Proverbios 21:4 - CHUYA QELLQA La Biblia en Quechua de Ayacucho 2012

⁴ Hatun tukuywan, yachayniyuqpaq hapikuruyqa, hinaspa mana allin ruwaypi kawsayqa hucham.

Quechua Ayacucho Bible 1987

⁴ Hatun tukuspa apuyaruy munayqa hucham. Mana allin ruraqkunapa kawsasqanqa hucham.

Chuya Qellqa 1992

⁴ Hatun tukuywan, yachayniyuqpaq hapikuruyqa, hinaspa mana allin ruwaypi kawsayqa hucham.

Proverbios 21:4 Iomraidhean Croise

Jobwan Sutichasqa Libro 18:5

Mana allin runapaqqa achkiyninpas wañurunqam, ninanpas manam rupanqañachu.

Jobwan Sutichasqa Libro 18:6

Mecheronpas wañurunqam, achkipas wasinpiqa manañam achkinqachu.

Proverbios 15:8

Tayta Diosqa millakunmi mana allin runakunapa ofrendantaqa, allin ruwaq runakunapa mañakuynintam ichaqa kusikuywan chaskiykun.

Proverbios 21:27

Mana allin runakunapa ofrendanqa millakuypaqmi, mana allin sonqonwan qosqankurayku.

Proverbios 24:20

Mana allin runaqa mana allinpim tukunqa, mana allin runaqa mechero hinam wañurunqa. -30-

Proverbios 30:13

Kanmi hatun tukuq runakuna, runamasintapas winkullamanraqmi qawanku.

Proverbios 6:16

Soqta huchakunatam Tayta Dios cheqnin, qanchis kaqtañataqmi pasaypaqta millakun:

Proverbios 6:17

Hatun tukuyta, llullakuyta, mana huchayuq runa wañuchiyta,

Proverbios 8:13

Tayta Diosta kasukuyqa mana allin ruwayta cheqniymi. Ñoqaqa hatun tukuq runatawan hatunchakuytaqa cheqninim, mana allin kawsaytawan llullalla rimaytaqa cheqninim.

Isaías 10:12

Tayta Diosñataqmi Sión moqopi hinaspa Jerusalén llaqtapi ruway munasqankunata tukuruspan, Asiria nacionpa reyninta, hatun tukuq kayninwan ruwasqanmanta, alabakuspa, hatunchakuspa ruwasqanmanta castiganqa.

Isaías 2:11

Hatun tukuq runakunapas uchuychasqam kanqaku, hatunchakuqkunapas kumuykachisqam kanqaku. Chay tiempopiqa Tayta Diosllañam hatunchasqa kanqa.

Isaías 2:17

Hatun tukuq runakunam uchuychasqa kanqaku, hatunchakuq runakunam tuñichisqa kanqaku. Chay tiempopiqa Tayta Diosllañam hatunchasqa kanqa.

Isaías 3:16

Tayta Diosmi kaynata nin: Sión llaqtapi hatun tukuq warmikuna, umankuta altoman hoqarisparaq puriqkuna, ñawinkuwan engañananpaq qawaqkuna, ñutuchallamanta puriq qewillirakuna, chakinkupi adornokunata sallsallyachistin puriqkuna,

Lucas 11:34

Ñawiqa cuerpopa achkiyninmi. Sichum ñawiki allin kaptinqa cuerpoykipas achkipa huntasqanmi kachkan. Ñawiki mana allin kaptinmi ichaqa cuerpoykipas tutayaypi kachkan.

Lucas 18:14

Chaynaqa, nikichikmi, kay impuesto cobraqmi huchanmanta pampachasqaña wasinman kutikurqa, fariseoñataqmi mana pampachasqachu karqa. Pipas hatunchakuqqa uchuychasqam kanqa, uchuychakuqñataqmi hatunchasqa, nispa.

Romanos 14:23

Pipas iskayrayastin mikuqmi ichaqa huchallikuchkan mana allinpaq hapichkaspan mikusqanrayku. Chaynaqa, mana allinpaq hapichkaspanchik imapas ruwaruyqa hucham.

1~Pedro 5:5

Jovenkuna, qamkunapas ancianokunatayá kasukuychik. Llapaykichikyá uchuychakuspa kasunakuychik, Chuya Qellqam kaynata nin: “Diosqa hatun tukuqkunapa contranpim kachkan, uchuychakuqkunatam ichaqa kuyakuyninwan yanapan”, nispa.