Proverbios 19:29 - CHUYA QELLQA La Biblia en Quechua de Ayacucho 2012

²⁹ Burlakuq runapaqqa castigopas listom kachkan, mana yachayniyuqpa wasanpaqpas azotem kachkan.

Quechua Ayacucho Bible 1987

²⁹ Burlakuq runakunapaqmi castigokunaqa chaylla kachkan. Sonso runapa wasanpaqtaqmi azotekunapas chaylla kachkan.

Chuya Qellqa 1992

²⁹ Burlakuq runapaqqa castigopas listom kachkan, mana yachayniyuqpa wasanpaqpas azotem kachkan.

Proverbios 19:29 Iomraidhean Croise

2~Reyes 2:24

Eliseoñataqmi paykunata qawarispan Tayta Diospa sutinpi ñakaykurqa, chaymi montemanta iskay ukumarikuna lloqsiramuspa tawa chunka iskayniyuq warmakunata tisaparurqa.

Proverbios 1:22

Mana yachayniyuq jovenkuna, ¿haykapikamataq mana yachayniyuq kankichik? ¿Haykapikamataq burlakuynikichikpi kusikuspa yachayta cheqninkichik?

Proverbios 1:26

Chayraykum ñoqapas ñakariypi kaptikichik, manchakuy hamusuptikichik burlakusaq;

Proverbios 10:13

Yachayniyuqpa siminpiqa yachaymi tarikun, azoteñataqmi mana yachayniyuq runapa wasanpaq.

Proverbios 17:10

Yachayniyuq runaqa qaqchaykusqam yuyayta hapin, mana yachayniyuq runam ichaqa pachak kutikama azotesqapas mana uyarikuq.

Proverbios 18:6

Mana yachayniyuq runaqa siminwanmi piñanakuyta hatarichin, siminraykum maqachikunpas.

Proverbios 26:3

Latigowanmi caballotaqa mansanchik, asnotañataqmi jaquimawan controlanchik, mana kasukuqkunataqa azotewanmi correginchik,

Proverbios 3:34

Burlakuqkunamantaqa Tayta Diospas burlakunmi, llampu sonqokunatam ichaqa kuyapayan.

Proverbios 7:22

Hinaptinmi chay joven, nakanankupaq toro pusasqa hina, toqllaman wichiykuq luwichu hina, chay warmita qatikurqa.

Proverbios 9:12

Yachayniyuq kaynikiqa kikillaykipaqyá kachun, mana kasukuq kaspaykiqa kikillaykim ñakariyta tarinki.

Isaías 28:22

Hinaptinqa amañayá burlakuychikñachu, yanqañataq watasusqaykichik astawan seqorusunkichikman; kay pachata tuñichinanpaq Tukuy Atiyniyuq Tayta Diospa tanteasqantam uyarirqani.

Isaías 29:20

Runamasin ñakarichiqpas tukunqam, asipayakuqkunapas chinkanqam, mana allinkunalla maskaqkunapas chinkarunqakum.

Deuteronomio 25:2

Chay huchayuqta azotenankupaq sentenciaptinkuqa, juezmi qayllanpi pampaman chutaykachispa huchanman hina azotechinqa.

Hebreos 12:6

Churilláy, Señorpa anyasusqaykiwanqa amayá hukmanyaychu”, nispa.