Proverbios 19:6 - CHUYA QELLQA La Biblia en Quechua de Ayacucho 2012

⁶ Sumaq sonqo runamanqa achkam llunkukunku, imallanpas qokuykuq runapaqqa lliwmi amigollan.

Quechua Ayacucho Bible 1987

⁶ Allin sonqoyoq runapa favornintam achkallaña maskanku. Qokuq runataqa llapallankum amistadnin kanankupaq maskanku.

Chuya Qellqa 1992

⁶ Sumaq sonqo runamanqa achkam llunkukunku, imallanpas qokuykuq runapaqqa lliwmi amigollan.

Proverbios 19:6 Iomraidhean Croise

Génesis 32:20

“Serviqniki Jacobqa qepaykutam hamuchkan”, nispa. Chaynataqa nirqa kaynata yuyaymanaspam: Regalokunata puntarachispaymi piñakuyninmanta sonqonta tiyaykachisaq, hinaspañam tupaykusaq, icharaqpas chaskiykuwanman, nispa.

Génesis 42:6

Egipto nacionpim José munaychakuq karqa, paymi llapa runakunaman kawsayta rantikuq. Joseypa wawqenkunam chayaruspanku paypa ñawpaqninpi pampakama kumuykurqaku.

Génesis 43:15

Chaymi Jacobpa churinkuna, regalokunata, qollqetapas ñawpaq apasqankumanta huk chaynatawanraq aparikuspa kutirqaku. Pusarqakutaqmi wawqenku Benjamintapas, chaymi Egipto nacionman rispanku Joseyman chayarurqaku,

Proverbios 16:15

Reypa kusikuyninpiqa kawsaymi tarikun, paypa kuyakuyninqa poqoy para hinam.

Proverbios 17:8

Sobornoman amañasqa runapaqqa soborno chaskiypas hampi hinaraqmi, chayna runaqa mayman risqanpipas allinraqmi lloqsin.

Proverbios 18:16

Regalowanqa ima punkupas kichakuykunmi, munayniyuq runakunapa qayllanmanpas chayachikunmi.

Proverbios 19:12

Reypa piñakuyninqa malta leonpa qapariynin hinam, kuyapayakuyninñataqmi pastokunapi sulla hina.

Proverbios 21:14

Pakasqallapi qosqa regaloqa piñakuytapas tanichinmi, pakasqallapi qosqa regaloqa llumpay rabiakuytapas tanichinmi.

Proverbios 29:26

Kamachikuqpa yanapakuynintaqa achkaqmi maskanku, chaywanpas Diosllam justiciataqa ruwan.

Mateo 2:11

Chaymi wasiman yaykuykuspanku wawatawan maman Mariata tariykurqaku hinaspam qonqorakuykuspa wawata hatuncharqaku, chaymantam qepinkuta kichaspa apamusqanku qorita, inciensota hinaspa miski asnaq mirrata qorqaku.

Romanos 6:23

Huchapa pagonqa wañuymi, Diospa qowasqanchikmi ichaqa Señor-ninchik Jesucristowan kuska wiñaypaq kawsakuy.