Proverbios 19:3 - CHUYA QELLQA La Biblia en Quechua de Ayacucho 2012

³ Mana yachayniyuq runaqa mana allin ñanman wichiykuspam Tayta Diospaqraq piñakunpas.

Quechua Ayacucho Bible 1987

³ Mana tanteoyoq runapa rurasqankunaqa pantayllamanmi pusan. Chaywanpas rabiaruspanmi Tayta Diostaraq acusan.

Chuya Qellqa 1992

³ Mana yachayniyuq runaqa mana allin ñanman wichiykuspam Tayta Diospaqraq piñakunpas.

Proverbios 19:3 Iomraidhean Croise

2~Reyes 6:33

Llapa ancianokunawan Eliseo rimach-kaptinraqmi chayaruspan rey nirqa: Cheqaptapunim kay ñakariyqa Tayta Diosmanta hamun, ¿imatawanraqtaq paymanta suyayman? nispa.

Jobwan Sutichasqa Libro 15:13

¿Imanasqataq Diospaq piñakurunki? ¿Imanasqataq simikitapas llutanpi kacharinki?

Proverbios 11:3

Allin kawsakuq runataqa allin kawsakuyninmi kawsachin; iskay uya runatam ichaqa iskay uya kaynin chinkachin.

Isaías 32:6

Qacha sonqo runaqa chayna kayninman hinam riman, huchakuna ruwananpaqmi sonqonpi yuyaymanan, Tayta Diospa contranpim mana allinkunallata riman; yarqasqakunaman mana mikuy qoykuqmi, yakunayasqakunaman mana yaku qoykuqmi.

Lamentaciones 3:39

¿Imanasqataq runa quejakun huchapi kawsachkaspaqa?

Ezequiel 18:25

Ichapas qamkuna niwankichikman: “Señor, qamqa manam allin arregloman hinachu juzgachkanki”, nispaykichik. Chaynaqa, Israelpa mirayninkuna uyariwaychik: Ñoqaqa allin arregloman hinam ruwachkani. Qamkunam mana allintaqa ruwachkankichik.

1~Samuel 13:13

Hinaptinmi Samuel nirqa: ¡Loco hinam kaytaqa ruwarunki! Sichum Tayta Diospa kamachisusqaykita kasukuwaq karqa, hinaptinqa paymi cheqaptapuni Israel nacionpi rey kaynikitapas miraynikikunakama wiñaypaq takyachinman karqa.

1~Samuel 15:23

Layqanakuy hucha hinam Diospa contranpi sayariyqa, idolokunata yupaychay hucha hinam mana kasukuyqa. Chaynaqa, Tayta Diospa Chuya siminta mana kasukusqaykiraykum rey kaynikimanta qarqosunki.