Proverbios 24:16 - CHUYA QELLQA La Biblia en Quechua de Ayacucho 2012

¹⁶ Allin ruwaq runaqa qanchis kutikamaña wichispapas qanchis kutikamam hatarinqa; mana allin runakunam ichaqa sasachakuyman wichinqaku. -28-

Quechua Ayacucho Bible 1987

¹⁶ Allin ruraq runaqa qanchis kutita urmaspanpas yapatawanmi sayarinqa. Mana allin ruraq runakunam ichaqa desgraciaman urmaykarinqa.

Chuya Qellqa 1992

¹⁶ Allin ruwaq runaqa qanchis kutikamaña wichispapas qanchis kutikamam hatarinqa; mana allin runakunam ichaqa sasachakuyman wichinqaku.

Proverbios 24:16 Iomraidhean Croise

Génesis 19:35

Chay tutapas taytankuta sinkarachiptinkum sullka kaqñataq paywan puñururqa, taytanmi ichaqa mana musyakurqachu churin ustuykusqanta nitaq hatarisqantapas.

Ester 7:10

Hinaptinmi Amanta warkururqaku Mardoqueopaq ruwachisqan warkunapi, chayñam reypa piñakuynin tanirurqa.

Jobwan Sutichasqa Libro 5:19

Soqta sasachakuymantam librasunki, qanchis kaqñataqmi manaña chayamusunkichu.

Proverbios 13:17

Mana allin willakuq runaqa sasachakuytam apamun, imam kaqta willakuq runam ichaqa hampi hina.

Proverbios 13:21

Sasachakuyqa huchasapakunatam qatikachan, allin ruwaq runakunam ichaqa allin kaqkunawan premiasqa kanqa.

Proverbios 14:32

Mana allin runataqa mana allin ruwayninkunallam tuñichin, allin ruwaq runam ichaqa wañunankama Diosman hapipakun.

Proverbios 24:22

Paykunamanqa sasachakuymi qonqayta chayarunqa, manam pipas yachanchu Tayta Diospas chaynataq reypas castigarunantaqa.

Proverbios 6:15

Chayraykum qonqaymanta sasachakuypi tarikunqa, qonqaymantam pasaypaqta puchukarunqa.

Jeremías 18:17

Israel runakunataqa, Intipa qespimunan lawmanta pukumuq wayra hinam, enemigonkunapa qayllanpi cheqerachisaq. Sasachakuypi kaptinkupas manaña qawarispaymi qepanchakurusaq.

Jeremías 8:4

Yaw, Jeremías, ñoqa Tayta Diospa nisqayta paykunaman kaynata nimuy: Pipas urmaruspanqa sayarirunpunim, pipas ñanmanta karuncharuspanqa kutirinpunim.

Ezequiel 7:5

Ñoqa Tayta Diosmi kaynata nini: Sasachakuymi hukña-hukña hamuch-kan. Puchukanayki punchawmi chaya-muchkanña.

Amós 5:2

Manaraq qari reqsiq sipas hinam Israel wichiykun haykapipas manaña hatariy atinankama, maymi tuñisqanpim qeparun, manam pipas hatarichiqnin kanchu.

Amós 8:14

Samariapa idolonkunarayku juraqkunapas, Danpa chaynataq Beersebapa idolonkunarayku juraqkunapas lliwmi wichinqaku, manañam haykapipas hatarinqakuñachu.

Números 32:23

Nisqaykichikta hina mana ruwaspam ichaqa Tayta Diospa contranpi huchallikunkichik, chaymantaqa cheqaptapunipas castigasqam kankichik.

Hechos 12:23

Chayllamanmi Señorpa angelnin hamuruspan Herodesta onqorachirqa, Diosta mana hatunchasqanmanta. Hinaptinmi urukunapa mikusqan wañu-rurqa.

1~Tesalonicenses 5:3

Hawkam, segurom kachkanchik, nispa, runakuna nichkaptinkum qonqayllamanta paykunaman hatun sasachakuy chayaramunqa, dolorwan hapichikuq warmi hinam kanqaku, manam lluptinqakuchu.

1~Samuel 26:10

Tayta Diosraykum jurani, paymi yachan haykapim hinaspa imayna wañunantapas.

1~Samuel 31:4

Chaymi arman apaq soldadota Saúl nirqa: Espadaykita hurqospayki tuksiruway, manam munanichu wak mana señalasqa enemigoykuna tuksiruwaspa burlakuwananta, nispa. Ichaqa arman apaq soldadom llumpayta manchakusqanrayku tuksiyta mana munarqachu, hinaptinmi Saulqa kikinña espadanta hapiykuspan tuksikururqa.