Proverbios 21:20 - CHUYA QELLQA La Biblia en Quechua de Ayacucho 2012

²⁰ Yachayniyuq runapa wasinpiqa qori-qollqewan aceitem tarikun, mana yachayniyuq runam ichaqa kapuqninkunatapas yanqachan.

Quechua Ayacucho Bible 1987

²⁰ Yachayniyoq runapa wasinpiqa kapunmi qori-qollqewan tukuy imankunapas. Sonso runam ichaqa yanqachan tukuy kapuqninkunatapas.

Chuya Qellqa 1992

²⁰ Yachayniyuq runapa wasinpiqa qori-qollqewan aceitem tarikun, mana yachayniyuq runam ichaqa kapuqninkunatapas yanqachan.

Proverbios 21:20 Iomraidhean Croise

Jobwan Sutichasqa Libro 20:15

Payqa qori-qollqe rakrasqantam atqorunqa, Diospunim wiksanmanta atqochinqa.

Jobwan Sutichasqa Libro 20:18

Lliw ganakusqantapas kutichipunqam, qori-qollqe huñusqantapas manam provechanqachu.

Proverbios 10:22

Diospa bendicionninqa apuyachikuqmi, Diospa bendicionninqa manam llakikuytaqa apamunchu.

Proverbios 14:24

Yachayniyuq runapa coronanqa yachayninmi, mana tanteoyuq runapañataqmi mana yachayniyuq kaynin.

Proverbios 15:6

Allin ruwaq runapa wasinpiqa imapas achkanpim tarikun, mana allin runamanmi ichaqa ganakusqanpas sasachakuyllata apamun.

Proverbios 22:4

Tayta Diosta uchuychakuspa kasukuyqa apuyaytawan ancha reqsisqa kayta hinaspa kawsakuytam apamun.

Proverbios 8:21

Kuyaqniykunamanqa allin herenciatam qoni, wasintapas qori-qollqewanmi huntachini.

Eclesiastés 10:19

Convidoqa saksasqa kanapaqmi, vinopas kusisqa kanapaqmi, qollqeñataqmi tukuy imatapas ruwanapaq.

Eclesiastés 5:19

Diosqa qori-qollqetawan tukuy imatam runaman qon chaykunamanta mikunanpaq, chaymanta hapispa llamkasqanwan kusikunanpaq. Chayqa Diospa qokuyninmi.

Eclesiastés 7:11

Yachayqa kay pachapi kawsaqkunapaqqa allinpunim, sichum herenciatawan kuskata chaskisqaqa.

Jeremías 41:8

Ichaqa paykunamantam chunka runakuna, Ismaelta mañakuspa nirqaku: Amayá wañurachiwaykuchu. Ñoqay-kupam kachkan chakrapi pakasqa achkallaña trigoyku, cebadayku, aceiteyku hinaspa mielniykupas, nispanku. Chayraykum paykunataqa mana wañuchirqachu riqmasinkunatawan kuskataqa.

Mateo 25:8

Chay mana yachayniyuq sipaskunañataqmi yachayniyuq sipaskunata nirqaku: “Aceitekichikta rakiykuwayku, mecheroykum wañuruchkanña”, nispanku.

Lucas 15:14

Maypacham tukuy kapuqninta tukuruptinmi, chay kasqan llaqtaman hatun muchuy chayaramurqa. Chaymi yarqaymanta kaspan,

Lucas 16:1

Jesusmi discipulonkunata nirqa: Apu runapam huk mayordomon karqa. Paymantam patronninman willaykurqaku kapuqninkuna yanqachasqanmanta.

Lucas 6:45

Allinkuna ruwaq runaqa allin kaqkunata sonqonpi waqaychasqanmantam allin kaqkunata hurqomun, mana allin runañataqmi mana allin kaqkunata sonqonpi waqay-chasqanmanta mana allin kaqkunata hurqomun. Runaqa imatapas sonqonpi waqaychasqantam riman.