tanteoyoq runapaqqa. Juzgadopiqa manam imayna rimayta atinchu payqa.

Chuya Qellqa 1992

⁷ Mana yachayniyuqpaqa yachaypas mana haypay atinam, chayraykum juezpa qayllanpipas mana ima rimaytapas atinchu.

Proverbios 24:7 Iomraidhean Croise

Jobwan Sutichasqa Libro 31:21

Juezkunawan reqsinakusqayraykuqa mana tayta-mamayuqpa contranpiqa manam hoqarikurqanichu.

Jobwan Sutichasqa Libro 5:4

Churinkunapas mana yanapaqniyuqmi kachkanku, juzgadopipas manam allin arreglotaqa tarinkuchu, nanachikuqninkupas manam pipas kanchu.

Proverbios 14:6

Hatun tukuq runaqa yachayta maskaspapas manam tarinchu, yuyaymanayniyuq runapaqmi ichaqa yachay tariypas mana sasachu.

Proverbios 15:24

Kawsay ñanqa wichaymanmi rin, yachayniyuq runatam wañuymanta libran.

Proverbios 17:16

¿Imapaqtaq mana yachayniyuq runata qollqe servinman yachayta rantinanpaq mana entiendeq kachkaptinqa?

Proverbios 17:24

Yachayniyuq runaqa yachayniyuq kaytam maskan, mana yachayniyuqmi ichaqa maypi tukuruytapas mana yachanchu.

Proverbios 17:7

Allin rimaykunapas mana yachayniyuqpa siminpiqa manam tupanchu, llullakuypas kamachikuqpa siminpiqa manam tupanchu.

Proverbios 22:22

Wakchataqa wakcha kasqanraykuyá ama imantapas qechuychu, mana piniyuq runatapas amayá juezpa qayllanpiqa ñakarichiychu.

Proverbios 28:5

Mana allin runakunaqa allin ruwaytapas manam yachankuchu, Diosman hapipakuqkunam ichaqa tukuy imatapas yachanku.

Proverbios 31:23

Qosanpas llaqtapa punkunkunapiqa ancha reqsisqam, llaqtapa ancianonkunawan kuskam tiyanpas.

Isaías 29:21

Runamasinta yanqamanta cargochaqkunaqa tukurunqam, cortepi nanachikuqman trampa churaqkunaqa chinkarunqam, mana huchayuq runata allin arreglota mana ruwaspa engañaqkunaqa puchukarunqam.

Isaías 32:6

Qacha sonqo runaqa chayna kayninman hinam riman, huchakuna ruwananpaqmi sonqonpi yuyaymanan, Tayta Diospa contranpim mana allinkunallata riman; yarqasqakunaman mana mikuy qoykuqmi, yakunayasqakunaman mana yaku qoykuqmi.

Amós 5:10

Paykunaqa llaqtapa punkunpi “allinta kawsaychik” niqninkutam cheqnirurqaku, cheqap kaqkuna rimaqtam qepancharurqaku.

Amós 5:12

Yachanim millakuypaq huchaykichikkunatawan mana kasukuspa tukuy mana allin ruwasqaykichikkunatapas, yachanitaqmi allin kawsakuq runata ñakarichispa Juezpa ñawpaqninpi wakchakunata juiciopi pierdechinaykichikpaq qollqe chaskikusqaykichiktapas.

Amós 5:15

Mana allin kaqta cheqnispayá allin kaqta kuyaychik, juzgaspapas cheqap kaqwanyá juzgaychik; chaynapiqa ichapas Tukuy Atiyniyuq Tayta Dios Joseypa mirayninmanta puchuqkunata llakipayarinmanraq.

1~Corintios 2:14

Aychallaman hina kawsaq runaqa manam Diospa Espiritunmanta kaqkunataqa chaskinmanchu, paypaqa mana valeqpaqmi rikchakapun, nitaqmi entiendenchu, chaykunaqa espirituman hina entiendena kasqanrayku.