Proverbios 21:1 - CHUYA QELLQA La Biblia en Quechua de Ayacucho 2012

¹ Tayta Diospa makinpiqa reypa ima ruway munasqanpas mayu hinam, Diosmi maymi munasqanman pusan.

Quechua Ayacucho Bible 1987

¹ Reypa piensasqanqa Tayta Diospa atiyninpim kachkan *f**parqona yaku hina. Tayta Diosmi munasqanman hina reyta piensachin parqona yaku pusachkaq hina.

Chuya Qellqa 1992

¹ Tayta Diospa makinpiqa reypa ima ruway munasqanpas mayu hinam, Diosmi maymi munasqanman pusan.

Proverbios 21:1 Iomraidhean Croise

2~Reyes 19:33

Maymi hamusqan ñanllantam kutinqa, kay llaqtamanqa manam yaykumunqachu. Ñoqa Tayta Diosmi chaynata nini.

Esdras 1:1

Profeta Jeremiasnintakama Tayta Diospa nisqan cumplikunanpaqmi, Persia nacionpi rey Ciropa munaychakusqan punta kaq watapi, rey Ciropa sonqonman kay munakuyta Tayta Dios churarqa, lliw munaychakuyninpi runakunaman kay decretota simiwan hinaspa cartakunawan kaynata nimunankupaq:

Esdras 1:2

Persia nacionpa reynin Cirom kaynata nin: Hanaq pachapi Tayta Diosmi kay pachapi nacionkunata qowarqa, hinaspam Judá nacionpi kaq Jerusalén llaqtapi templota hatarichipunaypaq kamachiwarqa.

Esdras 6:22

Qanchis punchawmi mana levadurayuq tanta fiestata llumpay kusisqallaña ruwarqaku. Tayta Diosmi Asiria nacionpa reyninwan yanapachirqa Israelpa yupaychasqan Tayta Diospa templon ruwaypi, chayraykum paykunaqa llumpay kusisqallaña karqaku.

Nehemías 1:11

Dios Taytalláy ruegakuykim, kay serviqnikipa mañakuynintayá uyariykamullaway, sutikita hatunchay munaq serviqnikikunapa mañakuynintapas uyariykuyá. Kunanmi mañakamullayki ima ruwasqaypipas yanapaykuwanaykipaq, chaynataq reywanpas kuyapayaykachiwanaykipaq, nispa. Chay tiempopiqa reypa coperonmi karqani.

Nehemías 2:4

Reyñataqmi niwarqa: ¿Imatataq munanki qampaq ruwanayta? nispa Chaymi hanaq pachapi munaychakuq Diosta mañakuspay,

Nehemías 2:8

Huk cartatañataq sachaykikunata waqaychaq Asafpaq, chaynapi qerukunata qowananpaq, chaykunawan templopa punkunkunata, llaqtapa perqanta hinaspa yachanay wasitapas ruwachinaypaq, nispay. Chaymi reyqa cartakunata qoykuwarqa, Tayta Diospa yanapawasqanman hina.

Ester 2:17

Hinaptinmi rey Asueroqa llapallan warmikunamantapas aswanta Esterta kuyarurqa. Estermi llapallan sipaskunamantapas llumpayta rey Asueropa sonqonta suwarurqa, chaymi rey Asueroqa Esterpa umanman coronata churaykurqa, Vastipa rantinpi payña reina kananpaq.

Éxodo 7:3

Ichaqa ñoqam Faraonpa sonqonta rumiyarachisaq, hinaspaymi Egipto nacionpi achka-achka señalkunatawan admirakuypaq kaqkunata ruwasaq.

Proverbios 16:1

Runaqa tukuy imatapas tanteanmanmi, ichaqa Tayta Dios munaptinmi ruwasqa kanqa otaq manapas.

Proverbios 16:9

Runaqa sonqonpim imaynam kawsananta tantean, ichaqa Tayta Diosmi purinan ñantaqa allichan.

Proverbios 20:24

Runataqa Tayta Diosllam maymanpas pusan, manam pipas yachakunchu imayna tukuruytapas.

Isaías 43:19

Ñoqam musoq kaqta ruwasaq, hichpallañam kachkan rikurimunanpaq ¿manachu musyankichik? Chunniqpim ñanta kichasaq, chaki allpakunapim mayukunata kallpachisaq.

Isaías 44:27

Ñoqam hatun lamar qochata chakinanpaq kamachini, kallpaq mayuykikunatam chakichini.

Jeremías 39:12

Jeremiasta carcelmanta hurqoramuspaykiqa nanachikuspaykim ama imanankichu, aswanqa imam mañakususqaykitam qonki, nispa.

Daniel 4:35

Paypa qayllanpiqa kay pachapi runakunaqa mana kaq hinallam kanku, hanaq pachapi tropakunawanpas munasqanman hinam ruwan, kay pachapi yachaqkunawanpas munasqanman hinam ruwan, manam pipas sayarinmanchu paypa atiyninpa contranpiqa, manam pipas tapupayanmanchu paypa imam ruwasqantaqa.

Hechos 7:10

hinaspam llapa ñakariyninkunamanta librarqa. Dios yanapaptinmi Joseyqa allin yachayniyuq karqa, chaymi rey Faraonpas allinpaq qawaspan Joseyta akllarqa Egipto nacionpi hinaspa kikin reypa wasinpi kamachikuq kananpaq.

Apocalipsis 16:12

Soqta kaq angelpas copa apasqantam hatun Eufrates mayuman talliykurqa hinaptinmi chay mayuqa chakirurqa, chakirurqaqa intipa qespimunan lawmanta hamuq reykuna chayninta chimpanankupaqmi.

Apocalipsis 16:4

Kimsa kaq angelpas copa apasqanta mayukunapa hawanman pukyukunapa hawanman talliykuptinmi yawarman tikrakururqa.