Proverbios 22:29 - CHUYA QELLQA La Biblia en Quechua de Ayacucho 2012

²⁹ Pipas ruwananta allinta llamkakuqqa reykunatam servinqa, manam huk runataqa servinqachu. -6-

Quechua Ayacucho Bible 1987

²⁹ Reykunatam servinqa empeñowan llamkaq runaqa. Manam servinqachu mana ancha reqsisqa runakunataqa.

Chuya Qellqa 1992

²⁹ Pipas ruwananta allinta llamkakuqqa reykunatam servinqa, manam huk runataqa servinqachu.

Proverbios 22:29 Iomraidhean Croise

Génesis 41:38

Hinaptinmi runankunata Faraón nirqa: José hina Diospa espiritunwan kaq runataqa manam maypipas tarichwanchu, nispa.

Génesis 41:46

Joseyqa kimsa chunka watayuqmi karqa, Egiptopi rey Faraonpa qayllanman pusaptinkuqa. Joseymi rey Faraonpa palacionmanta lloqsirqa lliw Egipto nacionpi purimunanpaq.

Génesis 47:6

kayqaya Egipto allpaqa makikipi kachkan, chaynaqa taytaykitawan wawqekikunata Gosén allpapi churamuy. Sichum paykuna ukupi kachkan uywaykuna nanachikunanpaq hina, hinaptinqa animalniykunata michinankupaq churamuy, nispa.

2~Samuel 2:32

Asaelpa cuerpontañataqmi Belén llaqtapi, taytanpa sepulturanpi pamparurqaku. Joabñataqmi tropankunawan tukuy tuta rispan Hebrón llaqtapi achikyarurqaku.

1~Reyes 10:8

¡Mayna kusisqam warmikikunaqa chaynataq ñawpaqnikipi tukuy tiempo yachayniki uyariq serviqnikikunaqa!

1~Reyes 11:28

Jeroboamqa kallpasapa allin llamkakuq runam karqa. Salomonmi allin llamkaq kasqanta qawaykuspan José ayllumanta kaq llamkaqkunapa kamachiqninpaq churarurqa.

1~Crónicas 4:23

Paykunaqa alfarerokunam karqaku, Netaim llaqtapiwan Gedera llaqtapim yacharqaku, hinaspam reyta servirqaku.

Proverbios 10:4

Qella kayqa wakchayaytam apamun, llamkakuq runam ichaqa apuyanqa.

Proverbios 12:24

Llamkakuq runaqa munaychakunqam, qella runam ichaqa munaychakusqa kanqa.

Proverbios 23:1

Kamachikuqwan mikuspaykiqa sumaqta qawakuykuy pipa qayllanpi kasqaykita.

Eclesiastés 9:10

Ruwanayki kaqtaqa, kallpanchakuspayá chaylla ruway; sepulturapiqa manañam imatapas ruwankiñachu, manañam llamkankiñachu, manañam imatapas yachankiñachu, yachaypas chaypiqa manam kanñachu.

Daniel 1:19

Paykunawan rey rimaspanmi, wa-kin jovenkunapiqa mana hukllatapas tarirqachu Danielta, Ananiasta, Misaelta hinaspa Azariasta hinaqa. Chaynapim paykunaqa reypa serviqninña kanankupaq akllasqa karqaku.

Daniel 1:4

Paykunaqa kananku: Allin rikchayniyuq, sano cuerpoyuq, tukuy imapas yachaq, allin yachayniyuqkuna hinaspa palaciopi servikunankupaq hinam. Pay-kunatam yachachinanku Caldea law rimaytawan qellqayta.

Mateo 25:21

Hinaptinmi patronninñataq nirqa: “Qamqa allin serviqniymi kanki, asllata qochkaptiypas allinta ruwasqaykiraykum achkataraq qosqayki. Chaynaqa, yaykuspaykiyá ñoqawan kusikuy”, nispa.

Mateo 25:23

Chaymi patronninñataq nirqa: “Qamqa allin serviqniymi kanki, asllata qochkaptiypas allinta ruwasqaykiraykum achkataraq qosqayki. Chaynaqa, yaykuspaykiyá ñoqawan kusikuy”, nispa.

Romanos 12:11

Kallpanchakuychikyá, ama qellaqa kaychikchu, tukuy sonqoykichikwan Señorninchikta serviychik;

2~Timoteo 4:2

Diospa pala-brantayá tiemponpipas mana tiemponpipas willakuy, runakunatapas faltanta qawachiy, qaqchay, kallpanchay hinas-pa tukuy pacienciawan yachaykachiy.

1~Samuel 16:21

Saulpa kasqanman chayaruspanmi Saulta serviyta qallaykurqa, chaymi Saúl llumpayta kuyaruspan arman apaqpaq akllaykurqa.

1~Samuel 17:31

Davidpa rimasqanta uyariq runakunam pasaspanku Saulman willaykamurqaku, hinaptinmi Saulñataq Davidta qayachirqa.