Proverbios 20:3 - CHUYA QELLQA La Biblia en Quechua de Ayacucho 2012

³ Runapa alabakuyninqa piñanakuymanta asurikuymi, mana yachayniyuqmi ichaqa piñanakuyta hatarichin.

Quechua Ayacucho Bible 1987

³ Alabasqa runam atipanakuymanta asurikuq runaqa. Mana tanteoyoqmi churanakuyta qallarichiq runaqa.

Chuya Qellqa 1992

³ Runapa alabakuyninqa piñanakuymanta asurikuymi, mana yachayniyuqmi ichaqa piñanakuyta hatarichin.

Proverbios 20:3 Iomraidhean Croise

Génesis 13:7

Chaynapim Abrampa michiqninkuna Lotpa michiqninkunawan piñanakuqku. Chaypitaqmi cananeokunapas, ferezeokunapas yacharqaku.

Génesis 13:8

Hinaptinmi Lotta Abram nirqa: Ñoqanchikpiqa amayá piñanakuyqa kachunchu, nitaq michiqninchikkunapipas, ñoqanchikqa aylluntinmi kanchik.

2~Reyes 14:9

Hinaptinmi Israelpa reynin Joasñataq Judá nacionpa reynin Amasiasta nichimurqa: Líbano montepi wiñaq cardo qoras cedro sachata nichimusqa: “Warmi churikita qari churiywan casarachiy”, nispa. Ichaqa Líbano monte animalsi chayninta pasaspan cardo qorata saruparusqa.

Proverbios 14:17

Chaylla piñakuruq runaqa mana allinkunallatam ruwan, allin tanteakuq runam ichaqa hawkalla kakun.

Proverbios 14:29

Mana chaylla piñakuruq runaqa ancha yachayniyuqmi, chaylla piñakuruq runam ichaqa pasaypaq mana yachayniyuq kasqanta qawachikun.

Proverbios 16:32

Qari-qari kaymantapas aswan allinqa mana chaylla piñakuruymi; llaqtakuna venceymantapas aswan allinqa genionchik controlakuymi.

Proverbios 17:14

Qocharayaq yakuta kachaykuq runa hinam piñanakuyta qallarichiq runaqa, manaraq imapas kachkaptin chaymantaqa ayqekuy.

Proverbios 18:6

Mana yachayniyuq runaqa siminwanmi piñanakuyta hatarichin, siminraykum maqachikunpas.

Proverbios 19:11

Pacienciakuyqa yachayniyuqpa ruwayninmi, alabasqa kayqa runamasinpa pantarusqanta mana kaqpaq hapiymi.

Proverbios 21:24

Burlakuspa qari tukuqtaqa “hatun tukuq, qara uya, mana penqakuq” nispam sutichanku.

Proverbios 26:17

Hukpa quejanman chapukuyqa allqota rinrinkunamanta hapiruy hinam.

Efesios 4:32

Aswanqa sumaq sonqo kaspa kuyanakuychik, imaynam Diospas Cristorayku pampachasurqankichik, chaynayá qamkunapas pampachanakuychik.

Santiago 3:14

Sichum qamkunapi envidianakuykuna kaptinqa hinaspa kikillaykichikpaq imatapas munaspaqa, amayá hatun tukuychikchu yachayniyuq kasqaykichikmantaqa, chaynata ruwaspaqa cheqap kaqpa contranpim llullakuchkankichik.

Santiago 4:1

¿Maymantataq hamun qamkuna ukupi kaq guerrakunawan atipanakuykunaqa? Chaykunaqa hamun ukuykichikmantam, mana allin munasqaykichikmi sonqoykichikpi peleachkan.