Proverbios 22:8 - CHUYA QELLQA La Biblia en Quechua de Ayacucho 2012

⁸ Mana allin kaqkunallata tarpuqqa sasachakuyllatam cosechanqa, Tayta Diosmi piñakuy tawnanwan tuñichinqa.

Quechua Ayacucho Bible 1987

⁸ Ñakarichiq runaqa desgraciallatam cosechanqa. Tukurunqam paypa varanqa.

Chuya Qellqa 1992

⁸ Mana allin kaqkunallata tarpuqqa sasachakuyllatam cosechanqa, Tayta Diosmi piñakuy tawnanwan tuñichinqa.

Proverbios 22:8 Iomraidhean Croise

Jobwan Sutichasqa Libro 4:8

Rikusqayman hinaqa, cheqnikuytawan mana allinllata tarpuqqa chaynallatam cosechan.

Proverbios 1:31

mana allin ruwaynikichikpa rurunta mikunkichik, mana allin munaynikichiktam saksankichik.

Proverbios 14:3

Mana yachayniyuq runapa siminmantaqa hatun tukuymi lloqsimun, yachayniyuq runatam ichaqa simin waqaychan.

Isaías 10:25

Manapas unaymantam contraykichikpi piñakuyniy tukurunqa, piñakuyniyqa enemigoykikunatañam pasaypaqta chinkachinqa, nispa.

Isaías 10:5

¡Ay, imaynaraq kanqa Asiria nacionpa reynin! Payqa castiganaypaq makiypi kaspim, piñakuyniytam makinman churani.

Isaías 14:29

Filistea llaqtayuqkuna, maqasuqnikichikpa tawnan pakirusqanraykuqa amayá kusikuychikchu. Maqta urupa sapinmantaqa aswan kachukuq maqta ururaqmi lloqsimunqa, pawaq maqta ururaqmi lloqsimunqa.

Isaías 30:31

Tayta Diospa Chuya siminmi Asiria nacionta ñutuparunqa, varanwanmi paykunata waqtaparunqa.

Isaías 9:4

Qanmi llasaq yugota pakipachkaq hina ñakarichiqninkumanta libraykurqanki, hombronkupi kaspita pakipachkaq hinam ñakarichiqninkuta vencerurqanki. Chaynataqa ruwarqanki Madián llaqtata ruwasqaykita hinam.

Oseas 10:13

Qamkunam ichaqa mana allinllata tarpuchkankichik, mana allinllata cosechaspam llullakuynikichikpa rurunta mikuchkankichik. Qamkunaqa tropaykichikpa kallpanpim hapipakunkichik.

Oseas 8:7

Paykunaqa wayratam tarpurunku ichaqa sinchi para wayratam cosechanqaku. Wiñaq trigonkupas manam rurunqachu chayraykum harinankupas manaña kanqachu, trigota cosecharuptinkupas huklaw llaqtayuq runakunam mikukunqaku.